Pinned Tweet
عندنا إيه ؟
--
عندنا كورسين مدفوعين
1- عمل تصميم WordPress إحترافي من الصفر
2- عدد 50 تطبيق عملي على HTML + CSS + JS
هنا -> elzero.courses/
--
مش عاوز أدفع فلوس يعم :) عيوني
عندنا قناة اليوتيوب المجانية
فيها 2700 فيديو في جميع مجالات البرمجة
والخبرات الحياتية والنصائح والتجارب
هنا -> youtube.com/@ElzeroWebSchool
ولو متلغبط المسارات التعليمية هنا -> elzero.org/
--
عندنا كورس لو عاوز تعلم البرمجة لطفلك
أو لأي حد معندوش خبرة برمجية على موقع صديقي إسلام
هنا -> youtu.be/OWxC_ehyVys
--
لو عاوز تستفسر عن أي شيء يخص الكورسات المدفوعة
أو وسائل الدفع لاني لسة مظبتطهاش كلها
على تليجرام Elzero_Business
أو الميل [email protected]
--
وبس شكرا ليك وتثبيت للتويت
طب تخيل لو Google وMeta وApple كلهم بيتنافسوا عشان يوظفوك… وإنت قلتلهم لأ؟ 👀
ده بالظبط اللي عمله مؤسس صيني شاب في مجال الـAI.
عبقري صيني في مجال الذكاء الاصطناعي من مواليد التسعينات، راح Carnegie Mellon University عشان يعمل دكتوراه في الـAI. وكانت علاقاته الأكاديمية قوية جدًا — ومستشاره في الجامعة، بحسب تقارير، كان صديقًا مقربًا لـTim Cook، الرئيس التنفيذي لشركة Apple.
وبعد كده؟
جاله عروض من Google وMeta وApple.
لكنه رفضهم كلهم.
بدل كده، رجع الصين بطموح مجنون:
إنه يبني موديل AI عالمي المستوى يكون تابع للصين. 🇨🇳
وبعد 3 سنين، فريقه أطلق Kimi K3.
ودلوقتي؟
K3 وصل للمركز الأول على Code Arena متفوقًا على موديلات من أكبر الأسماء في عالم الـ AI ومن ضمنها Claude و Gemini و GPT-5.6
المؤسس هو Yang Zhilin.
من دكتوراه في CMU → عروض من Silicon Valley → رجوع للصين → وبناء Kimi K3.
دي مش مجرد قصة موديل AI جديد.
دي واحدة من أكتر قصص مؤسسي شركات الـAI إثارة للاهتمام اللي ظهرت من الصين حاليًا. 🇨🇳🔥
شوفوا الكليب ده (في التعليقات) للعبة Red Dead Redemption اللي عملها Kimi K3 بجودة Claude Fable 5، بس بتكلفة أقل بـ5 مرات.
معلومة بسيطة
ا--------------ا
أوقات كتير بفتح الجهاز وفي مجموعة مواقع لا غنى عنهم بحتاج افتحهم كلهم مرة واحدة ودي فرصة كمان تاخد فكرة عن عالم ال Batch File اللي ممكن تعمل بيه حاجات كتير في النظام وتوفر على نفسك وقت.
ا--------------------------------------------------------------ا
احنا هنعمل ملف فيه مجموعة مواقع لما ندوس عليه Double Click هيفتحلنا كل المواقع دي مرة واحدة
كل اللي عليك تعمل ملف Text جديد وتخلي امتداده bat بدل txt
وتكتب جواه زي ماهو موجود في الصورة كدة
و bat اختصار ل Batch File ودة عبارة عن ملف بتحط فيه مجموعة من الوامر يتم تنفيذها واسمه Batch جاية من انك بتنفذ مجموعة حاجات دفعة واحدة.
ا------ا
هنا انا حطيت بعض المواقع اللي لازم افتحها اول ما افتح جهازي
انت غيرهم للمواقع المناسبة ليك وكل اللي عليك تدوس على الملف Double Click هيعمل اللازم.
ا----------------------------ا
حابب الملف يشتغل أول ما الجهاز يفتح ؟
تمام افتح قائمة Run
دوس Win + R
بعدها اكتب الأمر دة علشان يفتحلك قائمة ال Startup
-------------
shell:startup
-------------
حط الملف هنا وبس كدة اول ما الجهاز يفتح هيشتغل الملف
ولو انت بتحب تعمل الحاجة باحترافية اتعلم ال Task Scheduler
هيخليك تعمل معجزات في ال Windows
وهتبقى برنس في ال Automation بصفة عامة
ا----------------------------------------------ا
1- المواقع هتفتح على أنهي متصفح ؟
المتصفح الإفتراضي عندك
2- لو أنا فاتح المتصفح ايه اللي هيحصل ؟
هتفتح المواقع في تابات جمب التابات المفتوحة
ا-----------------------------------------------
يارب المعلومة تعجبكوا
من سنين عندي لعبة على ال PlayStation مكونة من 100 مستوى لعبة ذكاء وسرعة بديهة وفيها تحديات غبية بجد. من سنين كل ما أجي ابدأ اول مستوى الاقيه صعب جدا ومحتاج تفكير وصبر وقعدة افضل افتكر ان لسة في 99 مستوى تاني محتاج أخلصه بعد المستوى دة وبعدها بقفل منها ومش بكملها والنتيجة سنين موجودة على الجهاز وهتفضل سنين تاني ومش هخلصها. الحل ؟ مبدأ Divide and Conquer الفكرة اني بتعامل مع اللعبة انها مشكلة واحدة كبيرة لكن هي أصلا متقسمة لشوية مشاكل وبالتالي بدأت اتعامل معاها بشكل مختلف وقولت كل اسبوع هخلص مستوى منها وبس ومش هلعب غيره حتى لو كان سهل وفعلا عملت كدة من فترة طويلة وكل اسبوع كنت بمسك مستوى أخلصه واقفلها والنتيجة كانت ايه ؟ ان بعد فترة خلصتها ومسحتها :) يعني حليت المشكلة الكبرى ولك أن تتخيل ان المبدأ دة لو مشيت بيه وطبقته في كل حاجة في حياتك هتحل أصعب المشاكل باذن الله.
ا-------------------------------ا
لما قررت العب كل اسبوع مستوى واحد بس
1- محستش بملل نهائي لاني مفكرتكش في اللعبة كاملة "المشكلة الكاملة" لكن فكرت بس في المستوى الحالي بالتالي ملقتهاش مشكلة كبيرة.
2- محستش حجم المستوى كبير لانه مجرد مستوى من 100 بعكس الأول كنت ببص لل 100 مستوى مرة واحدة بالتالي حسيت ان المهمة بسيطة.
3- التقسيمة خلتني عارف ان ممكن أخلص أهداف اللي هو المستوى لكن الأول كنت شايف الهدف هو اللعبة كاملة بالتالي كانن صعب تخلص.
ا-------------------------------ا
قسم المشاكل الكبيرة لمشاكل صغيرة وامسك كل واحدة حلها وحتى المشاكل الصغيرة لو مازالت صعبة قسمها هي كمان
#نصائح_الزيرو
اكتب اهداف سنة 2026
واستعن بالله كدة وابدأ اشتغل عليها
السنة بتعدي بسرعة والعالم بيتغير بسرعة
الأهداف بتديلك حافز انك تشتغل وتنتج
الحمد لله 200 مليون صلاة على النبي
عدد مشاهدات مش سهل في مجالنا
الحمد لله دائما وأبدا
ان شاء الله نشارك الهدف الجديد 300
شكرا لكم على دعمكم
لو حد طلب منك تعمله موقع وقالك شبه موقع كذا كذا دة مش تحليل للفكرة دة فخ وخصوصا لو موقع كبير. لازم العميل يكون معاه تحليل للفكرة الخاصة بالمشروع ولو مش معاه تعملهاله وتعرضها عليه ويوافق عليها قبل متشتغل لو معملتش كدة هتدخل في متاهات وهتندم.
البرمجة مش كتابة أوامر وبس, هي كتابة تعليمات يفهمها البشر قبل الكمبيوتر. علشان كدة الكود المقروء دايما أفضل وبيميزك عن أي حد تاني معاك في المجال
معلومة مش تافهة
اعمل فولدر جديد في الويندوز وسميه الاسم دة
GodMode.{ED7BA470-8E54-465E-825C-99712043E01C}
ودوس انتر
هتلاقي الايقونة بتاعته اتغيرت واتحول لأيقونة الكنترول بانيل
بس فيها كل اعدادات الويندوز
اي خدمة حاجات روشة :D
معلومة تافهة وبسيطة
لما تستخدم زرار ال BackSpace
بتمسح حرف حرف سواء بتكتب بوست او في البرمجة
لو دوست على Ctrl وبعدها BackSpace
هتمسح كلمة كلمة بدل حرف حرف
سمعت قبل كدة عن مصطلح Rubber Duck Debugging
بص يا سيدي دة عبارة عن Technique في البرمجة
وهي طريقة ذكية وبسيطة جدا لحل مشاكل الكود.
فكرتها إنك تمسك أي حاجة فايدك وليكن مثلا بطة مطاطية وتحكيله الكود اللي كتبته خطوة بخطوة كأنك بتشرح لحد تاني.
ا----------------------------------------------ا
وأثناء ما بتشرح،
بيبدأ عقلك يلاحظ الأخطاء أو التناقضات
اللي مكنتش شايفها وانت مركز في الكود.
ا----------------------------ا
الطريقة دي اسمها كده لأن أول من اقترحها في كتاب عن البرمجة قال إنه بيشرح الكود لبطة مطاطية حطها على مكتبه.
المبدأ الأساسي هو إنك تشرح بصوت عالي عشان تشوف الكود بعين مختلفة.
دول 10 أدوات للمطورين والمصممين
باذن الله هفيدوك ويوفروا عليك وقت
في الفيديو دة حاولت اغير طريقة التصوير
اني انجز في اللي بيتقال علشان وقت الناس
قولي رأيك برضة في النقطة دي هل بتحب كدة
ولا تحب كل حاجة ناخد وقتنا ونرغي في الكلام عنها ؟
----------------------------------------------------
الفيديو تحت
