نوتة ذكريات

كل بيت فيه احد من منسوبي وزاره الدفاع 1. القوات البرية الملكية السعودية 2. القوات الجوية الملكية السعودية 3. القوات البحرية الملكية السعودية 4. قوات الدفاع الجوي الملكي السعودية 5. قوة الصواريخ الاستراتيجية الملكية السعودية 6. قيادة القوات المشتركة كذالك الحرس الوطني بكل قطاعاته ووزاره الداخليه بكل قطاعاتها سوا حرس الحدود او الامن الداخلي والله انه يستاهل حبت راس كل يوم يوم جا وقت الله الله وقفو وقفه بيكتبها التاريخ الى اخر يوم في حياتنا جعل ربي يحفظهم ويحرسهم بعينه التي لا تنام

هذا تصوير سابق لقناه العربيه ونزلت تقرير قبل فتره في حسابي وصل ٢ مليون مشاهده وكانو يهاجموني حزب الات اللبناني فتح مصانع للكبتاجون في اليمن واغلب اللي تشوفونهم ماهوب عقله يعطونه ويقولون هذا رشاش وهذي الجبهه والمشرفين كل يوم يجون يعطونه حق راسه عشان كذا شوفو اشكالهم خصوصا الاسراء تحسه مغيب عن الواقع وناشف مافيه حتى دم من هالسموم الله يلعن حزب الات في كل كتاب

دردشة خفيفة.. كلامي للسعوديين 🇸🇦 فيه ناس من إخواننا أهل اليمن أعرفهم شخصيا، وخلال اختلاطي معهم في العمل، وأعرف ناس يراسلوني هنا، أقسم بالله إنهم يكرهون الحوثي أكثر من أي شيء في الحياة، وبعضهم ساكن في صنعاء وفي المناطق اللي مسيطر عليها الحوثي. لما صارت ضربة المطار، فيه واحد عرفته في الجبهة، والله والذي نفسي بيده إنه مكلمني يبكي من القهر، كأن الضربة في ديرته. ومن ذاك اليوم إلى الحين، كل يوم يرسل لي مقطع وفيه جثة أو جثتين، ويقول: هذا ثار لكم يا خوي. ولولا خوفي عليه من إنه يتحدد مكانه، كان نزلتها تشوفون. فيه يمنيين يحبونا كل الحب، مثل ما حنا نحبهم، وأكبر دليل إن الدولة دخلت اليمن بكل ثقلها السياسي والحربي والاقتصادي، ومهما خسرت من جنود أو اقتصاد أو منشآت، ما يهمها قد ما يهمها إن اليمن يتحرر ويعيشون إخواننا اليمنيين في خير، وكل خير.