#LIVE: TWAHA MWAIPAYA YUKO WAPI? -WANAHARAKATI WA KENYA WAWASHA MOTO NAIROBI xitter.cf/i/broadcasts/1lKQRWMyp…

Heche atoa wito kwa Ruto kumsaidia kumpata Twaha Mwaipaya aliyeritopiwa kutekwa Kenya mwanzotv.com/heche-atoa-wito…

#TANZANIA:POLISI TANZANIA WAONYA WANAOPANGA KUFANYA VURUGU, VIONGOZI WA DINI WATAJWA Jeshi la Polisi limeonya watu wanaojihusisha na mipango ya kufanya vurugu, fujo na kuharibu miundombinu inayotumika kutoa huduma kwa umma, mali za umma na binafsi, likisema litachukua hatua kali za kisheria dhidi yao. Onyo hilo limetolewa na Msemaji wa Jeshi la Polisi, David Misime, katika taarifa kwa umma iliyotolewa leo, Oktoba 26, 2026, akieleza kuwa jeshi hilo linaendelea kutekeleza majukumu yake ya msingi ya kulinda amani, utulivu na usalama nchini. Misime amesema pamoja na kuwepo kwa mipango, matamko na uhamasishaji unaofanywa na baadhi ya viongozi wa dini, siasa na wanaharakati, Jeshi la Polisi linafuatilia kwa karibu viashiria vya vitendo vya uhalifu vinavyoweza kuhatarisha usalama wa wananchi. Amesema vitendo hivyo vinavyopangwa ni pamoja na kufanya vurugu na fujo pamoja na kuharibu miundombinu inayotumika kutoa huduma kwa umma, mali za umma na binafsi. Ameeleza kuwa Jeshi la Polisi linashirikiana na vyombo vingine vya ulinzi na usalama, huku likitumia taarifa mbalimbali zinazolifikia kufuatilia na kuwakamata washukiwa wa mipango hiyo kwa hatua za kisheria. “Tunatoa onyo kwa wanaojihusisha kwa namna moja ama nyingine katika vitendo hivyo vya uhalifu vyenye mwelekeo wa kufanya fujo na kuharibu mali kuacha kwani halitasita kuchukua hatua kali kwa mujibu wa sheria kwa yeyote atakayebainika kujihusisha na mipango hiyo ya kihalifu,” amesema Misime. Aidha, amewataka wananchi kuendelea kuzingatia sheria za nchi na utawala wa sheria, akisisitiza kuwa kufanya hivyo ni msingi muhimu wa kudumisha amani, utulivu na usalama wa Taifa. Amesema Jeshi la Polisi litaendelea kushirikiana na vyombo vingine vya ulinzi na usalama kuhakikisha wananchi na mali zao wanalindwa.