Rajjit ✍ 🇳🇵

From Kathmandu to Hollywood Nepali: Selfie King | Prakash | Pujaar Sarki | Mahabhoj Hindi: Unchai | The Casino T-Series: Music Video South: Jack | Tyson Naidu Hollywood: Fracture Stories don’t need borders. I just build them.

हाम्रो सम्बन्धको केही नाम थिएन, तर तिमी नजिक हुँदा मनले आफ्नोपन महसुस गर्थ्यो। न तिमीलाई आफ्नो भन्ने अधिकार थियो, न तिमीबाट टाढिने कुनै कारण खोज्न सक्थेँ। हामी बीच न कुनै वाचा थियो, न भविष्यको निश्चितता, तर हरेक दिनको सानो प्रतीक्षामा कतै न कतै तिमी नै हुन्थ्यौ। अन्ततः समयले हामीलाई कहाँ पुर्‍यायो थाहा छैन, तर एउटा कुरा सधैँ याद रहनेछ, केही मान्छेहरू सम्बन्धमा नजोडिए पनि, मनको सबैभन्दा नजिक भएर बस्दा रहेछन्। ❤️‍🩹 #म_अनि_मेरो_भावना ~रज्जित ✍

रात पनि कस्तो हो, बाहिर शान्त छ, तर मन भित्र हजारौँ आवाजहरू छन्। प्रश्न पनि कस्तो छ, जवाफ थाहा हुँदाहुँदै पनि मनले स्वीकार्न सकेको छैन। केही सम्झनाहरू निदाउन दिँदैनन्, केही अधुरा कुराहरू भुल्न दिँदैनन्, अनि केही मान्छेहरू यस्ता हुन्छन्, जसलाई गुमाइसके पछि पनि मनले कहिल्यै आफ्नो ठान्न छोड्दैन। सायद रातको अँध्यारो भन्दा गहिरा त मन भित्र लुकेका ती प्रश्नहरू हुँदा रहेछन्, जसको जवाफ समय सँग पनि हुँदैन। ❤️‍🩹 #म_अनि_मेरो_भावना ~रज्जित ✍

कहिलेकाहीँ बिदाइका लागि शब्दहरू पर्याप्त हुँदैनन्, एउटा अन्तिम अँगालो नै जीवन भरको सम्झना बन्न पुग्छ। ❤️‍🩹 #OneLastHug #EmotionalLove #UnspokenFeelings

जाँदा जाँदै मात्र एक पटक तिमीलाई अँगालोमा बेर्न चाहन्छु, न तिमीलाई रोक्ने कुनै आग्रह हुनेछ, न त फर्केर आउने कुनै वाचा माग्नेछु। बस्, केही बेर तिम्रो छातीमा टाउको राखेर ती सबै पलहरू फेरि महसुस गर्न चाहन्छु, जुन पलहरूमा , तिमी मेरो सबै भन्दा नजिक थियौ। सायद त्यस पछि तिमीलाई बिर्सन सकूँला या नसकूँला, तर कम्तीमा मनलाई यति त भन्न सक्नेछु, जसलाई यति धेरै माया गरेँ, उसलाई अन्तिम पटक अँगालोमा बेरेर बिदा गरेको थिएँ। ❤️‍🩹 #म_अनि_मेरो_भावना ~रज्जित ✍