غـُرّة retweeted
انا هذاك الشخص اللي يتخذ القرار و تشوفه يسوي عكسه ولكن هو في الحقيقة ينتظر الوقت المناسب فقط لا غير.
قتيل الاماني لا اقبل الليل وش يحييه
ولا به بوادر تسعف القلب و احلامه
يمدّ الخوات اللي من اوّل تسمّى يديه
وصارت مناشف دمعه .. و راية حطامه
لا مرّ الحزن صدري تبسمت ثم قلت اييييه
مثل من حسب ضحكته بـ تضيّق اخصامه
ليه الوقت لا خالف يعرّيْ الطموح؟ .. و ليه
معَ كلّ ليل يجدد الياس هندامه
انا ادري بـ فرقي لكن الوقت وش يدريه
جعلني بجيز الناس .. والناس ظلّامه
سواتي لا شاف الداب يضحك له بـ نابيه
يحسبه ضحك من حبّ ! و اخشره فـ يدامه
و من تقرّبه ضحكات .. يربكه صدّ وجيه
يروّح ضحيّه بين صدّه و سلهامه
تجي ذكريات الماضي اللي لا زلت ارجيه
ولا لي جدا الّا وابل الدمع و زرامه
وْ لا عاش الفتى ايامه نزيل بـ سجن ماضيه
ما صلّح مع الايام مستقبل ايامه
يا ملح الليالي دامي الجرح كيف اشفيه؟
ليا حلّ طاري ملحك لـ جرحي و ضامه
انا احبّك انسانه ما احبّك قصيد ابديه
و معنى القصيد يعنّي الشعر و اقلامه
لو انّي طلعت بـ شعر و إدهاش من يوحيه
مثل من طلع عن نوتة الستّ بـ أنغامه
من يشوف عينك شاف امان و ذرى يذريه
و من يشوف صدّك شاف مقتله قدّامه
معك لا ابتسم لي عمري اعيش به و اغليه
و بعدك اشعر انّه شامتٍ في تبسّامه
حبيبك ربط بك تالي احلامه عْن التيه
تعالي قبل لا تاخذه تِيهة اوهامه
بقى له من الصرخات صرخه و بصرك فيه
بعدها بياض الوجه .. ولّا ابيض الخامه
6
450
حبيبي لا تخليني حزين وخاطري مكسور
وأنا مانيب حي الله وهامه من نسل هامه
وريث شداد عز وجدي اللي يقسم الطابور
الى جا موقفٍ فيه الشجاع تخونه عظامه
سلاله من سلالات الشموخ وفزعت المقهور
عجب عين الرفيق دروع جنبه ، عدة حزامه
لكن الحب مثل الموت له سطوه تفج الزور
يضيم الشامخ اللي من خلقه الله ماحد ضامه
الى استوطن حشا قلب الشجاع الساطي المغرور
من اعلى راسه ينزّل سعاطيره ——— الى اقدامه
اقوله والصراحه ماهقيت أن الزمان يدور
وتترك لك يتيمٍ عقب فقدك ماتت أحلامه
من الحزن ومن الحرمان دامه ما عليه قصور
علامك تسلبه شيٍ !! ماذاقه في أول أيامه
مثل ... من منوته يحلم لا نام بـ غاليٍ مقبْور
ويوم الله كتب شوفه بـ حلمه — مات قدامه
جرحته جرح مايبرا ولا له في الزمن دكتور
وهو ( لو ان احد يجرحك ، ذاك الليل مانامه )
ياليت اللي خلقه الله كفيف ما يشوف النور
ما شك ان المقدّي عوضه شوفه من اوهامه
وجودي ليت قلبك مثل قلبي ما يطيع الشور
ماهوب الى عذلته من غرامك جدد هيامه
ما كان اقفيت مني و اوْجعتني غصة الحنجور
حزينٍ عقب فقدك ما ستر حزنه « تبسامه »
رحلت ولا تركت الا قصيدٍ يعجب الجمهور
أشوفك في معاني شاعره يا " مصدر الهامه"
من يلوم المولع ؟ كنه اللي لام له "مسحور"
لو انه حس باللي هو يحسه كان — ما لامه
اثر من حب من قلبه محبه من وفا وشعور
مثل من وقع بيمناه فوق الحكم بـ عدامه !
11
586







