🇸🇾 SaFi - صافي

هاللحظة كلفتنا أنهار من الدم لأجل هاللحظة خسرنا أحبابنا لأجل هاللحظة خسرنا مستقبلنا لأجل هاللحظة دفعنا 14 سنة من عمرنا قهر تغربنا و تهجرنا و تفرقنا لأجل هاللحظة… الحمدلله و مبروك علينا هالنصر العظيم. #سوريا_تتحرر #ردع_العدوان

هلق أنا ما شاركت ولا رح شارك باللي عم يصير بين السوريين والأردنيين، وعندي أسبابي ونظرتي الخاصة بالموضوع. لكن بنفس الوقت، ما عندي الفضيلة الكافية حتى قول إنو هالسوريين ما بيمثلونا. ممكن ما يمثلوني أنا، ولا يمثلوك إنت، لكن بالنهاية هنن جزء من هالشعب وعم يمثلوا شريحة منه، شئنا أم أبينا. وبالمقابل الفجور اللي عم يصدر عن شريحة من الأردنيين ما فيك تواجهه بالوعي والورد، أحياناً لازم ترد بالمثل وتلجم اللي متجاوز حدوده ومشان العلاقات لا تخاف عليها كتير، عادي…. هي انت البارحة كنت بتكره الأرض اللي بيمشي عليها العراقي، واليوم صرت ترحّب بحكومته و تكتب عن علاقة الشعبين التاريخية، و ايضاً الحسابات اللي كانت قبل التحرير تعايرك بلجوئك او احتلال بلدك من الايراني واليوم صارت تكتب عن دمشق الأموية و حكمة الشرع … فلا تخاف و روّق… العلاقات ما بتبقى أسيرة سجالات الناس، والمواقف بتتغير حسب المصالح والظروف والخطابات بتتبدّل. لذلك لا تطلب من الناس تبتلع الإهانة باسم الوعي أو الحفاظ على العلاقات. لكل فعل ردّة فعل، واللي بيختار الاستفزاز لازم يتحمّل الرد

هالمرة بإسلوب جديد و باسم فيه كلمة "الخليج" حتى ضعاف النفوص ترغب فيه و تقنع نفسها بحجج واهية …

لك دول عندها جيوش و تحالفات و عتاد و طيران و من الاوائل بالمنطقة عسكرياً في دولة بتقصفهم كل ما سنحت الفرصة و بالنهاية بروحوا لعندها يتفاوضوا معها و ممكن ايضاً يتحالفوا معها …. الحكومة السورية مقصرة و جداً و عيب تكتفي بالتصريح و تصريحها بحد ذاتو كان معيب أمام ما حدث لكن يا حسرتي على اللي كان متوقع اكتر من هيك

ليش الناس مصدومين من البيان ؟ كنتو متوقعين اكتر من هيك ؟ حتى اغلاق المعبر البارحة ما كان رد على الاستهداف كان مجرد اجراء احترازي حتى ما يصير مشاكل بين اللي عم يعبروا منو . ما بعرف كيف ممكن تنحل او شو القادم بس ما بتوقع ولا توقعت اكترمن هيك

الإرهاب اللي استهدف المدنيين الآمنين ببيوتهم بدرعا، ما بيختلف بشي عن الإرهاب اللي استهدف المدنين في الكرك، الفرق انو إرهاب درعا اجا ببدلة رسمية. رحم الله الضحايا وتقبّلهم من الشهداء، ولعن الله كل من أوصل البلد لهالحال -الأسد وإسرائيل- وكل من جعل دم السوريين مستباحاً.

نسختك القديمة اللي ناطرها ترجع، ونفسيتك اللي عم تشتاقلها، ما رح يرجعوا متل ما كانوا، ولا بأي شكل. الشي الوحيد اللي بإيدك اليوم إنك تشتغل على نفسك الحالية، حتى ما يكون القادم أصعب عليها من اللي مضى.

ريال مدريد سيدفع ثمن الخسارة من باريس

و في اطار تسليم البلاد للأحتلال العثماني -اللذي يروج له الحالمون- قامت اليوم الحكومة السورية مشكورة بإغلاق آخر مكتب لـPTT في شمال سوريا و ان شاء الله هاي رح تكون اولى الاجراءات لاستبدال العملة التركية الدارجة بالعملة السورية . فترة من تاريخ سوريا مضت و شكر الله من سعى و خدم العباد فيها .

هل فيني حل هالمشكلة و أنا بسوريا ؟ الخط بيلزمني بشغلة وحدة و هي انو مفعل عليه أغلب البرامج لأن فيه منها محجوب بسوريا + الخط على اقامة والدي المنتهية من 2015 :) . *دخلت عالرابط ما فهمت شي

لا تستغرب كم سنة تانية و بيمشوا على سنة الامام الحافظ عبد الحليم و بصير الشهيد من : "قد مات شهيداً من مات فداءً للمحبوب"

سهم قاعد في هولندا بين النصارى و عم يحرض على نصارى آمنين في بلدهم، سهم داعشي و مش من قليل الله مسخ فيهم الارض و صارو عبرة … لأنهم متل سهم و هيك تفكيرهم و ما بيستحوا فيه .