ترڪي

Resurrección Vollständig BanKai

#BurnTheWitch وصلنا الى نهاية هذه الثلاث حلقات الرائعة والأربع فصول العظيمة رغم حذف الانمي لأشياء مهمة بالمانجا الا أني مقدر أنكر ان الانمي كان أمتع والرسم والتحريك كان خرااافي جدًا وجمّل من التجربة أكثر حزيييين جدًا ان هذا العالم سحب عليه كوبو رغم انه ناوي يرسم موسم ثاني منه لكن ماندري متى بس عشان أعلمكم قد ايش انا عشقت عالم برن ذا ويتش... اذا جاء بكرا خبر عودة المانجا وانسحب على ارك الجحيم مليييون بالمية ماراح أزعل والحماس راح يكون نفسه مع برن ذا ويتش يخوان اي شيء من كوبو ذهب سواء ارك الجحيم او برن ذا ويتش

#BurnTheWitch بالانمي أضافوا هذي اللقطة رغم انها ماهي موجودة بالأربع فصول لكن هي موجودة فعلًا بالون شوت اللي رسمها كوبو في 2018 لكن حذفها بعد ماكتب الفصول الأربعة في 2020 وهذا أعتقد انها خط رجعة من كوبو اذا كنسل فكرة ربط هذا العالم بعوالم بليتش

#BurnTheWitch هذي أحد سلبيات ان العمل يكون أربع فصول منت قادر تبني او تركز على التفاصيل فهنا نشوف القائد يسوي قرار في الفصل الأول ثم يسوي عكسه بالفصل الأخير بتبرير ماهو جيد او ممكن انا مافهمت... لكن التراجع عن قرار سجن بالغو كذا ما أعجبني

#BurnTheWitch رغم ان برونو ما اشوف انه أخرج كامل قوته الا انه مان يفتقد للقوة اللازمة لإنهاء سندريلا بضربه او ضربتين على عكس بيلي ابن البطل اللي بهجمة واحده أنهاها تقدر تجادل وتقول ان بيلي باغت التنين لان هجمته بعيدة المدى لكن كذلك برونو كان معه مشتتين وهم نويل ونيني فا تابع واحد في فرقة السيافين سابقًا أكثر قوة من قائد فرقة أشوف برونو في برن هو كأنه بياكويا وتوشيرو في بليتش حيث انهم يتطورون بالقوة مع تقدم القصة مع تطور الأبطال

#BurnTheWitch الهزيمة لم تأتي الا من بيلي وبطلقة سحرية من أصبعه ومن مسافه بعيده جدًا قوة خارقة لشخصية كوبو غلفها بغلاف الغباء والسذاجة والكسل عشان لايخش بمشاكل هو ماله فيها اتفهم تدخله هنا لان قد يكون بسبب أتباعه نويل ونيني وهو يهتم بهم وبالأخير هو المسؤول عنهم ابن البطل كلمة قالتها سوليفان كأنها كافية تشرح مدى قوته قد يكون ابو بيلي أقوى او من أقوى 10 شخصيات في عالم برن ذا ويتش وابنه بيلي ماهو بعيد عنه بالمستوى كذلك

#BurnTheWitch للأسف رغم كرهي لذي الشخصية الا ان كوبو قاعد يبنيه بناء مميز وكأنه ماهو بشري من الأساس مزمار عادي قدر يحوله الى سيف ذي تحسها قدرة تنين ظلامي وتنين غير عن التنين الكلب اللي معه

#BurnTheWitch إضافة للي كنت أقوله قبل أسبوع اسلوب قتال الحبارين ممتع ومتنوع هنا برونو قاعد يستخدم بخاخ الألوان عشان يرسم دوائر ويطلق منها تقنيات سحرية زي تقنية ظل الجوع الرهيبه ذي... أخرج ظل وحشي يلتهم كل شيء أمامه وكأنها تقنية إستدعاء كأئن من عالم ثاني وبعدها أخرج تقنية تكبيلية تشبه تقنيات الباكودو في بليتش وهي عبارة عن مزهرية ألوان تحبس الخصم وتجعل اي تقنية يسويها الخصم ترتد عليه بشكل عكسي تنوع رااااائع وممتع ومع ذلك كوبو مع برونو فعل حركة وصخه حيث انه أقصى تنينه وماجعله يستخدمه لانه مصاب بجناحه التنين كان مايقدر الا انه يطير فقط بسبب الإصابة اللي تسببت بها سندريلا لجناحه يعني تقدر تقول ان برونو لم يخرج كامل قوته في هذا القتال وكان حذر بزيادة رغم انه متهور

#BurnTheWitch قبل، التنانين نوعين: تنين مضيئ و تنين ظلامي الان التنين الظلامي نفسه في نوع زايد ويبدو انه الأخطر(لكن مو شرط الأقوى) وهم [الميركينز] وهم تجسيد القصص الخيالية السبعة إيلي هي اللي تجسد قصة سندريلا وقوتها تصير أقوى عند إكتمال القمر وتنشر غبار بجانحيها يفىحِر أي شيء يلامسه كلمة أسلاف التنانين الظلامية هي اللي جعلتني أظن ان الميركينز ليسوا الأقوى وقال برونو كذلك انها تشتهر بخبثها وهذا اللي يميزها ويجعلها خطيرة لكن مو أقوى. يعني على الأقل فيه سلالة ظلامية أقوى نوع خبيث يتجسد في خبث سندريلا في انها استغلت مايسي وغدرت بها وكنت اتمنى لو التنانين تتكلم او لها خواطر عشان نعرف وش خططهم(وهذا اللي أتوقعه اذا كوبو توسع بهذي القصة)

#BurnTheWitch الشيء الغريب ان الإقتباس بالحلقة الثالثة كان ممتاز وكان اكثر من ممتاز وبالعكس تحسين لبعض المشاهد بالمانجا حراشف التخفي هي مهارة يتمتع بها تنين مميز واشوف ان هذا قد يعني ان عرق التنانين نفسه يمتلك قدرات خاصة ومنها التخفي وهذي عادة كوبو يحب يضع قدرات خاصة لنوع خاص من المخلوقات مثل مافعل مع الأعراق الأربعة في بليتش

#BurnTheWitch بعد سحبه أسبوع نرجع نكمل الحلقة الأخيرة من هذا الانمي الرائع والجميل جدًا

لقيت اخوي اللي ماخش تويتر من ثلاث سنين مسوي لي لايك على اخر تغريدة

اما ذي مرعبه جاك في ارك زوو مرعب اكثر منها

اغبى تقسيم لاركات بليتش ارك الارانكارو مقسم لثلاث اركات وارك الالف سنة اللي اطول منه وبأربع أماكن مخلينه ارك واحد التقسيم الحقيقي بدون الفلرات: - ارك الشينيغامي البديل - ارك السول سوسايتي - ارك ظهور الأرانكارو - ارك إقتحام الهيكوموندو - ارك الهيكوموندو - ارك ماضي الفايزرد - ارك حرب الشتاء - ارك العميل المفقود - ارك الألف سنة دموية

#BLEACH الإنضمام للفرقة صفر يشترط اختراع يفيد الشينيغامي مايشترط القوة لان القوة راح تجيك بعد ماتنضم لهم

#BLEACH صورة رهيبة شفتها بالتايم ومنطقية فعلًا بانكاي ايتشيغو قد يكون له أطوار كثيرة شفنا في الانمي الطور اللي قوة الهولو طغت به اكثر فا وش يمنع يكون فيه طور بانكاي يأخذ قوة الكوينشي أكثر؟ كذلك قد يكون فيه بانكاي شينيغامي بيور بدون قوة الكوينشي والهولو وفيه البانكاي الأخير اللي هو دمج الأربعة مع بعض فا يوم اقول ان ايتشيغو الان شخص قلتش ومحد يقدر عليه انا ما ابالغ فقوته خارقه جدًا يتخلي الحلول في ارك الجحيم سهله وذا يمكن يخلي كوبو يقصي الشخصية عشان الاحداث تمشي زي مافعل مع ياماموتو في حرب ايزن وحرب يوهاباخ

#BLEACH - رياتسو قدرت تغطي البُعد الملكي بعد إستنزاف وكذلك في مكان كثافة الريشي فيه عالية تصعب على الشينيغامي إنشاء موطئ قدم بها - متمرس بالكيدو بأعلى مستوى وهذا يعني إتقانه لتقنيات من الهادو والباكودو من المستوى 90 وفوق - بانكاي خارق لايخرج منه إلا الخالد كذلك البانكاي متعدد التقنيات وفيه مسرحيات أكثر من المسرحية اللي شفناها أمام ليلي بارو. واحتمال تكون مسرحيات مالها حد وتعتمد على قصص صاحبها - شيكاي يمتلك ألعاب كثيرة وبثلاث منها هزم أقوى اسبادا وبثلاث منها استطاع جعل ليلي بارو يضطر يفعل الفولشتانديخ أمامه عشان يقاتله وكذلك مثل البانكاي فا الشيكاي للان ليس له حد بتقنيات الألعاب لان ألعاب الأطفال كثيرة جدًا وصعب تحصيها مقومات عظيمة لازم تكون عند قائد الغوتي الجديد

﴿إِنَّ اللَّهَ وَمَلَائِكَتَهُ يُصَلُّونَ عَلَى النَّبِيِّ يَا أَيُّهَا الَّذِينَ آَمَنُوا صَلُّوا عَلَيْهِ وَسَلِّمُوا تَسْلِيمًا﴾ اللهم صلِّ وسلم على نبينا وحبيبنا محمد ﷺ.

اقول اشوى ان بطلي ماعنده تحولات تهريجية مثل ذي عظمة بعظمة ومرجلة بمرجلة بدون ضرب مكاوي ولا تطليعات لسان وذي الخرابيط