موضي

يا اللي تقول الدرب يسر و سهالات ترى المصاعب ما تحرّم مزوحي ما أعلنت خطواتي تعدّيت بسكات والصمت يغني عن مشاوير بوحي ما شفت كم بالدرب قابلت عثرات ما شفت تضحيتي وانا ابني صروحي أخفيت مجهود المدى والمعاناة وبان النجاح اللي تبروز بـ لوحي ما أعطتني الدنيا فرص وإختيارات كنت أفرض الأحلام واتبع طموحي أوقات وجهي يفضح الحزن واوقات ما فيه احد يقدر يصافح وضوحي الذكريات اللي تجي مثل ومضات ما سيّلت غير الأمل يا سفوحي شاعر واعرف آحرّك قلوب بـ أبيات واعرف أداوي بـ القصايد جروحي الغيم ماخذ من صفا القلب لمحات حتّى المطر تشبه نقاوتْـه روحي من قبل أنادي لـ النهار المساء فات وبـ وقت توديع السنا لاح ضوحي يا اللي تخاف من السفر والمسافات شف إغترابي مات لحظة نزوحي