Peter

معاك حق حتي المواقف الاخلاقيه للأهلي خلت إمام عاشور بتبوسوا رجله علشان يفضل معاكم ويجيب صحابه أصحاب المواقف الاخلاقيه احمد عيد ويس مرعي في الأوركسترا الأخلاقي يغنوا عندكم اخلاق اخلاق يعني

في واقعة ناصر منسي: خرج علينا اتنين إعلاميين في إعلام النادي الرسمي وقالوا: «هات أجوال وإحنا نجيب لك تيشيرتات بدل اللي بترميها»! وفي واقعة أحمد شريف: خرج علينا صحفي كان برضه سابقًا ضيف على نفس الإعلام الرسمي، وقال: «طالما بتسجل، يبقى يا أهلًا بالسهر»! طيب في واقعة شيكوبانزا هيتقال إيه؟!!!! لا يا عم، مش اللي في بالك! «مينفعش» بصوت أحمد بدير! 😂

بما اني راجل مشجع للنادي الاهلي فعايز اوجه سؤال لاتنين لعيبة " و عارف ان في ناس هنا صحابهم و كده يمكن ربنا يكرمنا و نلاقي اجابة يعني " الكابتن احمد رضا منزل الڤيديو ده ستوري بتاع .. و انت مروح من الشغل " نفسي اقابل حد فيكم و لو صدفة .. هقطع خبره " و الكابتن امام عاشور عامل ريبوست لنفس الڤيديو عنده علي انستاجرام و بالتالي السؤال بتاعي للاتنين لعيبة … عايزين فين يا شباب؟؟

أفضل نقل تلفزيوني لمباراة داخل مصر من مدة طويلة جدا

📋 تشكيل فريقنا لمواجهة كيتارا الأوغندي 🦅

أنا مع تجميد مستحقات اللعيبة وخصم من مستحقات اللعيبة.. وأي حاجة ممكن تعكنن على اللعيبة اللي معكننين على ملايين الأهلاوية.. ولكن ده نص الحل! النص التاني عند عموتة وعموتة وبس! عموتة قال تصريح في المؤتمر الصحفي، أنا سايب كل حاجة وواقف عند التصريح ده.. إن سبب إنه مبيعملش تغييرات بدري إنه بيحافظ على نفسية اللاعب!! طيب يا سيدي، مين يحافظ على نفسيتنا إحنا؟! مين يوصل للاعب رسالة إنه مقصّر وإنه ميستحقش يكمل دقيقة واحدة في الملعب؟!! هو إمام عاشور اللي لما بيروح المنتخب مع حسام حسن ويتغير في الدقيقة 34 من الشوط الأول في ماتش زيمبابوي، ولا زيزو اللي بيقعد دكة في المنتخب، نفسيتهم مبتتعبش هناك ليه؟!!! ومفيش حاجة اسمها يبقى إمام عاشور بيتمشى في الملعب 72 دقيقة قدام القناة، وأقول أصله لو مش في حالته ومش بيلعب بشكل جيد، يقدر في أي لحظة يغيّر النتيجة! طيب لو مغيرهاش تبقى خسرت 72 دقيقة!!! أنا من قبل بداية الموسم كتبت إنك مش هتحرج اللعيبة اللي بتتعامل على إنها نجوم غير بمجهود محمد عبد الله وعمر سيد معوض. وللمرة المليون بجد، تأثيرهم هيكون أقل إيه من اللي بيلعبوا، اللي ملهمش تأثير أصلًا؟! محمود صلاح ده اللي واخد أحسن لاعب في بطولة شمال أفريقيا للشباب، على لعيبة أغلبها محترف في أوروبا من المغرب.. إيه اللي يخليه ميلعبش على حساب إمام عاشور أو غيره وهما بالمستوى ده؟!!! فخصم المستحقات أو تجميدها لو قصاده فنيًا مدرب مش بيغيّر اللاعب بدري عشان نفسيته، أو سايبه 72 دقيقة بينظم المرور في الملعب عشان يمكن يعمل حاجة بعد 72 دقيقة، يبقى ولا هتعمل حاجة! أنا أزعل وأي بطولة بتضيع وفي لعيبة مقصّرة وفاكرة إن الأهلي ماكينة ATM 🏧 والمدرب سايبهم في الملعب. إنما أقسم بالله أنا في ضهر أي حد لو هيلعب بلعيبة بتحاول، ولو حتى إمكانياتهم أقل، بس بياكلوا النجيلة ومديين 100% من إمكانياتهم الأقل دي! .. يا أخي قسما بالله وقتها الجمهور هيكون عنده سبب يعذرك ويساندك وبعدين هنضحك على بعض؟ ما اللي فاكرين نفسهم نجوم دول طلعوا بموسم تقريبًا صفري وكارثي! يبقى عندك إيه تخسره أكتر أو يخليك متديش الفرصة للعيبة على الأقل بتحترم الجمهور وبتحاول تعمل اللي عليها؟!

المباراة القادمة 🔴 نواجه كيتارا الأوغندي يوم الأحد المقبل في إياب دور الـ32 من بطولة الكونفدرالية 🦅

الناس مش واخدة بالها من حاجة مهمة.. إنت اتعمل عليك حفلة إعلاميًا بعد التعادل.. الكابتن عبد الناصر لفّ القنوات يحكي إزاي كان مخترق أوضة لبس الأهلي والمحاضرة الفنية.. وبغض النظر عن ده حقيقي أو لأ، إنت اديت له الفرصة يصيّت نفسه عليك! زي ما اديت الفرصة إننا نعيش 72 ساعة من رحلة وثائقي سر تسمية شلاطة! وأنا هنا مش بلوم الإعلام، لأ لأ، إنت اللي اديت الفرصة! إنتوا عارفين إيه أكبر مشكلة حصلت للأهلي الموسم اللي فات؟! إن هيبتك اتكسرت بدري أوي! قبل الموسم كان الكل بيقول الأهلي مش هيسمّي على حد، ده المنافسين والإعلام كانوا بيقولوا الأهلي هينزل يدي اللي قدامه سكور! طيب إنت عملت إيه؟! بدأت وقتها أسوأ بداية ليك في الدوري من 10 سنين.. اتعادلت مع مودرن في أول ماتش في الدوري، وكسبت فاركو، وبعدها اتعادلت مع المحلة، وخسرت من بيراميدز، واتعادلت مع إنبي! بس يا باشا، كده بالسلامة التجربة، وكانت النتيجة الطبيعية هي الموسم الصفري! فمفيش حاجة كانت أهم الموسم ده من إنك ترجع هيبتك.. انك يرجع يتعمل لك حساب! إنما إنت معملتش ماتش واحد من بداية الموسم، ماتش واحد بس تحس بيه إن الأهلي فريق يتخاف منه أو فارق عن أي حد! وعشان كده خطورة تصريحات عبد الناصر محمد وحدوتة شلاطة إنهم هيبقوا قدام كل فريق نازل يلاعبك وشايفك أسد سنانه مخلّعة! أنا في الرواية دي معنديش حد مقصّر والتاني مظلوم.. الكل قدامي مقصّر، الكل قدامي مسؤول، ومفيش حد له عندي مبررات لحد ما يرجع الأهلي يتخاف منه، بدل ما دلوقتي بيتخاف عليه وبس! إنتوا قابلين يتعمل عليكم نمر ويتقلل منكم؟ ده تقبلوه على نفسكم، إنما محدش هيقبله على الأهلي! ومش هيستمر، وتحت أي وضع، ومهما كانت الضريبة، مش هيستمر