لامين يامال بعد ما احتفل بفوز أسبانيا بكأس العالم قرر ياخد إجازة في بيت جدته بدل ما يقضيها في أفخم فنادق أوروبا بين أضواء الشهرة والعدسات، وساب كل ده وحزم شنطته ورجع لأصله ولبيت جدته لامين أول ما دخل من الباب، ريحة الأكل المغربي الأصيل والدفء العائلي كانت مستنياه، الجدة استقبلته بأحضان ودموع الفرحة، وقدمت له طبق الكسـ.ـكسي والبسطيلة والرفيسة المخصوص اللي ما يتعوضش بأي أكل في العالم. بس المفاجأة الحقيقية ما كانتش الأكل.. لامين فتح شنطته وطلع منها أغلى حاجة حققها، الكأس الذهب، وحطه بين إيدين جدته اللي كانت بتلمسه بذهول ودموعها في عينيها مش مصدقة إن طفلها الصغير بقى بطل العالم. اللقطة دي اختصرت كل حاجة.. اختصرت إنسانية ولد ما نسيش جذوره ولا دعوات السجادة اللي كانت بتتفتح له في كل ماتش. لامين يامال أثبت إن أعظم الكؤوس والجوائز في الدنيا ما لهاش أي قيمة، إلا لما تتحط في إيدين أكتر ناس تعبت وصبرت عشان تشوفك واصل للقمة.