عمر العنزي

حياكم الله عبر منصة السناب شات، مابين كُتب وقراءات، نقاشات، طبخ،سفر، والقليل من الطب 🙌🏻 snapchat.com/t/W0dZeTgQ

💚🇸🇦

دورك كطبيب يحتّم عليك رؤية الناس، لا مو الصورة الخارجية فقط! انت تشوف مشاكلهم الداخلية، علاقتهم فبعض، معاناتهم، خصوصاً لو المريض عنده مشاكل نفسية. بتمر عليك اسر بينهم مشاكل، واسر الاب فيها متسلط وعادي يتلفظ على زوجته ويسكتها اذا حاولت انها تنطق بدون اذنه، وام تهاوش اطفالها على ادنى شيء بقسوه رغم انه ماسوى شيء يسوى الصراخ 🤔 انت ماتدري وش ظروفهم ووش معناتهم! وتجيك عوائل متفاهمه، الاب والام متكاتفين، والاطفال هادئين وأسلوب للإرشاد واضح، والتهذيب والتوبيخ استبدلوه بدال الهواش والصراخ. انت تتأمل كل ٢٠ دقيقة تقضيها مع المراجع، كيف عايش حياته، وكيف نطاق تعامله مع اسرته. اذكر فيه مريض بالطوارئ ينتظر ٣ ساعات متواصلة، دخلته ورحبت فيه واعتذرت على الاطالة لان الصالات كلها فل مراجعين. ابتسم وقال بكل بهدوء وابتسامه، عارف ومقدّر ي دكتور، تقدر تعالج الاطفال؟ قلت ابشر.. وانا اسولف معه اشوف كيف عياله هادين مثله، ويتكلمون بنفس لغة ابوهم! كأن اسلوبه نسخوه، وليس تربيته لهم وقط. لذلك اكثر شيء تعلمته بخبرتي الاكلينيكية بالجانب الاسري، ان والله وتالله الام القلقة والي دايم تختار لغة الهواش، عيالها قلقين مثلها وصعبين بالتعامل. والام الهادئة على النقيض تماماً. انا انقل هذي الصورة لغرض واحد ؛ انت مرآه لمحيطك واطفالك، هم يستنبطون منك القوة والقلق والضعف والبخل والكرم والهدوء والصبر والاحترام. لاتتوقع اذا لسانك طويل وتعاملك غير جيد وصلاتك متاخره ونفسيتك تعبانه، آن إرشادك لاطفالك بيتم تنفيذه. هم بينسخون طبعك اكثر من توجيهك.

تقدر ترجعلي من العمر ساعات واعطيك كل الي بعمري ملكته انشهد اني نادم على ماضي فات ياكم جتني منه فرصة ولا اغتنمته

صديق لي يحتاج طالب طب اجتماعي ونشيط في عملية التواصل، يحتاجونه في تنسيق محتوى طبي مع الجامعات الي له اهتمام يتواصل معي عبر الخاص 👀

الغريب بالموضوع ان كل سنتر سوا مقابلات وفرز المشرحين وسأل عنهم والمرشحين اجتهدوا بالتدريب والابحاث والعلاقات الي ممكن تمتد لسنوات من الاجتهاد وبالاخير يتم الاختيار بطريقة عشوائية ؟ 🤨 طيب على الاقل يتم شرح الية الفرز المتبعة This year is insane

ياخذ سيكليف درايڤ ثرو Crazy stuff

كلكم شفتوا الإعلان الترويجي لتطبيق هدهد، واكيد فكرت ان مستحيل ينافس قوقل ماب.. بقولكم قصة سريعة: تدرون وش اغرب شيء شفته يوم سافرت 🇨🇳 الصين؟ جميع التطبيقات محجوبة تماماً.. طيب الاغلب يعرف هالشيء يا عمر. لكن الي صدمني زود ان محرك البحث قوقل، يوتيوب والخ.. محجوبة كذلك! قوقل ماب غير محجوب، لكن غير مدعوم اساساً كلشيء فيه فاضي يعني مافيه فايده تستخدمه بالصين :) الي كنت افكر فيه وقتها، دامهم حاجبين كل هالاشياء اكيد لها بديل، لكن معقوله البديل يكون بنفس جودة الشركات العالمية الضخمة مثل قوقل وبقية شركات التطبيقات؟ الاجابة ببساطة نعم 🤨! جربت خرائط الصين بتطبيق صيني، وكان افضل من قوقل ماب بمراحل! ودقته عجيبة، لدرجة حتى داخل المول يوجهني وين امشي. جربت تطبيق وي شات وكان افضل من الواتس اب. جربت تطبيق التكاسي حقهم "دي دي" وكان افضل من اوبر بمراحل. وقيس على ذلك اغلب الأشياء الاخرى. هم مو بس الصناعة عندهم قوية! حتى القوة التقنية. صدق انهم دولة شيوعية اشتراكية نوعاً ما، والشعب كله مقفل 🔒 عليه خيارات كثيره! لكن عندهم كل الخيارات الاخرى محلية. طفلك بالصين صعب إنه يتاثر بمحتوى غربي، حتى ال VPN احياناً مايفك حجب التطبيقات المحجوبة من قوة الحماية. اذكر التيك توك؛ سجلت ب٣ تطبيقات vpn عشان استخدمه وماقدرت🤣 الا بالصدفة حصلت طريقة وعلى طول ثاني يوم انحجب. لازم تستخدم التيك توك الصيني. وقيس على ذلك أمثلة كثيرة.. المغزى من كلامي، اذا فيه شركة سعودية محلية، تقدر تستبدل تطبيقات معينة وتكون اعلى كفاءة من التطبيق العالمي. لان التطبيق المحي مخصص بشكل اساسي لسعودية.

على فكرة احياناً يدخل عندي مراهقين ومرات اطفال كبار بالعيادة، ومن دخوله اعرف ان شخصيته قيادية! كيف يناظر لك بدون توتر، كيف يسّلم كيف يسكت اهله ويقول انا بعبّر لطبيب والخ.. احيانا حس القيادة يكون جيني ومنذ منشأ الطفل الى ان يصبح شاب وهو قائد دون تدخل احد من محيطه. وكذلك شخصيات البشر، لا بأس ان الرجل يتوتر بالسفر ولا بأس ان اهله يساعدونه، بالنهاية ليس كل انسان كالاخر واحياناً حس القايدة اذا ما جاه من طبق من ذهب وراثياً، بيجيه من محيطه وبيئته مع الوقت.. خصوصاً لو شخص توه متزوج يحتاج وقت ان شخصيته تتكون ويصبح قائد جيد لأسرته. وش دورك انت كأخ او ك أب؟ انك تزرع باخوك او ابنك حس القيادة، من هو صغير تخليه يحاسب، يطالب بحقه، يكاسر راعي البسطه، يعبر للطبيب عن مشكلته اولاً ثم بعدها تكمل بعده، لو كبر شوي يجرب يسافر لحاله.. يخطي ويتعلمّ