لاول مره استشعر الفروقات بين الجنسين!
يس بعد كل هالعمر!
يا بابا قاعدة اسولف لك فقط واعلمك شنو اسوي
مابي منك اي مجهود غير الاستماااع! مابي مساعده !
اساسا جالسه اعلمك شنو بسوي بالتفاصيل ومتى!
شلون عقلك يفسر كل هذا بإني احتاج مساعدة واني ابيك تجي مشوار وتسوي هالشغله عني؟
لا شكرا
امس شربت ٤ اكواب قهوة كبيرة عشان اقعد مصحصحه للصبح
قدرت انام اربع ساعات وجلست
بطني يمغصني! مو طبيعي !!
هل القهوة هي السبب؟
غضبانه
اتوقع اخر مره استخدم airalo!! 🤬
شحنت للبحرين ابو ٣ جيجا ابيها لكم ساااعه وبرجع
صار لي ساعتين وللحين مااشغلت!
عدت تشغيل الجهاز ولا اشتغلت
كلمت الدعم الفني مامنهم فايدة
خسارة فيهم الهلله 😠
شنو اخذ سيارة جديدة؟
كنت مقرره على الاكس تريل: شفت كثير يشتكو من مشكلة معينه وكنسلتها مع انهااا حيل بخاطري
الخيار الثاني تي روك: اخاف عليها من قرود جيراننا فأبي شي عادي اوقفها بالشارع بدون مااصيح عليها كل يوم
الخيار الثالث نوعين من كيا: مو حيل ابي كيا
الرابع كريتا: اكرهه هونداي مااحببههااا
الخامس كامري عشان اسوق سواقه خايسة بالشارع بدون تأنيب ضمير بس اكرهه تويوتااا
السادس تيرين: غاليه على شنو؟ تجميع مكسيكي ليتها أمريكي امريكي!؟ وعلى شنو يعني؟ مااحس تسوا سعرها
السابع تورس: بابا يقول صيني لا
الثامن سوزوكي: مادخلت قلبي حيل
للمره الثانية انخدع بمنتجات اجمل اخخخ ودي اخذ كل احد يمدحهم واهبده فوق راسه!!
قد جربت العطر الي يشبهه عطر شانييل يصدددع وتقلب ريحته الى شي يلوع الكبد
حتى لما صرت ارشه بالحمام عساس معطر جو كريبيههه كريييهه
دايم استغرب ليش للحين ماعضلت الباي عندي ولا صارت حلوه نفس حقت معضله النادي
وانا حاطه يوم واحد للعلوي ومرات اسوي له سكب
وزني فيه: 2 😔
ماحب الاجهزة استخدم الدامبلز بس لان مدربي الشخصي يقول يكفي ويأدي الغرض (جيبتي)
جلست وقت صلاة الفجر على حلم مو حلو وماقدرت ارجع انام بعدها
الغريب نفس مشاعري بالحلم للحين احس فيها!
خلاص ياعقلي استوعب انه حلم والحين حياه حقيقية!
مر على الموضوع كم ساعه!!
اشكر ام الي قالت استخدام المناغات او الونين الخفيف يساعد على النوم
دورت كلامها هنا مالقيته
جربتها الثلاثاء كان عندي ارق ماقدرت انام الى الساعه وحده
يرخي الجسم بشكل عجيب سبحان الله
وصح يساعد على النوم مع انها نومه ابو ساعات لكن جلست وقدرت اكمل يومي كامل بدون تعبت او ارهاق نفس كل مره
سلومي من اسبوعين يقول جا *وحش* ياكلني ويمشي
وعادها مره ثانيه بنفس التفاصيل
اين انت يا وحشي اللطيف !؟
طلبت ماء علب كبيرة (علب البراده)
حطهم عند الباب ومشى، ولاني حاطه الدفع عند الاستلام قال حولي متى مافضيتي وخلاص
ياااخخخ على السنين الي اتعامل فيها مع حقين الكراتين ماينزل لين يكون احد موجود!
عموما طلعت من الدوام رجعت البيت دخلتهم، حولت للرجال فلوسه
اخذت قهوة ورجعت المكتب
يااازييييين الحياه 🫂💖