حركة الأمة السورية

من كل محافظات سوريا، من كل مكوناتها، من كل مكان متواجدين فيه، هدفنا واحد.. حماية الهوية السوريّة. للانتساب: syriannation.net/p/blog-page… #حركة_الأمة_السورية #سوريا #الهوية_السورية

مساكين الهجريين آخر أملهن هو افتعال مشكلة بين الأخوة لعلى وعسى حلم باشان يتحقق 😂😂

المطربة اللبنانية إليسا هاجمت السوريين وربطت الإجرام والقتل والسرقة بتواجد السوريين في لبنان وطالبت بتسريع عودتهن لبلدهن. هي التصريحات العنصرية الفوقية مو جديدة من شخصية لبنانية بتربط كل مشاكل بلدها الغارق بالزبالة والفساد والمحسوبية والمحاصصة الطائفية بالسوريين، ببلد فيه سلاح الميليشيات الطائفية اكتر من سلاح جيش البلد نفسو. المثير للسخرية إنو إليسا من أم سوريّة يعني نصها سوري، ورغم هيك بتستخدم نفس اللغة الجاهلة اللي فيها تنميط لأكتر من 25 مليون سوري. إليسا وكل حثالة رح تتطاول على الشعب السوري رح يجي اليوم اللي تتحاسب فيه. #حركة_الأمة_السورية

الشيخ صالح العلي "العلوي" وسلطان باشا الأطرش "الدرزي" لجانب عبد الرحمن الكواكبي "السني" كلهن كانوا من ضحايا التشويه التاريخي ومحاولة رسم سردية جديدة تناسب الفكر الطائفي المغلق من جهة وتاخد موافقة ومباركة السلطات التركية من جهة تانية، وبالتالي كان استهداف لكل المجتمع السوري ورموزه. #تعديلات_وزارة_التربية #حركة_الأمة_السورية #سوريا #الأمة_السورية #سوريا_لكل_السوريين

الأميرة إليسار أو المعروفة كمان باسم ديدو أو عليسة هي شخصية تاريخية أسطورية من أبرز رموز الحضارة الفينيقية، ومؤسسة مدينة قرطاج (في تونس الحالية) بالقرن التاسع قبل الميلاد (حوالي 814 ق.م). إليسار كانت رمز للقيادة النسائية المبكرة، والشجاعة، والذكاء الدبلوماسي والتجاري اللي انعرف فيه الفينيقيين، وضلت شخصيتها حاضرة بقوة بالوجدان التونسي والشامي كجسر تاريخي وثقافي بيربط شرق المتوسط بشمال أفريقيا. رابط المقال والمصادر: syriannation.net/2026/10/blo…

#سوريا #الأردن أخوة .. ورح نبقى #حركة_الأمة_السورية

نساء سوريا ما ممكن إلغائهن وتجاهلهن وحذف تاريخهن.. ورح يبقوا شوكة عم توخز الفكر المتطرف اللي عم يحاول يسيطر على المجتمع السوري. #حركة_الأمة_السورية #تعديلات_وزارة_التربية #سوريا

بيان حول القصف الأردني الذي استهدف المدنيين في الجنوب السوري تدين حركة الأمة السورية بأشد العبارات الغارات الجوية الأردنية التي استهدفت ريفي درعا والسويداء، وراح ضحيتها مدنيون سوريون، بينهم نساء وأطفال، وأُصيب آخرون. إننا نحمّل الحكومة الأردنية وقواتها المسلحة المسؤولية الكاملة عن هذا الاعتداء، ونؤكد أن الهجوم الإرهابي في الكرك، الذي ارتكبه مواطنون أردنيون وراح ضحيته مواطنون أردنيون، لا يبرر قتل المدنيين في دولة مجاورة بذريعة مكافحة الإرهاب. فسوريا ليست ساحة لتصدير الأزمات أو تصفية الحسابات، والدم السوري ليس رخيصاً حتى يُستباح تحت أي ذريعة أمنية. ومواجهة الإرهاب مسؤولية مشتركة تتطلب التعاون والتنسيق بين الدول والتصدي لمنابر التحريض والتكفير، لا انتهاك السيادة وقتل الأبرياء. وتطالب الحركة الدولة السورية باتخاذ أشد المواقف الدبلوماسية رفضاً وإدانةً، واستدعاء السفير الأردني وتقديم احتجاج رسمي شديد اللهجة، والمطالبة باعتذار واضح وتحقيق مستقل ومحاسبة المسؤولين وتعويض عائلات الضحايا، مع ضمان عدم تكرار هذه الاعتداءات. وإذ نتقدم بخالص التعازي إلى عائلات الضحايا ونتمنى الشفاء للمصابين، نؤكد أن علاقات حسن الجوار تقوم على احترام السيادة وحرمة الدماء، وأن حماية أرواح السوريين وصون السيادة الوطنية مسؤولية لا تقبل التهاون أو المساومة. بيان صادر عن المكتب السياسي لحركة الأمة السورية 27 تشرين الأول 2026

هجوم إرهابي بالأردن تسبب بمقتل مواطنين أردنيين نفذه مواطنين أردنيين بس الانتقام من السوريين!!

الرحمة لكل شهداء درعا المدنيين من أطفال ونساء وشيوخ ورجال. #الدم_السوري_مو_رخيص #حركة_الأمة_السورية #سوريا #درعا

رباب انخطفت وريم تحجبت هيك مصير بنات كتب الابتدائي. تهميش غير مسبوق بتاريخ سوريا لحضور المرأة في المناهج التربوية، بين التشويه متل ما صار مع رسمة الأميرة السورية إليسار، وحذف متل زنوبيا، وإلغاء متل ما صار مع فقرة مشاركة "النساء السوريات في الثورات السورية". تعديل صور لطفلات صغار بوضع الحجاب وتغطية رؤوسهن وحذف تانيات من الصورة مع الإبقاء على الذكور، وتقليل من شأن المرأة وتعويضه ببطولات لرجال. المرأة وحدها مو ضحية تعديلات التربية بس هي التعديلات الموجهة ضد المرأة بتعكس بشكل واضح التوجه الرسمي لحقوق المرأة في سوريا الجديدة. المرأة السورية هي الأم، هي الأخت، هي الزوجة، هي الثائرة، هي الطبيبة والمعلمة والممرضة والعاملة. المرأة السورية هي نص المجتمع ويمكن أكتر شوي كمان. قدمت للثورة متل أي فئة تانية فكانت شهيدة وأم شهيد وأرملة شهيد، عانت متل ما عانى المجتمع بالنزوح والخيام، وتحملت كل المآسي، ليجي اليوم مين يشطبها ويقلل من دورها بسوريا ويفرض عليها شو تلبس وكيف تقعد ومع مين تحكي. دعم المرأة يببلش بحقّها بالتعليم والشغل والاختيار. حضورها في المناهج لازم يعكس علمها وإنجازها مو اختزالها بلباس مغطى بيغيّب دورها الحقيقي. الفكر الإرهابي السفلي اللي عم يحاول يأثر على أطفال سوريا ما رح يقدر يستمر. وغداً لناظره قريب.. #حركة_الأمة_السورية #سوريا #تعديلات_وزارة_التربية

أخيراً انشالت فقرة مشاركة النساء بالثورات السورية، النساء مكانهن المطبخ والبيت، لازم نكتب التاريخ من الأول. #تعديلات_وزارة_التربية #حركة_الأمة_السورية #سوريا #سوريا_لكل_السوريين

بيعتقدوا هنن وأسيادهن قادرين يمسحوا الكواكبي من ذاكرتنا وتاريخنا .. مساكين :) الاحتلال العثماني لاحق الكواكبي لمنفاه بمصر وقتلوه بس كتبه ما قدروا يمسحوها رغم كل جبروتهن وقوتهن، وعملائهن اليوم عم يقتلوه مرة تانية بس الكواكبي وأفكاره رح تبقى خالدة. #حركة_الأمة_السورية #تعديلات_وزارة_التربية #سوريا #الأمة_السورية #سوريا_لكل_السوريين

معدل المنهاج السوري سلفي، وسوركي، وعنصري، وكاره للنساء، وذكوري، وغبي.

أخيراً تمت إزالة صورة السني الكيوت، الفلول، وأحد أهم رموز النظام عبد الرحمن الكواكبي، وأسيادنا الأتراك هنن مو احتلال هنن مننا وفينا عيب. #تعديلات_وزارة_التربية #حركة_الأمة_السورية #سوريا #سوريا_لكل_السوريين

إن لم تستحي فأفعل ما شئت.... عبد الرحمن الكواكبي وسلطان باشا الأطرش ونساء سوريا من رموز النظام وفلول كمان؟

أخيراً اختفت الطبول واختفى العازفين. السؤال هلق: كيف ممكن نأمن على التمثال بذات نفسو الموجود بالمتحف الوطني بدمشق من الاختفاء والمحي؟ #تعديلات_وزارة_التربية #حركة_الأمة_السورية #سوريا #سوريا_لكل_السوريين

أخيراً خلصنا من الرقص والفسق، نحن ما منرقص ولا منغني ولا منعزف. أحلى الشي إنو البعث عم يتغنى بالثقافة العربية وبيعتبر الدبكة السورية من منتجات الثقافة العربية، بيجي أخونا السلفي مصحح وزارة التربية بيشيل كل الدبكة وكل الرقص بيعيف كل خرافات البعث، كل واحد عم يشتغل على المنهاج السوري، عم يترك بصمته بدون ما يمحي بصمات اللي قبلو. #تعديلات_وزارة_التربية #حركة_الأمة_السورية #سوريا #سوريا_لكل_السوريين

أخيراً وزارة التربية بإبداعها وذوقها الفني عم تصمم لبس للمصريين القدماء الفقراء المساكين. #تعديلات_وزارة_التربية #حركة_الأمة_السورية #سوريا #سوريا_لكل_السوريين

أخيراً تمت إزالة صورة لفعل مستهجن قال بنات وعم تتعلم، لأ وفي محجبة وفي بدون حجاب كمان، شو قلبنا سنغافورة؟ #تعديلات_وزارة_التربية #حركة_الأمة_السورية #سوريا #سوريا_لكل_السوريين