🦋 retweeted
في ذمتي خاطرك ما ودي إزعاجه
لكن معك غيرتي اخاف تهلكني
انا تربيت من صغري على حاجه
اغلى الهدايا محدٍ فيها يشاركني !
ولا انتِ يابو العيون الناعسات الوساع
سلهامها ياخذ العشاق لأبعد مدى
سهوم نظرتك ما يقدم عليها شجاع
حتى لو انه من اللي ينطحون العدى
لعيونك معرض عمري لدرب الضياع
واللي بقى منه واللي راح جعله فدا ..
ان كان به غيري يحن بك و يروف
عسى القلوب تدوم والله يقربها
ماني بقايله تعال وامد لك الكفوف
هاذا غلط روحي و لازم احاسبها …
تدللي و اغمرك شعر و إشاده
تبختري و اقول لبى وصوفك
اناقتك ماهيب تطلب شهاده
منهو يعرف الذوق صعبه يطوفك
عيونك الحلوات منجم سعاده
واللي يحس بضيق لازم يشوفك
منطوقك المعسول سكر زياده
واللي يبي السعرات يسمع حروفك
المنحر اللي عز سعر القلاده
على طرفه عروق قلبي تحوفك ..
يابو ثمان تلالا في شفاتينك
مثل البرد صف كنها حب رماني
الخشم كالسيف و الساعه مثل عينك
ومبيسم خاتمه خاتم سليماني
الرمش روسه تشابك في حجاجينك
وخدودٍ فيها الورد أشكال و ألواني ..❣️
