االفاضي

﷽ ﴿ قُلْ هُوَ اللَّهُ أَحَدٌ ۝ اللَّهُ الصَّمَدُ ۝ لَمْ يَلِدْ وَلَمْ يُولَدْ ۝ وَلَمْ يَكُنْ لَهُ كُفُوًا أَحَدٌ ۝ ﴾

المهم الله يصبحكم بكل خير ...

الله ياخذ الرخمه ياضعفك ضعفاه بين الرياجيل

أنتي و أنا مثل القمر و الشمس نضوي كل صوب حلوين مفترقين لكن مع بعضنا في خطر كلٍ يشوف الثاني من بعيد و يعد الذنوب إلا تحت قطر المطر ننسى و نضحك من بطر جعل المطر على مدار العام يا الخود الطروب مادام هذا هو مزاجك كل ما جانا المطر.

يانعبو فرقا المواليف ياطير نارً في قلبي أشعلت به حطبها أقفت وخلتني بليا معاذير عقب الغلا وصارت همومي سببها هموم قلبي بين ورد ومصادير وروحي طواها همي اللي شعبها ياليت لي جنحان ياطير وأطير من عقب فرقاً ماحدً محتسبها أقفت مواسم فرحتي والتباشير وأقفت لياليها وأقفى طربها من عقب مااعلن روحته دون تحذير وخيام بعده قدم عيني نصبها وجتني قرارات الجفيا مسايير عاجل مع التنفيذ لحظة طلبها أقفى يجر خطاه من دون تبرير أقفى وأنا روحي تزايد عطبها والكبدفيها من عطبها مناشير ونفسي ع فرقاه خلي غصبها ضاعت من جفياه كل التعابير أسباب منهو لروح نايف عربها مدري يحسبه كاسبً بالجفا خير مدري التغطرس والتكبر غلبها مدري ولازال الوضع دون تفسير الا أنها الفرقا وربي كتبها بوحي #نايف العتيبي

مريض المحبه يامخاليق حاله شين طواري الغرام تكز روحه وتشقيها سهير الليالي دمعته حايره بالعين الا نعنبو الفرقا وياشين طاريها على سكة الغّياب أسري مع السارين جداي أكتب الابيات فيها وأغنيها وعلي الحرام أني لوأكتب بها بيتين ذرفت الدموع المحرقه قبل لا أنهيها أنا كيف أبنسى عشرة اللي ملاهاالزين وأنا قلبي وعقلي خذتنهن بياديها وأنا كيف أباضحك بس واسلا مع السالين وأنا كل شيً في حياتي لها وفيها وأنا كل ماشفت القمر ساطعً ياحسين تذكرت أناذيك الملامح وراعيها وتذكرت ضحكاته وحكيه وذيك العين وجديلً تقضه كل صبحً ومحليها وأنا كل ماهب الهوى والعرب لاهين تذكرت عودً ينثني مع تخطيها ذبحنا الغلا والبعد لو شفتا حيين علي الحرام أن كل عله أعانيها طعون الجفا في وسط صدري كما السكين تفج الضلوع العوج والروح تنهيها عسى لايمي في حبها للقهر والشين وعسى ينحرم من جنة الله وأراضيها ويشوف العنا والهم بالحال شوف العين وصدوف الزمان تدوس حاله برجليها الاياوجودي وجد منهو حداه الدين وهو مامعه مايصرفه ورايحً فيها على واحدً من نبض قلبي تمكن زين وتركني وأنا فرقاه والله مادانيها تركني لهمي والعنا والحزن والبين وأناللي بذلت الروح من شان أراضيها وأنا حالفً له حلف صادق عليه يمين ماخونه لو تشين السنين ولياليها الا والله اكبر بس يامعشر المقفين تنهات صدر المنشحن من بيويحيها الا ليتهم حطو لراع الهوى تأمين لجل كل نفسً تهتني بحب غاليها بوحي #نايف العتيبي

جزت عن درب الهوى يامحمد ماابيه المحبه سقم روحً وسمً للقلوب وأعترض لي زولً خلً فؤادي مانسيه وحدني للضيقه اللي قبل وقت الغروب عندلن عطاه ربي جمالً يرتجيه كل خشفً في شمال البسيطه والجنوب من تفاصيل الجسم كن راسمته ايديه كاملً في كل وصفً وخالي من العيوب أختلط فيه البياض بسمار وجاء عليه لونً لحاله هلاكً وذنب من الذنوب راهيً عوده وكل الحلا منّه واليه وردفهاطاغي وكنه عالجسم مغصوب والنهد مزموم والتوت لونه مكتسيه لاسقط سلسالها بينهن يمكن يذوب وأشقرً لاقضته كن شمس الصبح فيه تستفز القاع لامن تقفتها الهبوب وتستفز الروح والقلب تلعن والديه زينها في صوب والحكي يامحمد بصوب حبها في وسط قلبً عشقها مكتفيه وغيرها من جملة البيض ماهوب محسوب كل ركنً داخل القلب داجت هي فيه وبكل ضلعً من ضلوعي لهاوسم ودروب وكل عرقً من عروقي غلاها مرتويه شاربً والله غلاها مع عروقي شروب الله انه يامحمد يسامح والديه يوم جابو صنف فاخر وغالي ومحبوب يامحمد ياوجودي وياوجدي عليه والله أني في غلاها ماني رجلً كذوب ووالله أني يامحمد غلاها مشتريه ولو يتوب ابليس عن حبها والله ماتوب ليت شعرً يامحمد كتبته له يجيه لاوصلها يمكن تروف بي الريم اللعوب #نايف العتيبي

ضاع الأمل ياصاحبي والشغف مات و كنسلت كل الناس حتى وليفي مبعد عن الإزعاج والاجتماعات خويي التفكير و الهم ضيفي ماعاد عندي وقت حتى للأبيات شي ً حداني غصب ماهو بكيفي وصلت للعزلة وقطع العلاقات و الاحتراق العاطفي و الوظيفي.

من ضيقة البارح عجزت اتصرّف والخاطر الي عقبك الله وكيله كنّه كتابً للنصارى محرّف ماهوب يعرف ضايعه من دليله الليل ماني صاحبه لين طرّف والصبح جمره والتراب المليله لو ماسهى قلبي ولا الشوق ذرّف يمدي تشوف العين مثل المخيله الواقع مقصر معي واتشرّف ماقصر الا بالدروب الطويله خليتلك باب المواصل مطرّف لاتقطعين مواصلك ياجميله علمني غيابك شعور التطرّف لو اْن مالي بالجهاد وسبيله ماهو محال اني بعدك اتعرّف انساك هذي والله المستحيله طيفك ليا مني تناسيت شرّف الشوق يدفع والهبايب كفيله مزاج غيرك لو غصونه تورّف ماهو ب تسنيمً ولا سلسبيله حطيت لك صورة وبرواز في رف وان طاحت الدمعه بحقك قليله.

وين انت ياللي غيبتك تنهك الحال راحت بنا الايام ما هب نودك عايش معي ما غبت لحظه عن البال ماهوب ناقص غير لحظة وجودك لا زلت في بالي تبختر وتختال اغمّض عيوني وينشاف عودك القلب من بعدك على بابه اقفال هذي مداهيلك وهذي عدودك والروح كنّها بعد ما حزنها طال غارت عليها سربةٍ من جدودك.

بانت اللي تنثر المسك من قبل الختام كل ما وقفت بكفه رجح مكيالها اقرب من الروح وابعد من حدود الملام ما ينافس كبرياها يكود ظلالها ان مشت بين المخاليق في وسط الزحام كنها تمشي على الارض بس لحالها غيداً تثر المحاسن وتجتث الظلام مابه من الغيد منهو شرب فنجالها ان نصاها اللي من الضيق في صدره كلام من حلاها كل كلمه رجع ماقالها ضعت فيها ضيعة اللي ماعين له مرام بين برقً من ثغرها وحبة خالها ودي ارد عندها مثل ميراد الحيام واقرب من العد واشرب وانال وصالها كل يوم وكل فرصه ووقت وكل عام ما نزود بيعة العمر عمر الا لها مرخصً وقتي وجهدي لممشوقة قوام مستعد ابيع عمري واعيش قبالها.

ياعديل الروح رد الروح قبل تموت غله رد للعاشق صباه ورد له ماضي سنينه بالشواهد والثوابت والحقايق والادله ما بعد بعدك غناه ولا بعد وصلك غبينه جل منهو فارقك عن كل حزب وكل شله فارقً عندي مثل فرق الصغير لوالدينه التأمل فيك من باب النظر في بدعة الله كل وصفً فيك زين وكل حاجه فيك زينه القمر لو توقف بجنبه شغلت الكون كله كيف تلقا الناس فارق واحدً بينك وبينه.

من الأيام أخذت الضيق كله يا نهار السبت حسافة ليه ما خلّيت ضيق لبكرة أضيقه جعل فيك الله من الريب و من الحزن و من الكبت ما لا ربي جعل في وجه غيرك من مخاليقه ياعنك إنّي ليا من وايقت شمسك علي ارتبت ما كنّي غير من يدرا الخناجر عن معاليقه يصبرني على وجعاك سجّاتي فبطن الخبت و غروٍ جعلني ما اعتاض في صافي عسل ريقه أبو عودٍ لو يتوب الهوى عن الهوى ما تبت من مجاذب ثماريه المراديم و مواريقه ياكثر الرزق في وجهه وكثر الما و كثر النبت ويا كثر القلوب المرجهنّة في صناديقه صدفته في دروب العابرين و رحت له ما هبت واخذته من عشاشيق الزمان و من مطاليقه تعللنا بدايات الصبابة لين شاب و شبت على الحب العفيف اللي تشوف النفس توفيقه أنا لولاه ما غنّيت ما أغنّيه و لا جبت من طروق المحبة طرق يالولا طواريقه خذاني لين صار إن غاب عنّي عن حياتي غبت عسى لا غاب همّي تقدر الأيام تفريقه يكفيني من الضيقات ضيقي في نهار السبت حسافة ليت خلّا ضيق لا جا بكرة أضيقه.

البارحة كل المساري مشاريه البارحة كل الذنوب محسوبة البارحة ضيق وكدر خاطر و تيه كن السما بجبال الأرض محجوبة رددت ليه و راح ليلي على ليه وأصبحت والسهران صبحه عقوبة منين أبلقى لي طريق أخضر أمشيه؟ ومنين أبلقى لي عن الحزن توبة؟ حتى القصيد اللي سعة خاطري فيه والله ماعاد اللي تسلي دروبه

ما ارتعد سلسال ناسعة الفضايل في نحرها تبتسم مع كل هزة جذع وتقول محميّه كلما هبت نسايمها على وارف زهرها قالت لكل الديار استأمني نجدك عذيّه السماء لبسّتك الغيم وتهادى لك مطرها والرعد سما عليك ولبّس الأرض برديّه ما على شبه الجزيره خوف وانتي من ديّرها في سنا نورك طموح وفي مدى قوتك فيّه ارجفوا عدوان دين الله وربي ما نصرها يحسبون الشرع و المله قتل نفسٍ بريّه ارجهني وجهك الأبيض ما شوهتّه صورها دونك اللي في رضا نفسك مخلينك وصيّه ما عليك خلاف وانتي شمس الأوطان وقمرها لو تطاولك ألسن الأعداء لا زلتي أبيّه ضمّت اطرافك من اقحاح العرب ناسٍ أثرها لا يزال يجدد أمجادك مع كل أولويه لك ولانا لو نجوب الأرض ونهيم فسفرها تختلف الأسما ويجمعنا على حبك هويّه من نشت روحه على حدك يضمك لاحتضرها وده يموتك شهيد وودنا بالموت زيّه.

رساله....أرسلت ولم تقرا.....

أطلق الليل حر الصدر من ماكره من عذابات شوقك يالجديد القديم كم مضى للوعد و أنا أنتظر باكره كن موعدك فآخر يوم باكر مقيم لو صفا الود منّك ماني بناكره لكن اشتقت والمشتاق حرفه عقيم لدّ لي نجلك السجّادة الشاكرة خل دمي يفور و خل قلبي يهيم فاكرك والشعور اللي معك فاكره كيف بأنساه ما ينساه غير الغشيم والله إني لغرّتك الشعر حاكره مابعد ذاق غيرك من سحايبه ديم وكل ما مرّت طيوفك على الذاكرة مرّ صدري من الجنة هبايب نسيم.

ميلي شوي في عودك علي يا غزالة لين وجهي على دمثا نحرك ايتغشّى أنتي لحال و العالم بزينه لحاله ما لحد معك من كل البدايد معشّى فيك شيٍ من الأيام حالته حالة وفيك شيٍ من أصناف اللذايذ محشّى غير وجهٍ من الجنة جمال و جمالة ومنحرٍ من خرز لول الجناين موشّى كنت ظالم و فعيونك لقيت العدالة ورحت ماشي لك و خليت غيرك يمشّى وكنت قبل أخلص لحبك بتيه الضلالة وجيت مثل الدوا قبل الضلالة تفشّى جعل عمري على عمرك يبرك رحاله ياعذابٍ من السم السقطري منشّى عنك لا نفسي مصدة ولا القلب داله لين منّك مجاويع الضماير تعشّى.

لعيونك السود حتى اسلوبي ابتكره الشعر يزهاك وابداعي يساعدني مغير اداريك وش ترغب ووش تكره وعلى كثر ما اتقرب منك تبعدني الحب ماينوخذ من صاحبه مكره يسرق من القلب خلسه وان ظهر يدني ماراح تفقدني الليله ولا بكره لاقامت الناس تبكيني بتفقدني.

جابك الشوق وإلا أني في بالك خطرت ما يهم المهم أنك تجيني و أجيك أشعل الليل يا وجهٍ لقربك صبرت كن مالي سعادة غير منّك وفيك كنت أنا والمساء والشوق ولا شعرت غير أنا والمساء والشوق وأنت بيديك عطني من الهوى ما جاد وإن ماقدرت أصبر أقرأ عليك من القصيد يهديك لا تعذر وأنا اللي من حنانك كبرت لين صرت أدمنك وأتشفقك وأشتهيك أنت بايامي الغره قطعت وعبرت ولا أنا تدري أني بالعمر مشتريك لو أعذر الظروف الممحلة ماعذرت الجفا اللي تدرى فيه مثل الدريك يا حبيبي يطول الشرح لو اختصرت وين أبلقا بشر مثلك وأحطه شريك كلما خابت الهقوة بأحد وانكسرت قمت اللملم شتاتي واتوجد عليك كم على ضوّ طيفك في غيابك سهرت وكم قصيدٍ كتبته فيك ولا يجيك كيف أجاريك و أجازيك في مابدرت وانت حتى الغلا والحب ما يحتويك راح فيك الزمان الشين ولا نكرت الاحاسيس هذي والليالي هذيك يا كثر رغم بعدك ما كرهت وخسرت لين صرت أنتهي غيرك وأردّ أبتديك.

طاحت الشمس في حضن الجبال وجفاك اشرق بعيني اللي منه ادميتها قلت لي لاخر المشوار ببقا معاك وغبت ب أوّل محطة ما تعديتها روحي اللي تحرّت في غيابك لقاك عاتبت ساعة الفرقا و توقيتها كنت غالي ولا زال بخفوقي غلاك العهود القديمة ما تناسيتها بين طلة بهاك و بين نظرة دهاك اسرفت روحي لوصلك ولا جيتها كيف اخلي رضا العالم وادور رضاك و أنت حتى ليالينا تحاشيتها يوم خليت نفسي تندفع في هواك ليه خليتها تشقا و خليتها وليه غبت وغيابك كيف جاك وخذاك أسئلة ماتت بصدري ولا أحييتها مابقا غير ذكرى برقها في سماك اخذت العمر بيديها و خاويتها ضاع عمري معاك وضاع عمري وراك و العزاء للحياه اللي تمنيتها ادفن البوح في قبر المكابر هناك و عبرتي عن عيون الناس خبيتها اتخطا المصايب واتخطا الهلاك بس ليلة فراقك ما تخطيتها.