ريّا

صباح الخير

معلش يعني ماهو بالعقل كده، تختار بين إبنك اللي عاش معاك تلت شهور بس، ولا بين أمك اللي عاشت معاك عمرك كله! أكيد طبعًا أمك، وده عشان بر الوالدين، معتقدش أنك داخل الاسلام امبارح ومش فاهم معنى البر ولا حقوق الأم على اولادها. إيه خلاص كلكوا بقيتوا ملايكة ومش قادرين تعفو عن لحظة شيطىان وقعت فيها ست كبيرة من شدة الغيرة على ضناها! ومتقوليش بقا أن في الآية 32 من سورة المائدة ربنا قال: ﴿مَنْ قَتَلَ نَفْسًا بِغَيْرِ نَفْسٍ أَوْ فَسَادٍ فِي الْأَرْضِ فَكَأَنَّمَا قَتَلَ النَّاسَ جَمِيعًا وَمَنْ أَحْيَاهَا فَكَأَنَّمَا أَحْيَا النَّاسَ جَمِيعًا﴾ ولا تقولي طب بص على سورة النساء الآية 93: ﴿وَمَنْ يَقْتُلْ مُؤْمِنًا مُتَعَمِّدًا فَجَزَاؤُهُ جَهَنَّمُ خَالِدًا فِيهَا وَغَضِبَ اللَّهُ عَلَيْهِ وَلَعَنَهُ وَأَعَدَّ لَهُ عَذَابًا عَظِيمًا﴾ ولا حتى سورة الإسراء الآية 33: ﴿وَلَا تَقْتُلُوا النَّفْسَ الَّتِي حَرَّمَ اللَّهُ إِلَّا بِالْحَقِّ وَمَنْ قُتِلَ مَظْلُومًا فَقَدْ جَعَلْنَا لِوَلِيِّهِ سُلْطَانًا فَلَا يُسْرِفْ فِي الْقَتْلِ إِنَّهُ كَانَ مَنْصُورًا﴾ أو سورة الأنعام الآية 151: ﴿وَلَا تَقْتُلُوا النَّفْسَ الَّتِي حَرَّمَ اللَّهُ إِلَّا بِالْحَقِّ ذَلِكُمْ وَصَّاكُمْ بِهِ لَعَلَّكُمْ تَعْقِلُونَ﴾. صدق الله العظيم. على فكرة كل الآيات دي بتتكلم عن المجىرمين مش الأمهات، وقبل ما أكمل كلامي بس حابة أوضح الحكاية بشكل مختصر علشان الناس تأيد كلامي. الحكاية باختصار: في منطقة الصف بالجيزة واحدة ست غلبانة ابنها اتجوز واحدة مبتطيقاش، وحوارات الحموات الموجودة في الكوكب من قديم الأزل "كل ده عادي حربقة معتادة". بس اللي مش عادي، أن الحماة دي وصلت بيها الغيرة والكراهية لمستوى أعلى من مستويات كاندي كراش، لدرجة أنها خططت وتكتكت تقىتل عيال ابنها اللي هما احفادها علشان تخلص من أي رابط يربطهم بالزوجة. ست الكل نبع المرار راحت جابت حقنة، وعبتها كلور، واستخدمتها على أول حفيدة ليها "رحمة" تلات سنين، ودب في صدرها. البت دخلت المستشفى افتكروها لدعها تعبان من أثر الحقنة الموجود في جسمها "هو تعبان فعلًا بس بشري"، وبعد تلت شهور البنت ماتت. تسكت نبع المرار؟ الزوجة كانت حامل وانجبت ولد، يادوبك الولد يشد حيله تلت شهور وتنفذ فيه نفس الجريىمة "ما هي فلتت من الأولى بقا والموضوع طلع سهل أهو ومفيهوش قلق" الطفل "رحيم" راح جنب أخته "رحمة"، بس المرة دي انكشفت واتاخدت على السجن هي وبنتها واختها "التلاتة كانوا عارفين بالجريمة ومظبطينها سوا سوا". الدنيا قامت مقعدتش، ازاااااي جدة تعمل كده في احفادها يا ناس! مش دول "أعز الوِلد"؟ طب لما ماتىت رحمة أول احفادك قلبك متهزش! موحشتكيش! محستيش بندم وخوف من اخرتك؟ تؤ تؤ، المهم محدش خد باله ومتعاقبتش فهىنكرر الجريمة تاني ونستمتع بآلام أمه خليها تتقهر وتغور. بس أبنها طلع عيل رجولة، راح المحكمة امبارح وقالك "امي طول عمرها شيلاني وهي اللي جوزتني وبتحب مراتي وبتحبني.. وحتى لو عملت كده فأنا مسامحها ومتنازل عن حقي". شوف مستوى البر وصل فين؟ شوف قد إيه الولية الجاحدة دي ربنا كرمها بعيل قلبه هين لين كوتي بوتي وخالته توتي، سامحها عشان دول يادوبك عيلين يجي غيرهم، لكن الام المجرمة المستوردة دي هنجيب غيرها منين؟ دي نسخة واحدة في الكوكب مينفعش نفرط فيها. بس اقولكم على حاجة... الواد الحيلة ده يا متهىدد يا قبض حق عياله، ملهاش تاني اقسم بالله، علشان حضن المطارات اللي عملوه في المحكمة ده ميدخلش دماغ الدبانة بجنيه. ونرجع ونقووووول تاني، انتي بتتجوزي عيلة مش نفرررر، أهل جوزك هما اللي هتضيعي وسطهم باقي عمرك، فمتضيعهوش وسط ديابة وتعابين واستنضفي في الأسرة كويس أوي. اديكي شايفة وصلنا لمرحلة عاملة إزاي اشوفكم غرقىانين في برميل كىلور يا بوعدة وما يتبقى منكم إلا... ولا ميتبقاش انتوا أشكال لازم تُبىاد من الكوكب خالص بدون أثر. منقول عن #شهيرة_عبدالحميد #قضية_الصف #رحيم_ورحمة