الميتافوري_Metaphorian

وخلصنا من اللعبة الرهيبة والعجيبة Phantom Blade Zero 🔥🔥 وتم تكريم اللعبة ب بلاتنيوم من اول تختيمة 🏆🏆 ونقدر نقول بسم الله نبلش المراجعة ولا تنسوني من دعمكم لي تحفيزا لي🤍🤍 المراجعة ( بدون حرق) : 1- القصة : تبتدي بقصة ب قتال بين البطل قصة Soul وصديق الطفولة Zuo Shang بسبب خلاف بينهم مجهول ، بعدها تبتدي برحلة في مملكة Wulin الي فيها عدة مناطق كل منطقة لها قصة مميزة تتميز عن غيرها قصص تتكلم عن حزن بين الاشخاص، احلام زائفة، غدر، ام تحمي طفلها، اب يحمي اهله، كئابة الاحداث كله بسبب شخص ب لقب The Herald كل منطقة زرتها تعمقت بقصصها والشخصيات الي قاعدة تعيش كآبة الحدث نفسه او الي عايش على حلم زائف وابدا ما راح يجي، بعد في ورود زرقاء يقولون لك ماضي الشخصيات الي كانو عايشين بكل منطقة انت زرتها بس صراحة كان ودي ان بدل ما اسمع فقط الكلام كان ودي يكون مشاهد سينمائية تقييم القصة : 10/10 2- القيم بلاي : اكثر ما تميزت فيها اللعبة مو طبيعي كمية التنوع في الاسلحة او البوسيس كل واحد مميز عن الثاني كل مرة ودي اجرب سلاح جديد لي ما ثبتت على اسلحة من نوع Dual Wield او One Handed Sword وكل ما تطور السلاح يكون في مميزات خاصة مختلفة عن الاسلحة الثانية وجدا جدا استمتعت بالتنويع بين الاسلحة في الي يحرق، في الي يكسر درع الاعداء بسرعة، في الي يسبب رعد وشلل او ثلج يجمد الاعداء ف هذا اكثر شي مميز باللعبة تقييم القيم بلاي : 10/10 3- الاعداء / البوسيس : الاعداء كانو ممتعين وسهلين في البداية وهم نوعين من الاعداء في العالم الي هم Maskwalkers و Puppets ويخلتفون مرات يكونون عاديين بعدين مع تقدم المرحلة بعضهم يكون مدرع ولازم تكسر درعه او تراوغ عشان يجيه ضرر واخر شي لما يكون هو رئيس المجموعة ويكون هيله عالي وعنده حركات كثيرة وضرر عالي وجدا جدا ممتعين وبعضهم صراحة غثيث اما البوسيس ف حرفيا كل واحد ممتع ومميز اكثر عن الثاني وكل واحد يحكي قصته ومعاناه الي خاضها او هدف يبي يحققه او قصة في المنطقة والي ذكرتها في النقطة الاولى غير عن حركاتهم في الضربات ، مرات يكون عندهم فيز ثاني مرات يكونون عندهم فيز ثالث وهذا الشي العجيب والممتع اذا مت مثلا في معين ما يرجع لك تعيد البوس من جديد، لا يعيد لك من الفيز الي انت مت فيه وهذا يوريك ان اللعبة ابدا مو سولز وصراحة اكثر بوسيس استمتعت فيه هو فاينل بوس بكل جدارة طلع كل طاقتي عليه تقييم الاعداء/ البوسيس : 10/10 4- العالم/ المناظر: نفس ما ذكرت في النقصة الاولى كل منطقة مميزة عن الثاني مو بس في القصة ، حتى في الجمال الابداعي في التصميم جدا مميز مرات منظر جميل ورايق ومرات منظر يحسسك ب كآبة المكان، ومرات يوريك منظر مرعب ، كل منظر في هذا العالم يحسسك ب شي وضابط عليه الشعور والاحساس الي يجيك تقييم العالم / المناظر : 10/10 5- المهام الجانبية : كذلك ايضا المهام الجانبية مميزة وجميلة وعميقة ، يوريك شخصيات الجانبية والمعاناة الي قاعدة تعيش كل شخصية في هذا العالم وهدف بعضهم ان يعيش حياة مفعمة بالسلام والامل، او شخصيات تاذت حلم زائف وان لا مفر من هذا العذاب الي قاعد يعيشه وكلهم بيصيرون ضحايا للشرير واهدافه الشريرة ، استمتعت بكل شخصية سواء كانت من بداية القصة او منتصفها او حتى لي النهاية تقييم المهام الجانبية : 10/10 6- الاوست / الساوندتراك: صراحة كل اوست اكشن ضبطوه بالمعنى الحرفي سواء للمناطق داخل اللعبة او حتى اوستات للبوسيس كل واحد مميز ورهيب عن الثاني، بس مرات في اوستات تضحكني وابدا ما ينفع الي قاعد يصير لحدث معين بس هذا الشي ابدا ما خرب تجربتي اني اعيش تجربة القصة او الاحداث الجانبية واكثر شي اوستات عجبوني هي حقت بوسيس صراحة ممتعين جدا تقييم الاوست / الساوند تراك : 10/10 تقييم اللعبة النهائي : 10/10 #PhantomBladeZero #PhantomBlade0