معاذ المشعلي | تسويق ونمو

المتجر رفع السعر من ٢٥٠ لـ٥٠٠ قبل أسبوع وحط عليه خصم ٥٠٪ وأنت فرحت إنك وفّرت 🙂 صوّر سعر أي منتج تبيه الحين وقارنه في الجمعة البيضاء ..

واحد من المتابعين أرسل لي هذي بعد التغريدة 😂 العطر بـ٢٤٩.٥٠ والشحن مجاني فوق ٢٥٠ باقي لك نص ريال بس 🙂 وفيها حيلتين مع بعض خصم ٥٠٪ وشحن مجاني على الحافة تتوقعون وش بيضيف عشان النص ريال؟ 👇

التوصيل مجاني للطلبات فوق ٢٠٠ ريال وأنت سلتك فيها ١٧٠ وش تسوي؟ 😂 تضيف منتج بـ٤٠ ما تحتاجه عشان توفر ١٥ ريال توصيل وهذا بالضبط اللي يبيه المتجر

وعشان ما أكون أقول كلام وما أطبقه هذي قناتي في الواتساب أشارك فيها أفكار التسويق والأتمتة اللي تفيد التجار وأصحاب الشركات 👇 whatsapp.com/channel/0029Vb7…

ثلاث أيام مقاطعة لتيك توك كشفت شي ما ينتبه له أغلب التجار عندك ١٠٠ ألف متابع هناك؟ ترى ولا واحد منهم لك المنصة هي اللي تقرر مين يشوفك ومين لا وبضغطة زر ممكن يروحون كلهم بس العميل اللي عندك في قناة الواتساب أو برقمه هذا عميلك أنت توصل له متى ما تبي وبدون ما تستأذن من أحد وأنت جمهورك وينه الحين في المنصات ولا عندك؟ #مقاطعة_التيك_27_أكتوبر

الأتمتة عطت عميل معلومة غلط في الواتساب وخسرت الطلب مين المسؤول؟

أكثر جملة أسمعها من أصحاب الشركات عملائي يبون يكلمون إنسان وهذا صحيح لما كان الرد الآلي يقول اضغط ١ واضغط ٢ بس العميل ما يبي إنسان العميل يبي أحد يفهمه ويرد عليه بسرعة ويخلص طلبه ولو جاه هذا من ذكاء اصطناعي ما راح يفرق معه اللي يفرق معه إنه ينتظر

الإعلان ما يبيع. الإعلان يجيب لك عميل لين الباب والبيع يصير بعدها. لو جاب لك الإعلان ١٠ آلاف زائر للمحل وما فيه أحد يستقبلهم صح ما راح تستفيد منهم شي. وهنا أغلب التجار يخسرون بدون ما يدرون: العميل يشوف الإعلان ويتصل والجوال يرن وما أحد يرد. أو يراسل في الواتساب ويجيه الرد بعد ثلاث ساعات وهو اشترى من غيرك. أو ينرد عليه بس بموظف ما يعرف يبيع يعطيه السعر ويسكت. وبعدها التاجر يقول الإعلانات ما تنفع ويغير الوكالة ويزيد الميزانية ويرجع نفس الشي. الإعلان يكبّر اللي عندك. لو عندك بيع قوي وخدمة عملاء سريعة بيضاعف أرباحك. ولو عندك فوضى بيضاعف الفوضى وبتدفع عليها. لو تحس إن إعلانك شغال والمبيعات ما تتحرك المشكلة غالباً ماهي في الإعلان. وهذا بالضبط اللي أشتغل عليه مع التجار.