Вечер

Ај нека помине малку време, Мицкоски да го реши ова со Алта банка и сите своите пари да ги имаат на слободно располагање па ќе се свртиме кон еден друг случај: Како Зоран Заев, со асистенција за неговиот советник Зоран Башановиќ кој под притсок од Вучиќ се повлече од Србија и стана десна рака на СДСМ и Заев... како Заев и тој се обидуваа да го исполнат ветувањето дадено на Бојко Борисов за купување на Комерцијална банка Скопје. Три млади навежбани Бугари и еден од бугарските социјалисти со македонско име во акција... Останатото кога ќе дојде време. Од кого се барала помош да помогне да не дојде до преземањето? Од некој што за Филипче и денес е ноќен кошмар. Комерцијална, на крај, успеа да се сочува од непријателско преземање. Но Еуростандард не успеа. За да се спаси им дадоа на партиските “бизнисмени“ се што побараа. Од кредити без покритие па се што следи и, добија стечај. Ако ја урнеш банката, поставиш свој стечаен тим, тешко се доаѓа до трагите на ограбувањето. Со ова обвинителство па никако нема да се дојде до траги за рекет и грабеж. После од ЕУ доаѓа абер - слаба борба против корупција! Е па слаба, од Брисел на Заев му ги одобруваа токму овие обвинители и судии, како и славното СЈО. Тие се одговорни за корупцијата. Како што не успеа непријателското преземање на барем една од две таргетирани национални телевизии. Во три национални телевизии Заев ги смени главните уредници, и веќе избра главен уредник кога барем една од двете таргетирани ќе падне. Избраниот главен уредник во најава влезе во владата. Чекаше, чекаше и - не дочека. Колку сегашниов “невладин“ СДСМ повеќе буричка за да предизвика проблеми кои потоа ќе ги користи за свои цели, толку побрзо отвара скриени подруми и архиви кои директно водат до поранешниот и сегашниот партиски шеф. Не е само Дубаи.

Кога лудаците ја преземаат лудницата не влегувај сам во неа vecer.mk/makedonija/d6d7b607…

На 90% пребројани гласови Јотова е претседателка на Бугарија. Јотова во кампањата имаше изразито и директно проруски ставови. Никој битен државник во ЕУ и нашиот регион не покажал толку проруска политика како Јотова. Што ќе кажат сега СДСМ и Филипче, следбеници и извршители на бугарските интереси во Македонија за спроведување на нивното вето кон нас - кој е соработник на проруска политика? Кој? Друже В.Ф, политика е комплициран процес за ограничени умови блокирани со омраза, гнев и фиксација кон некого кој не те следи и страв за бизнисите кои зависат, сега, од “рускиот фактор“.

Мислев, па пак помислував и се преслушував... и решив. Ќе ја повлечам пријавата до струмичкото обвинителство и тужбата против Костадин Костадинов за сторено кривично дело “Загрозување на сигурноста“ според член 144 од Кривичниот законик. Кој се сеќава знае, кој не, се работи за неговите јавни закани и повик за напад врз мене од него, неговата фамилија и блиски. Дирекно и конкртено. Обвинителството ја прифати пријавата и на 10. ноември е закажано прво рочиште пред судот. Дојде денот на одговорност за нападите. За тоа дело е предвидена и затворска казна. Сега, после се, по долго размислување и анализа и за себе кој никогаш никаде од никого не сум бил нападнат, ниту јас тоа сум го сторил кон друг, како и размислување за Костадин тогаш кој во сопствениот град беше на прилично лош глас... решив. На 8. септември Костадин добил син. Сега е татко. По години е на возраст блуску до мојот син. Верувам дека по ова ќе биде попаметен и поодговорен отколку во времето на заканите и не би се чувствувал пријатно да добие пресуда, парична или затворска, по која ми плаќа пари од татко на бебе или се одделува бабето од таткото кој е затворски осуден. Не му личи тоа на Латас. А Латас не е само презиме од лична карта, тоа е персоналитет, јавна позиција и дефиниран карактер во кој претходното не се вклопува. Деновиве до Судот ќе испратам допис со оваа одлука.

Филипче и СДСМ прогласија “своја победа“ и после изборите во Србија. Затоа што загубила партијата на Александар Вучиќ. Три дена гледам и чекам некој на Филипче и СДСМ, кои се во опозиција, да им објасни што воопшто таму се случило. Да им даде политичка и математичка дефиниција. По парламентарните избори во Србија претходната опозиција, како што се СДСМ и Левица сега, загубија тотално. Имаат НУЛА пратеници во собранието. Коалицијата Европска Србија на таа бучна опозиција имаа - заедно: Европска Србија 0,28%. Да повторам - 0,28%!!! И тоа како коалиција од три партии завршија со вкупно 15.000 гласови. Тоа е листа предвoдена од Мариника Тепиќ, една од најактивните во блокадите, листа на која финансиски и медиумски и помагаше и Драган Ѓилас, соработник и идеолошки партнер на Зоран Заев и Венко Филипче. Филипче посакува такво сценарио и во Македонија. Па, по тоа сценарио, тие од улица би победиле, ВМРО ДПМНЕ од 58 би имал 50 пратеници, а СДСМ и Левица би имале - НУЛА пратеници. Да сум Филипче, а не би сакал да бидам, не би наседнувал така лесно на пропагандата од бугарските портали и медиуми кои го поттикнуваат и му ги градат ставовите и во оваа прилика. Помеѓу останатото и затоа што ние десет години пред Србите го видовме тој филм, и го знаеме текот но, за жал и последиците. Патем, од три скандали кои најмногу се вртеа на протестите поврзани со Александар Вучиќ беше и плантажата за марихуна “Јовањица“ која, според протестите, е создавана и користена во соработка со Зоран Заев. Кој заборавил, има на интернет се за тоа. Толку од мене за нив, бесплатно. За повеќе од ова на располагање им се нивните преплатени експерти од соросоидниот камп. Мене би ми било незгодно да им земем толку пари а да им испорачам порази, срам, презир и дезориентација во која состојба се сега. Што се однесува до српските избори немам свој став и коментар, па би ги упатил на проверен извор, на британскиот Телеграф, највлијателен политички медиум во Европа, на овој линк telegraph.co.uk/news/2026/10…

Прашања на кои барам одговор: - Шведска има 21% странци - нема демонстрации - Во Данска има 17% мигранти - нема протести - Во Швајцарија 28% луѓе се дојденци - нема демонстрации - Белгија, 20% од жителите се родени во странство. Досега нема демонстрации и масовни верски, етнички или расни судири. Но, - Во Франција 12% од жителите се родени во странство - има демонстрации и судири по расна и етничка основа. Половина од нив се родени во поранешните француски колонии. - Во Италија околу 14% живеат луѓе родени во странство, со или без регулиран престој - има демонстрации од секој вид. Во Италија се наоѓа најголемата џамија во Европската унија, во Рим (Moschea di Roma) на 30.000 квадратни метри. Слична или поголема, Ејуб Султан, се гради во Стразбур - Франција. - Во Шпанија 20% од жителите (10 милиони) се од странско потекло - има демонстрации како и протести против мигранти. И кај нив половина од тие се родени во поранешни шпански колонии. - Велика Британија, 20% жители се родени во странство, (13,5 милиони). Скоро половина од нив се од поранешните британски колонии, пред се од Индија, Пакистан, Бангладеш и Нигерија. Засега нема “обоени револуции“, но има постојани верски, етнички и расни тензии и конфликти. Зошто кај едните, со толку голема миграција нема, а кај другите има демонстрации, етнички, верски и расни судири? Помеѓу останатото, изгледа вековнниот гнев на колониите експлодира. Со генерации пренесувани истории, трагедии и митови останале во колективното паметење. Како што остануваат и легенданите зборови на Гадафи (Либија) до Берлускони (Италија) во август 2011-та: “Немојте да ни го правите ова, немојте да ја уништите земјата, само од Либија ќе има два милиони бегалци а Италија им е најблиску...“ Историјата може некој да ја игра со пиши-бриши но, колективното историско паметење се пренесува од еден на друг, од татко на син и ќерка... и останува. И чека свои денови да потсети што е што. Паметен учи на туѓите грешки.