பள்ளிக் கல்வித்துறை தொடர்பான முறைகேடு குற்றச்சாட்டின் அடிப்படையில், முன்னாள் பள்ளிக் கல்வித் துறை அமைச்சர் அன்பில் மகேஷ் கைது செய்யப்பட்டுள்ள நடவடிக்கையை வரவேற்கிறோம். தவறு செய்தவர்கள் யாராக இருந்தாலும், அவர்கள் மீது சட்டப்படி உரிய நடவடிக்கை எடுக்கப்பட வேண்டும் என்பதில் மாற்றுக் கருத்துக்கு இடமில்லை. கடந்த 2023 ஆம் ஆண்டு, நாங்கள் DMK Files வெளியிட்டபோது, தமிழ்நாட்டில் நோபல் ஸ்டீல் நிறுவனத்தின் ₹1,000 கோடி முதலீடு தொடர்பாக நாம் எழுப்பிய கேள்விகளுக்கு அன்றைய திமுக அரசு உரிய விளக்கம் அளிக்கவில்லை. அந்த முதலீடும் தமிழகத்துக்கு வரவில்லை, முறைகேடான முதலீடு என்ற எங்கள் குற்றச்சாட்டுக்கும் இன்றுவரை பதில் இல்லை. திரு. அன்பில் மகேஷ் தொடர்பான உதயநிதி ஸ்டாலின் பெயரிலான அறக்கட்டளை, நோபல் குழுமத்தின் மற்றொரு நிறுவனமான நோபல் பிரிக்ஸ் நிறுவனம் இயங்கி வந்த அதே முகவரியில் இயங்கி வந்ததாகக் கூறப்பட்ட தகவலுக்கும் இன்று வரை பதில் இல்லை. நோபல் பிரிக்ஸ் நிறுவனத்திற்கும் உதயநிதி ஸ்டாலின் அறக்கட்டளைக்கும் இடையே என்ன தொடர்பு? அந்த நிறுவனத்தின் ₹1,000 கோடி முதலீடு தொடர்பான கேள்விகளுக்கு என்ன பதில்? இந்த விவகாரத்திலும் தவெக அரசு வெளிப்படையான விசாரணை நடத்தி, உண்மைகளை மக்களுக்குத் தெரிவிக்க வேண்டும் என்று கேட்டுக் கொள்கிறேன்.

பெரியதாதம்பாளையம் ஏரியை மீட்டெடுத்து மக்களின் பயன்பாட்டிற்குக் கொண்டுவருவதற்கான அனைத்து முயற்சிகளையும் முன்னெடுப்போம். 53.5 ஹெக்டேர் நிலத்திற்குப் பதிலாக சேலம் மாவட்டத்தில் 106 ஹெக்டேர் நிலத்தை வனத்துறைக்கு வழங்குவது தொடர்பாக ஏற்கனவே கரூர் மற்றும் சேலம் இரண்டு மாவட்ட ஆட்சித் தலைவர்களுக்கிடையே நடைபெற்றுள்ள கடிதப் பரிமாற்றங்களின் அடிப்படையில், இந்தப் பிரச்சினைக்கு உரிய தீர்வு காண அரசை வலியுறுத்துவோம். கரூர் மக்களின் எதிர்காலத்தைக் காப்பாற்ற, நீர்நிலைகளை மீட்டெடுப்பதும், பசுமையை அதிகரிப்பதும், அமராவதி உபரிநீரை இப்பகுதிக்குக் கொண்டுவருவதற்கான விரிவான திட்ட அறிக்கையைத் தயாரிப்பதும் அவசியம். இந்தப் பகுதி மக்களின் குரலை அரசுக்குக் கொண்டு செல்ல, சுற்றுவட்டாரக் கிராமங்களில் கையெழுத்து இயக்கத்தை முன்னெடுப்போம்.

கரூர் மாவட்டம், அரவக்குறிச்சி தொகுதியில், கடந்த பத்தாண்டுகளாகத் தண்ணீரின்றி, ஆக்கிரமிப்புகளாலும் கழிவுகளாலும் சீரழிந்து கிடந்த நங்காஞ்சி (நல்காசி) ஆற்றை, நமது @WTLFoundation தன்னார்வலர்கள் கடந்த 45 நாட்களாகத் தொடர்ந்து மேற்கொண்ட சீரமைப்புப் பணிகளின் முதற்கட்டப் பணிகளை நிறைவு செய்து, இன்று நங்காஞ்சி ஆற்றில் மீண்டும் தண்ணீர் வருவதற்கான பாதையை உருவாக்கியிருப்பது பாராட்டுக்குரியது. ஒரு குழுவாக இணைந்து, உறுதியுடன் செயல்பட்டால் எவ்வளவு பெரிய பிரச்சினையையும் தீர்க்க முடியும் என்பதற்கு நங்காஞ்சி ஆற்றின் மறுசீரமைப்பே சிறந்த எடுத்துக்காட்டு.

இன்று, கரூர் மாவட்டம், அரவக்குறிச்சி தொகுதியில், நமது @WTLFoundation சார்பில் நடைபெறும், நல்காசி ஆற்றைத் தூய்மைப்படுத்தும் பணிகளைப் பார்வையிட்டதுடன், ஆற்றுப்படுகையில் மரக்கன்றுகள் நடும் நிகழ்விலும் பங்கேற்றதில் பெருமகிழ்ச்சி அடைகிறேன். சுற்றுச்சூழல் பாதுகாப்பு என்பது நம் ஒவ்வொருவரின் பங்களிப்பின் மூலம் மட்டுமே சாத்தியமாகும். நமது நீர்வளத்தையும் இயற்கை வளங்களையும் பாதுகாத்து, வரும் தலைமுறைக்கு பசுமையான சூழலை விட்டுச் செல்வோம். மக்கள் பங்கேற்புடன் இயற்கையைக் காக்கும் நற்பணிகளைத் தொடர்ந்து முன்னெடுப்போம்.