SEP | KW🌼

لما ما تطلبين وتطلبين وتتفشلين آوووچچچ!

واجد توصلني رسايل من هذا النوع، ليش ما ترجعين تسولفين لنا مثل قبل؟ تغيرتِ، من تخرجتِ وأنتِ متغيرة، انطفيتِ، وما إلى ذلك. جربت أكون عفوية وعلى الملأ، وكليت كفوف، وخذيت درسي، وشخصيًا وصلت إلى مفترق الطرق؛ يا إني أسكر الحساب مرة وحدة، يا إني أتحفظ وأحمي حياتي الشخصية، وأعتقد واضح لكم شنو اخترت -وهذا لا يعني إني ما راح أسولف أبدًا، لكن أختار كلماتي اللي أنشرها بحذر، مثل ما فيه ناس تحبني، فيه ناس ما تحبني، وفيه ناس مركزة على حياتي الشخصية ومتربصة ومتطفلة ويهتمون لكل صغيرة قبل أن تكون كبيرة بحياتي، وأنا ما أبي أعطيهم اللي يبونه-. فأتمنى تحترمون رغبتي الشخصية ♥️

في صديقة لطيفة جدًا جدًا، تخيلوا لي فترة صايرة مالي خلق الصراحة أتواصل واجد، وأتكاسل حيييل بالرد على الرسايل المهم هي لها فترة مكلمتني وكل ما جيت أرد عليها يا أنسى يا أنشغل، والفترة الأخيرة أنشغلت شوي بأمور عائلية، أمس قعدت تدز تدز تدز لين رديت وسألت عن أخباري ودقت خايفة علي🥹