راح عام بفصوله شهر يلحق شهر
ما سرحت بهجوس النفس ولا ضويت
أقهر ركاب قلبي بالمطارق قهر
وأنتهي من بداياتي لامنّي بديت
لا هماليل مزن ولا منابع نهر
جفّفتني صواديف الزمن ما وعيت
جعل وجهٍ غسل قلبه وفاه وطهر
يدري إني على عهد الهوى ما نسيت
أذكره وأذكر أيامه "بسر وجهر"
فالقصيد إن كتبت وفالمنام إن غفيت
كنت وإيّاه لا زان المساء والسهر
لو تشب الكويت بكبرها ما دريت
حافظٍ روحي اللي قدّمت له مهر
عن تغاريب هقواتٍ بها ما هقيت
ما أذكر إنه ظهر في وجهي اللي ظهر
يوم كانت ضلوعه للمناويخ بيت
مير أنا الحين عمري في يدين الدهر
لا ضحك لي ضحكت ولا بكى لي بكيت
أنا يا بنت ما ادوّر ورى قربي وبعدي شيّ
أحبك وأعشق شعوري معك لاهلت مْزونه
لو أن ما أخذت منّك غير قلبٍ بالمحبه حيّ
يكفي يا بعد من لو يخون الوقت ما أخونه
تجرّي وانثني بالعود الأطرق للهوى والغيّ
هذا اللي يستحق أعيش له وأموت من دونه
من اللي جامع اللي جامعه ظامي وشابع ريّ
ومن اللي مثلك بتبقى مداد العمر مزيونة
فدى وجهك صدى صوت الظروف اللي تنادي عي
وعذرٍ كلّما هبّ الشمال .. أختلت ركونه
من يشوفك ضماد وطب جرحٍ بالمحاني نيّ
كفيل أنه يحطك يا لطيف الروح بعيونه
هذا قلبي دليلك بالوفا والشوق ماهو ليّ
لك لحالك على كيفك تشكل شكله ولونه
أحس أني كثر ما أعطيك من كثرك يصير شويّ
و أحس بشي ما بالأرض عشاقٍ يحسونه
عسى الرمش الرهيّف في كنفْه ألقى ظلال وفي
وأجوبه لو زواياها الوساع العكش مسنونة
وش يعشم حاير الخطوة في حلٍ غير حله
دام للعيس المهذب "للفضا والبيد" حادي
شابت الايام من شيب الاراض المضمحلة
والتجارب في كتب واقلام وسيوف وهنادي
السماء ما جودت غير الكواكب والأهلة
والطبيعة ثابتة في كل ضلع وكل وادي
من يعرف ان الردى والطيب بالعالم جبلة
ما يبي عزم البعير ولا يبي صبر المهادي
المحبة والعداوة من طرف واحد مذله
كان ماحصلت ندك لا تحب ولا تعادي
والوجيه العابسة غير الوجيه المسفهلة
لو تلوّن كل ليل ويوم باللون الرمادي
من تعوّد حبة خشوم الجميع وجايزٍ له
لا يضيق إليا فطن بكره على حب الايادي
كل ما زدت خطوة قل مشواري
و قل صبري على الناس و على الغربه
من ليال السفر من ياخذ بثاري
ويطلب اللي يبي و اقول تبشربه
أخ ياكثر مايشتاق لدياري
قلبي اللي هدوء الليل يثر به
ودي اسري ولا ادري وين انا ساري
لا حبيبي قريب ولا هذا دربه
كل ما قال وينك قلت انا داري
بالشعور اللي بلاماي يشعربه
علموه ان شبع من كثرة اعذاري
الفرج والله انه حيل يا قربه …
فيصل صالح retweeted
هود يا النور المركب على الوجه المليح
حالفٍ ما أرخصك و بيوت شعري حالفة
لا تشوف إنّي ليالي من الحما طريح
وتحسب إن خضر المشاعر بأثرها ذالفة
ما يمل الحب من جرب الحب الصحيح
لو ظروفه مع حظوظ الردى متحالفة
معك حتى اللي من الموت عيا يستريح
يستريح إن كانت زانت معاك السالفة
النبط فيك ايتفاخر على الشعر الفصيح
مثل ما يفخر بقلبك حشا من يالفه
لك علي الوصل بالقلب و الوجه الفليح
لو هبوب أيامي المقبلات مصالفة
وأنت مالك عذر ما دام وقتك هاب ريح
كل يوم تغيب سجّل عليك مخالفة
ليلةٍ من دون حسّك نسايمها فحيح
وساعةٍ من دون غرّتك ساعة تالفة
طلي عليّ مع النجوم المطلة
لين المساء يقفي عقب نورك شتات
مال الهواجيس الثقال المغلة
غيرك ياسيد الناس حيّين وأموات
تعبت أداري خاطرٍ ما حصلّ له
ومليت من ممشىٍ على غير مشهاة
مافي عيوني دمع تقدر تهله
ولا في لساني عن ضنى الحال كلمات
بلاي لو ما أعرفه أعرف حله..
حله سوالفنا من الذات للذات
خليني أترك كل شي بمحله
وأسولف بكيفي بدون إعتبارات
بعض الشعور أشبه بدقه وجله
نهاية أحساس الهوى بالبدايات
لو تجتهد وتعلل العذر كله
ماتقنع المتمسك يروح بسكات
مثلي وأنا بين الغصون المظلة
ومني ومن شمس القوايل مسافات
أحس في ضيانها مثل دلة
أركوا عليها بالحطب عشر مرات
ماعاد أعرف أعقد حجاجي وأفله
ولا بقى لي حلم مفطوم مامات
سمحت من ضوح القمر والأهلة
ومن صبحٍ يفج الجروح العطيبات
كلما لقى ريقي عدودٍ تبله
ظهر عليها من الملوحة علامات
مدري السنين التالية مضمحلة
ولا أن روحي مع هوى فايتٍ فات
لكن عزاي الراحة المستقلة
اللي مابين البسملة والتحيات
القى بها طبي بعد كل علة
وأسلى بها لا دار بالراس دورات
وإن راحت الدنيا لليته وعله
وقامت تشكل كل نيّة لنيّات
ثبت من طيبٍ خذيته جبلة
قدام تصقلني كبار المهمات
مانيب من يطلع على غير حله
ولانيب من تثر عليه الشعارات
متبريٍ من كل مذهب وملة
ماهيب للمعبود رب السموات
ولو تقسم العالم لكثرة وقلة
لي عقل ولسان وشعور وقناعات
والله ما أعيش أيام عمري بذلة
وأنا مردي في سجل الوفيات
العمر تطوي مدهماته سجله
والرابح اللي ذاق فيه الملذات
واللي سواتي لو زمانه يمله
يبي يتعايش مع شقاه بسهالات
اما بحلمٍ له قراين وأدلة
ولا بحبٍ ما ورد بالروايات
ياعين أبو من ما أخلف الوقت دله
أنا من البارح بغصة وعبرات
فلي جديلٍ نافراتٍ قذله
لعلي أسلى من الصلف والمعاناة
مالي سوى قربك لاضقت استغله
ولا لي سوى فرعك وسيلة وغايات
كلما عقلت ركاب قلبي بظله
ردي عليّ الصوت يا كل الاصوات
أنتِ قسمك الحظ وأختارك الله
وانا ماعندي عقب ربي خيارات
قريت مرسولك و ابشرك هادي
مال الحزن عندي من اليوم مطلوب
لامن ضرب قلبك من الشك وادي
عزاي فيك انه مقدر و مكتوب
تعبت من تكرار تراك غادي
اعدلك يومين و القاك مقلوب
ان رحت مني لا تحرى منادي
رح مشط البيدا من الأربع دروب
مصيرك بترجع علي لا أرادي
فترات وتوبك الاشواق و توب
و ان اختلف ظني بسيطه و عادي
عد الجفى فنجاله البكر مشروب
ان كان صبرك مثل صبر المهادي
رح و اعتبر صبري مثل صبر يعقوب
فيصل صالح retweeted
يا صاحب الدرب بالخط الطويل العريض
معاك قلبٍ نسانيس الهوى تجرحه
ما كل الايام في عيون الرياجيل بيض
اما اسكب الدمع فوق الخد ولا امسحه
الشوق و المغترب مثل المرض و المريض
ان ما تغلب عليه و سج عنه ذبحه
@T2n_2 صح لسانك يابو عبدالله 🫡
عسى الله مايخيب ظن قلبي يا عويد الراك
لا ظن برجعتك خير و تأمل جيتك و امسى
تعال و لومني ان كنت ناسي شي من ذكراك
لهن بالبال مرسى مثل مالك بالصدر مرسى
حدت قلبي على بعدك ظروفٍ ماهيب شرواك
جبره الوقت حتى صار لك مثل الحجر و اقسى
لو ان الله معودني على الصبر و على فرقاك
ما قالت لك عيوني عن مدى فقدك و هي خرسى
من الصعب ألتهي و واكب الدنيا غصب و انساك
ركايز صورتك بالبال أشد من الجبل و ارسى
عن اللحظات و أيام الصبا اللي عشتها وياك
صحيح اني قدرت أصبر لكني ماقدرت انسى .
على كثر ماقلت لي لا قلت أيه
تبي قصيدة بس حاضر و غيره
لو كان مابه طرق ماني مغنيه
و في كل مره كنت أقول الّاخيره
عييت أصايد خاطري وش حروايه
و عيا لا برى من مديحك ضميره
بتبّعك قلبي و أبشوف تاليه
و ان ما عجبني جعل فالامر خيره
عندي يقين انك تبي حيل ترضيه
و تعوضه عن كل خيبة و حيره
يعيشها بعدك من التيه لتيه
و ترجعه على الحياه البصيره
اليوم مال الغالي الا غواليه
ملاحظ الفرحة على كل ديره
بيدك تعايدني و بيدك تخليه
يمرني مثله مثل يوم غيره .
حبيبي الليل هذا بارده ماشحنك ؟
على ليالٍ نسايمها معك دافيه
يوم أني أقرب شوي شوي لين أحضنك
تقول كني مريض و حاضن العافية
ما غاب عن بالي اللي لو ما غاب عنك
ماتطلع الشمس و الأرواح متجافية
ياسيد أشواقي الواجد وسيد زمنك
متى التفاصيل تشعل نارك الطافية
أنا لي أيام بالي من لدنك لْدنك
من وجهك المستنير لعينك الغافية
ماني بمستغنيٍ عن ذكرياتك و عنك
لو يقدر الوزن يستغني عن القافية
استغفر الله لو إنك ذنب ماتبت منك
مع أن ذنوب الحياة اللي علي كافية
الله يسهل خطوتك و الله معاك
مليت أصبر روحي المتفانيه
جرحتني مره و انا واقف هناك
و جرحتني بالعذر مره ثانيه
تفاصيل عمري معك نسايها ما عاش
ياوجهٍ محيرني بنبرتك و سكوتك
تقول انسني و أقول لك بالضلوع فراش
متى ما ذبحك البرد أنا بيتك و كوتك
جعل حظي اللي حلو فترة و فترة ماش
يخليني أرجع بين رمانك و توتك
طواريك ماكانت معي جالسه بلاش
ماخليت من سجاتي الوحده تفوتك
لك أيام و أنت اللي على البال طالع داش
رغم قسوتك بـ أحلى الليال و جباروتك
لو أنحش من دروبك من الشوق وين أنحاش
و أنا أرقد على صورتك و أصحى على صوتك



