sur pépé

فتاه مغربية على بث مباشر تتحدث عن تعرفها على شاب خليجي عن طريق تطبيق تيك توك، بعدما دخل معها في علاقة ووعدها بالزواج، وطلب منها تجي للإمارات عشان تعيش معه، لكنها اشترطت عليه بالبداية إنه يتقدم لها من أهلها ويدخل البيت من بابه، وهو وافق على هالشي. وبعد فترة من التواصل، بدأ يحول لها مبالغ مالية بحجة إنهم يجهزون للخطوبة..... وبعدها سافر للمغرب وقابلها هي وأهلها، وأعلن قدام والدتها إنه يرغب بالزواج منها، لكن الأمور ما مشت مثل ما كان مخطط لها، خصوصاً بعد ما اعترف إنه ما قدر يحصل على موافقة والدته، وهذا الشي خلا أختها ترفضه وتطلب منه يطلع من البيت، لكن البنت تمسكت فيه ودافعت عنه قدام أهلها. ورغم رفض العائلة، استمرت العلاقة بينهما، ورجع الشاب للمغرب أكثر من مرة، حتى إنه قضى معهم احتفالات رأس السنة، وبعدها سووا له حفل خطوبة على الطريقة المغربية. ومع مرور الوقت، بدأ يقنعها بالسفر للإمارات، ووعدها إنه بيتزوجها وبيطلع لها الإقامة، بل إنه حلف قدام أهلها على القرآن إنه ما راح يتخلى عنها، وهذا الشي خلاها تثق فيه وتوافق على السفر له بدون ما يكون بينهم عقد زواج. وبمجرد وصولها للإمارات، استقبلها بالورود وحجز لها فندق، وبعدها أخذها للبيت اللي يسكن فيه، وهناك كانت الصدمة لما اكتشفت وجود ملابس نسائية تخص امرأة ثانية داخل المنزل، ولما واجهته قال لها إنه منفصل عنها. ومع ذلك، استمرت تنتظر منه تنفيذ وعده بالزواج، إلى أن دخل شهر رمضان وفاجأها برسالة يقول فيها إن عنده مهمة عمل لمدة ستة أشهر، وإنها لازم ترجع للمغرب لين ينتهي منها، بحجة الظروف الأمنية والأوضاع في المنطقة. لكن البنت بدأت تشك في الموضوع، خصوصاً إن تأشيرتها قربت تنتهي، وهو للحين ما استخرج لها الإقامة اللي وعدها فيها. ولما رفضت ترجع للمغرب قبل ما يوضح موقفه ويتمم إجراءات الزواج، بدأ يتهرب منها ويماطل، إلى أن اكتشفت المفاجأة الأكبر، إنها ما كانت أول فتاة تمر بهالتجربة، بل كانت الضحية رقم 16، لتنكشف لها حقيقة صادمة بعد كل الوعود والوعود بالزواج اللي صدقتها.!!