Sarkhan Ismayilov

12 Noyabr – Konstitusiya Günü münasibətilə bütün Azərbaycan xalqını səmimi-qəlbdən təbrik edirik! Azərbaycan Respublikasının Konstitusiyası dövlət müstəqilliyimizin, suverenliyimizin, hüquqi dövlətçilik prinsiplərinin və milli birliyimizin möhkəm təməlidir. Bu əlamətdar gün münasibətilə hər bir vətəndaşımıza dövlətimizin daha da möhkəmlənməsi, ölkəmizin davamlı tərəqqisi və suverenliyimizin daim qorunması naminə uğurlar arzulayırıq. Konstitusiya Günümüz mübarək!

Azərbaycanın təşəbbüsü ilə irəli sürülmüş “İtkin düşmüş şəxslər” adlı qətnamənin BMT Baş Assambleyasının Üçüncü Komitəsində qəbul edilməsi barədə mətbuat məlumatı ⬇️⬇️⬇️ mfa.gov.az/az/news/no43026 Press Release on the adoption of the Azerbaijan-initiated resolution entitled “Missing persons” in the Third Committee of the UN General Assembly ⬇️⬇️⬇️ mfa.gov.az/en/news/no43026

9 Noyabr – Dövlət Bayrağı Günü münasibətilə xalqımızın milli qürurunu, dövlətçiliyimizi və müstəqilliyimizi təcəssüm etdirən üçrəngli bayrağımıza sonsuz ehtiramımızı ifadə edirik. Mavi, qırmızı və yaşıl rənglərində milli kimliyimizi, tarixi yaddaşımızı və mənəvi dəyərlərimizi yaşadan müqəddəs bayrağımız daim azad və müstəqil Azərbaycanın səmasında qürurla dalğalanacaqdır. Dövlət Bayrağı Günümüz mübarək!🇦🇿

Azərbaycan Respublikası Xarici İşlər Nazirliyinin 8 Noyabr – Zəfər Günü münasibətilə Bəyanatı ⬇️⬇️⬇️ mfa.gov.az/az/news/no42726 Statement of the Ministry of Foreign Affairs of the Republic of Azerbaijan on the occasion of 8 November – Victory Day ⬇️⬇️⬇️ mfa.gov.az/en/news/no42726

8 Noyabr – Zəfər Gününün 6-cı ildönümü münasibətilə bütün həmvətənlərimizi ürəkdən təbrik edirik. 2020-ci ildə Müzəffər Ali Baş Komandan, Prezident İlham Əliyevin rəhbərliyi ilə Azərbaycan ordusunun 44 günlük Vətən müharibəsində nümayiş etdirdiyi misilsiz qəhrəmanlıq və qazanılan tarixi zəfər xalqımızın milli iradəsinin, birliyinin və sarsılmaz əzminin təntənəsinə çevrilmişdir. Bu möhtəşəm qələbə Azərbaycanın ərazi bütövlüyünün və suverenliyinin bərpasına aparan tarixi yolun ən mühüm mərhələsi olmuşdur. Zəfər Günü milli həmrəyliyimizin, dövlətçilik iradəmizin və gələcəyə olan inamımızın rəmzidir. Bu gün Azərbaycan qalib dövlət kimi regionda davamlı sülhün, sabitliyin və əməkdaşlığın möhkəmləndirilməsi naminə səylərini qətiyyətlə davam etdirir. Bu müqəddəs gün münasibətlə vətən uğrunda canlarından keçmiş şəhidlərimizin əziz xatirəsini dərin ehtiramla yad edir, qazilərimizə və bütün müharibə iştirakçılarına göstərdikləri fədakarlığa görə minnətdarlığımızı bildiririk. Qəhrəmanlarımızın əzmi və şücaəti xalqımızın yaddaşında daim yaşayacaq, zəfər salnaməmiz gələcək nəsillər üçün qürur və ilham mənbəyi olacaqdır. Zəfər Günümüz mübarək olsun! 🇦🇿🇦🇿🇦🇿 #Azərbaycan #8Noyabr #ZəfərGünü #Azerbaijan #8November #VictoryDay