الكميه = الجوده الجوده = الكميه ماشاء الله تبارك الله 🙏🏻🤍 من يوم بديت مشواري بهذا المجال ماكان فبالي ولا ١٪ اني اوصل لهذا المستوى، ولولا الله ثم انتم ماوصلت له شكرا لكم من القلب ، شكرا لثقتكم وشكرا لتوصياتكم وشكرا لوقفتكم معي من اول مابديت هذا الطريق . يعلم الله اني افرح بردودكم رغم اني باحيان كثيره يعجز لساني عن الرد ، وافرح كثير بالمنشن على حساباتي ومايزيدني هذا الا قوه و اصرار لتقديم الافضل لكم دايم . نرجع لكم رجعه قويه باذن الله ، وتعديلات كثيره صارت ع المتجر والواتس 🫡🤍

خدمة تركيب الباور جديد و خربان للأسف منتجات كورسير مالها ضمان عندي ❌

منتجات Corsair لي سنتين على الأقل وأنا معطيهم❌ المشكله مو بس بالباورات اللي صارت تطلع من كرتونها خربانه الشركه من قبل عندها مشاكل كثيره بالرامات و مبرداتهم اسعارها اعلى من الاداء اللي تقدمه بس عشان اسم علامتهم التجاريه وللأسف ان Asus TUF و Lian Li بالفئة العليا ماشين بنفس الطريق من تجربتي الشخصيه Majesty صارت الرقم 1 عندي حاليًا و كذلك XPG و Thermalright خيارات حلوه اذا Corsair - Asus - Lian Li عدلوا وضعهم برجع اتعامل معهم ما عندي ولاء لشعار على كرتون لكن ما اتوقع اي شي التجميعات اللي اقدمها كستم يعني الجهاز جهازك والفلوس فلوسك واي قطعه تبي تغيرها تبشر بها والمجال مفتوح الا الباور هذا خط احمر ولكن اذا اصر العميل انه يبدله بواحد من الشركات اللي اسمها اكبر من جودتها اللي ذكرتها فوق ما راح يشمله الضمان لانه اي قطعه اركبها لك لازم اكون مقتنع فيها و مستعد اتحمل مسؤوليتها المنتج اللي فقدت ثقتي فيه ما راح اضمنه و اتحمل تبعات جودته الرديئه بس عشانه مشهور حنا نقدم ضمان للشيء اللي مجربينه وعارفينه اما اذا تبي تلحق ورا الاسم والشعار ف هذي مسؤوليتك

سيت اب عميلتنا ياهو رهيب الله يبارك لها ✨ اللي السيت اب حقه حلو وش الاكسسوارات اللي تنصحون الواحد يشتريها ويفرق ؟ تفاصيل بسيطه وغير مكلفه تغير الشكل كامل ويطلع السيت اب رايق نبي هذي التغريده تفيد اي واحد ناوي يرتب غرفته

اذا كنت تنتظر اسعار الرامات تنزل عندي لك خبر سيء شركات الذكاء الاصطناعي خصصت تريليون دولار على الذكاء الاصطناعي عام 2026 والتوقعات بتوصل 6 تريليون دولار بين 2027 و2030 يعني طلب مجنون يخلي القطع الحين رخيصه جدًا عشان كذا شريت كميه كبيره من الرامات والقطع باسعار الجمله عشان اوفرها بارخص شي اقدر عليه لأن للاسف يمكن ما نشوف هذي الاسعار ونتحسر عليها الله يبارك للي شرا من بدري وبيشتري الايام هذي

يجيك تقطيع بالالعاب وانت دافع آلاف على جهازك ؟ جاك مطور واحد بأداة مفتوحة المصدر اسمها SCSKiller تحل المشكله اللي عجزت عنها شركات كبيره الـ1% Low ارتفع من 16 إلى 144 فريم🤯 وهنا تعرف قيمة مجتمع البي سي، مشكله تتجاهلها شركات بميزانيات ضخمه يجيك مطور ويحلها الموضوع وصل لشركة AMD و علقوا على الأداة، بس خلني أول أشرح لك وش تسوي وكيف تشتغل فيه العاب تجهز الـ Shader قبل لا تبدا لكنها تجهزها بشكل سطحي وما تخلص كل اللي تحتاجه، والعاب تأجل التجميع لين تحتاجها والعاب ما تسوي شيء أصلًا يوم تستخدم مهاره جديده او يطلع تأثير جديد يجيك تقطيع لانه اللعبه قاعده تعالج الشيدر بدل ما يكون جاهز من الاساس الأداة تقرأ Shader الموجوده بملفات اللعبه وتحدد الـpipelines المطلوبه وبعدها تجمعها بدون ما تفتح اللعبه شركة AMD قبل أسبوعين نزلت تحديث 26.9.2 تتكلم فيه عن دعم Background Shader Compilation لمحرك UE5 بدون ما أحد يدري عنها ما حطوا الخبر في ملاحظات التعريف وتو الناس تبدأ تكتشفها فكرتها ان الشيدر يتجمع بالخلفيه وأنت تلعب والشركة تنصح تنتظر 15 دقيقه لين يكتمل بالكامل قبل ما تقيس الأداء لكن SCSKiller تغطيتها أوسع بكثير من تقنية AMD وفيها Recorder للألعاب اللي صعب يقراها وقاعدة بيانات المستخدمين قاعدين يبنونها بتسجيلاتهم، ومطور الأداة يحدثها ويدعم العاب جديدة يوميًا ومتفاعل مع المستخدمين بالدسكورد وامس نزل اصدار SCSKiller 1.3.0 شركة AMD أثنت على مجهودهم، لكن قالت انها قاعدة تتجه لـAdvanced Shader Delivery بحيث تنحل المشكله بطريقه رسميه مدعومه من مايكروسوفت وللأسف الأداة محدوده على كروت AMD لأن حجم الـCache ثابت على 16GB وما يمديك تغيره، لكن في كروت انفيديا تقدر تختار 100GB أو لا محدود، ومطور الأداة قال ان كروت انفيديا غالبًا ما تحتاج تسجيل لكن اللي كرته من AMD لازم يشتري قاعدة بيانات خاصة فيها أو يسجل 5 دقايق من اللعب لكل لعبة يبيها رابط الاداة فيها تفاصيل اكثر عن قدراتها scskiller.com/ رابط الـ GitHub مفتوح المصدر github.com/BlueHeisenberg/SC…

فيه نقطة تقنية مهمة ودي أنبه عليها بخصوص الاخبار اللي تتكلم عن الكروت اللي انحرقت بسبب تقنية DLSS 5 اذا شغلت التقنيه كرتك راح يشتغل بكامل طاقته لفترات طويلة وبدون راحة واذا انحرق موصل الطاقة هذا يعني ان المشكله كانت منه ومالها شغل بالتقنية كرت الشاشة مصمم انه يشتغل تحت الضغط والتقنية ترفع الحمل على الكرت وتكشف اي ضعف في التوصيل لذلك نصيحتي لك تأكد ان كيبل الطاقة متوافق مع الباور والكرت ومركب حسب التعليمات الرسمية وما عليه شد او انحناء قوي قريب من الموصل ولمعلوميتك حراره الكرت اللي تشوفها بالبرنامج مو هي حرارة موصل الطاقة ممكن حرارة الكرت تكون طبيعية والمشكلة موجودة في التوصيل اذا جهازك يشتغل والالعاب ما تكرش معك وما فيه تقطيع هذا مو دليل ان موصل الطاقة سليم مع استمرار الضغط التوصيله يجيها تلف تدريجيًا لين توصل لمرحلة الذوبان وانت طول هالوقت تحسب ان كل شيء تمام اذا قطع جهازك متناسقه ومافيها اغلاط وسليمه وجودتها عاليه والتركيب صحيح من حقك تستخدمه بكامل ادائه جميع اجهزة 5090 اللي سلمتها ضبطت اعداداتها واستهلاكها والنتيجة بالاختبار 30 فريم زيادة على 560 واط وكل شي سليم من جميع النواحي لا تخافون من الاخبار واموركم طيبه استمتعوا باجهزتكم بدون تهويل وبالمناسبة نيفيديا اعلنت ان التقنية راح تدعم كروت RTX 40 بشكل رسمي وفيه احتمال تتحسن كفاءتها باستهلاك الطاقة

الاحوال الجويه ❌ وش نحس فيه ❌ الزعاق قال الشتاء جاء ✔️ ونزل لي ثيم بااارررررددد والله يبارك لهم ماشاء الله ❄️☃️ R7 9800x3d / 5080

أول تجربه لل ultra 9 285k جاني بخدمة تركيب وتضبيط سوفت وير بشكل عام المعالج مستقر وماشفت فيه اي مشاكل ، وموضوع الحراره ماتعدا ٧٦ تحت ضغط كامل ١٠٠٪ لمدة ٣٠ دقيقه ( صوت المراوح هادي وبدون تدبيل ) مع مبرد thermalright wounder vision بخصوص موضوع منصه منتهيه ومافيها تطوير ، فيه اختلاف كبير جدا بين العملاء وكثيرين منهم مايرغبون التطوير ، كم سنه لو احتاج يطق له واحد جديد ولا ؟ يعني نفس مستخدمين منصة رايزن بعد ٦ سنوات مثلا كثيرين ماراح يطورون لان وقتها بيكون فيه منصه جديده ومعماريه جديده وبيفضل انه يطور الجهاز كامل خاصه انه بوقتها محد يدري وش مرحلة التطوير اللي وصل لها الجيل ذاك فا الموضوع يعتمد عليك انت بالاخير والاختلاف كبير جدا . *هدفك العاب ؟ رايزن x3d وانتهى 🫡 الله يبارك لهم 🤍

اخر كلام بالموضوع هذا وخلها بالعلن واعتبرها أبرا ذمه عن شخص ارتبط اسمه فيني ما تكلمت عنه مو لانه كان خويي بل لاني اكتشفت متاخر للأسف ان وضعه مو مضبوط وتجاوزاته واسالبيه صارت تضر غيري وتمس سمعتي حذرته وقلت له لا تدلع كم عميل وتحطهم بعيونك عشان يغردون عنك ويكونون واجهه بينما تدعس الباقي ما راح يفيدك انك تبلكهم وتسوي اخفاء للردود وللأسف فيه ناس كثير ينضحك عليهم بهذي الاستراتيجيه يجيك متجر او شخص يختار له 50-100 عميل يدلعهم دلع مبالغ فيه ويفرش لهم الأرض ورد والهدف مو عشان سواد عيونهم بل عشان يخليهم واجهة تلميع له و ما يدرون انهم مجرد ادوات يطبلون له ويدافعون عنه بجهل وهم مو مستوعبين انه بالجهة الثانيه داعس 500 عميل غيرهم وصلني كلامك وتخطيطك الرخيص تستغل الناس وتفبرك محادثات وتقييمات وصلني كلامك عني وعن ريتا وبراء وريان الثاني وعبدالاله والمجتمعات وصلني كلامك عن المتاجر الصغيره اللي تخاف يكبرون وتحاول تخرب عليهم انت مو مستوعب ان الرزق من الله مو بيدك ولا موظفينك اللي تخليهم يطبلون لك بطرق ملتويه ولا بخططك الرخيصه ولا بحساباتك الله هو اللي يرزق ويوسع ويبارك تحسب انك اذا خربت على واحد صغير او وقفت متجره انك بتاخذ رزقه؟ غلطان الرزق ما يجي بالحسد ولا بالتخريب اللي الله كاتبه لك بيوصلك واللي مو لك ماراح تاخذه سنتين كامله وانا حاطك على يمناي وانت عايش بشخصيتين مريضه بالعلن تبتسم بوجهي وتجاملني وبالخاص شغال تحريض وتشويه وطعن فيني كيف كنت تقدر تكلمني وانت عارف النفاق والخسة اللي قاعد تسويها من وراي؟ اي دناءة و اي رخص يخلي الواحد يعيش هالتناقض البشع كل هالفتره؟ توني عرفت المسرحيه والاستغفال والتآمر بحسابات وهمية ما كانت بعد ما اختلفنا كانت بقمة خوتنا قبل سنتين وزياده ينسق مع موظفينه ويسوي حسابات وهميه ويخطط كيف يستغفلني ويستغل المجتمعات والعملاء إذا هذا كان وجهك الحقيقي وانا ارفع من قدرك بين العالم واحشمك اجل كيف العملاء والسنتين اللي عقبها وش سويت فيها؟ كم وجه لبست وكم عميل دعسته وبلكته واخفيت ردوده وتستخدم العملاء اللي دلعتهم يغطون على اللي قاعد تسويه ومسوي فيها راعي قضايا ومحاكم ومحامين وكلنا ندري انك تستخدم الاسلوب الرخيص عشان تخوفهم وتخليهم يسكتون والشيء المؤسف اي طلب يجيك تستقبله حتى لو ماعندك المطلوب وما عندك المقدرة وبعدين تبدا المماطله والاعذار والتأخير والشغل اللي يطلع غير اللي اتفقتوا عليه بس عشان ما يروح لاحد غيرك هذا مجرد شي بسيط وما ابي اطول اكثر من كذا رجاء لحد يرسل لي شي بالخاص من مشاكله وكلامه ، قسم بالله الشعرتين اللي باقيه براسي صارت بيضاء، تحتاج مساعدتي ابشر باللي يرضيك بس ورب البيت ماعاد ابي اشوف اكثر من اللي شفته . انا أبري ذمتي من هذا شخص ، واعتذر لكل واحد تضرر منه ماديا ونفسيا بسبب شي شافه بحسابي يجمعني معه

هههههههههههههههههههههههههههههههههههههههههههه شفافيه معليش وعليش

كل اللي ارسلتو لي بالخاص واتس وبتويتر ومن صور محادثاته وكلامه عني وعن عملائه والموظفين معه انا ما لي حق انزل اي شي ،واللي بالخاص يبقى بالخاص واشكركم من كل قلبي اللي كانو قريبين له بينتو لي معدنه الحقيقي مو بس علي لا والله على الكل سواء عملاء او على كل شخص يدخل المجال و يدور له زله بدال مايساعده.. واسأل الله ان يرزقه على قد نيته مع الناس ، والله يرد كيده في نحره ويفك الناس من شره

ومازالو بعض الاوادم ذمتهم رخيصه وكلامهم ارخص مازال الواحد لسانه اطول من يده ولا عنده الا قوة هذره ونصب وان احد تكلم عليه بشي قام يرسل له ايميلات تهديد بمحامين وهو طقوع ، وللاسف هذا اللي مخلي كثيرين يسكتون عنه وعن مصايبه لاتحاول تضرب من بعيد وانت يدك قصيره ، كان لك حق خلك رجال وخذ حقك ، كلام الدس مايفيدك بشي مو معقول كل مانزلت معلومه عن شي احصل بعدها بكم يوم يجيني الكلام وكله دس السم بالعسل وتحاول تستهين وانت عارف ان كلامي صحيح عيب عليك استرجل ، مع اني ما اعتقد تسترجل هذي حركاتك من سنوات ومافيه شي تغير خدمة صيانه : تخيل يجيك جهاز بمواصفات غير وفوقها متضرر ويقولك ليه تشيك ع الجهاز مسوي فيها محقق ! ع العموم بعد انتظار ٤ شهور وصل له للجهاز -رام متغير / باور متغير / تخزين متغير والباقي اعظم

احد بالرياض له خاطر ؟ تفضل حتى عندي سنه كامله اي خدمه تبيها بتكون مجانا 🫡

تنصحني اشتري بي سي الحين ؟ الجواب مثل دايم ، اذا تطوير لا تفكر . اذا اول بي سي لك فا احتياجك هو اللي يقرر وجاهزية فلوسك الاسعار من شهر 1 ميلادي وهي في ارتفاع نعم للحين اقدر اقدم اسعار ارخص من السوق بفارق ١٥٠٠ وعليها ولكن مايعني ان هذا السعر كويس بشكل عام وبكل المحلات والمتاجر وجميع الاشخاص الاجهزه اللي كانت ب ١٠ الاف قبل الازمه ، الان ب١٢ كحد ادنى الارتفاع على ٣ قطع : -رامات ٣٠٠٪ -تخزين ٧٠-١٠٠٪ -كروت شاشه ٣٠-٥٠٪ ( انفيديا خاصه ) مافيه اي توقعات لانتهاء الازمه ولا فيه اي بصيص امل لانخفاض الاسعار كل شهر اغلى من الشهر اللي قبله بمعدل ٣٠٠-٥٠٠ ريال للاسف .

لبى خشمك ياشيخ اسرع تسويق هههههههههههههههههههههههههههههههههههههههههههه @ogabdullah7

لا تهاوشني ههههههههههههههههههههههههههههههههههههههههههههههههههههه والله اني احبكم اذا قمتو تفضفضون 😂😂🫂 *نعم انا مخفف اجهزه باليوم جهاز واحد فقط ممكن لمدة شهرين-٣ ، الى ان اتشافا تماما من العمليه اللي سويتها بتاريخ ٩/٩ ودعواتكم ، المرحله الخطيره خلصتها الحمدلله وكانت مدة العمليه ٨ ساعات واهمية التشافي من اهمية العمليه فا لاتحرموني دعواتكم 🤍

عصريات هاديه 🤍 كروت pny للاسف ان مالها موزع معتمد بالسعوديه ولا هي مشهوره بالشكل الكافي اطلاقا النسخ العاديه منها بحجمها الصغير ادائها احسن من اداء كروت الsff وسعرها تجي ارخص ب٥٠٠-٦٠٠ من كروت كثير من قيقابايت واسوس و مسي وفرق الحراره ٥ درجات تتعدل مع كيرف هادي للمراوح 👌🏻 و تضل احسن بكثير وبمراحل من كروت العنود بعد inno3d وقالكس اما كا جودة تصنيع مافيه منها شي سيء اطلاقا

هذي برضو من مساوئ تركيب المحلات او المبتدئين لانه لو اختبر الجهاز لمدة ١٠ ثواني في برنامج cinebench r23 كان بيشوف السكور وصرف الطاقه شي مو طبيعي لذالك ولا ازيد على كلام الاسطوره عبدالاله السكور الطبيعي للمعالج هذا : من ٢٠-٢٣ الف للملتي كور والحراره اقل من ٨٣ وصرف الطاقه الطبيعي ١٢٥ واط " لكن اكثر البوردات ديفولت على ١٥٠ " فا لو حصلت معالجك أحر من الطبيعي قلل صرف الطاقه الى ١٢٥ وماراح تخسر أي اداء 🫱🏼‍🫲🏾 جهازك من عندي ؟ خلال ال٤ شهور اللي طافت صرت اصور البنش مارك كامل بتحصله في القالوري/السكرين شوت فا خذ طله هناك وامورك سليمه يابطل 🫡

انا حذرتك وانت بكيفك ههههههههههههههههههههههههههههههههههههههههههههههههههههه *بالعاده ما استقبل صيانة " مشكله بلعبه وحده " الا اذا سليمان فاضي يلعب وانا اصين 😂🫱🏽‍🫲🏼