أجر لك وأجر لي صدقة جارية لوالدي رحمه الله عليه في منصة أحسان ehsan.sa/campaign/608BFC7950 انشروه جزاكم الله خيراً

مبروك للفائزين لحظات وتوصلكم الاكواد بالخاص 🥳 حظ اوفر للجميع بالمرات القادمة 🙏🤍 Congrats xpickr Winners - built by @xpickr - @sam_winch3ster @oh_Salmlm @judithgamer333 @KamenCrafter @loustik0 @SIBA__MARU xpickr.com/draw/179293688563… #xpickr

🎁 سحب أكواد Dead by Daylight وصلتني 6 أكواد لأزياء Diablo في Dead by Daylight، وراح أوزعها على متابعيني ❤️ كل كود يفتح لك زي واحد من أزياء التعاون، مو الشخصية نفسها 🔥 طريقة المشاركة: ✅ تابع حسابي ✅ حط لايك ✅ سو ريتويت راح أختار 6 فائزين عشوائيا من الريتويت، وكل فائز يستلم كود زي في الخاص. ⏰ ينتهي السحب بعد 24 ساعة. بالتوفيق للجميع ❤️🔥 #DeadbyDaylight #dbdcreator

تشريح ريكيوم 🔍 هل ريكيوم أنصفت تاريخ ريزدنت إيفل، أم أعادت كتابته؟ قراءة نقدية للقصة، من سبنسر والريتكون إلى راكون سيتي وقيدين المطبل وزينو الكومبارس !!! رأيي في المقطع، والنقاش لكم 👇 youtu.be/jq3SihSotL0 #REBHFun

الله يبارك فيكم جميعا ويجزاكم خير على تهانيكم ودعواتكم، فرحتوني بكلامكم الطيب 🤍 أسأل الله أن يبارك لكم في أهلكم وأحبابكم، ويرزق كل من يتمنى الزواج زوجا صالحا، وكل من ينتظر الذرية ذرية صالحة تقر بها عينه، ويديم علينا وعليكم الأفراح.

الحمد لله الذي بنعمته تتم الصالحات، رزقني الله اليوم بمولودة، فله الحمد حتى يرضى وله الحمد إذا رضي وله الحمد بعد الرضا. اللهم أنبتها نباتا حسنا، واجعلها من الصالحات وقرة عين لنا، وأعني على تربيتها على كتابك وسنة نبيك ﷺ، وبارك لنا فيها واحفظها وأمها بعينك التي لا تنام.

السكربت جهز … قريباً

اللهم إن لي دعوة لا يعلمها إلا أنت، فبشرني بما يطمئن قلبي، واحفظ لي من أحب، وهون عليهم كل عسير، واجعل القادم سلامة وعافية وفرحة تسجد لها قلوبنا شكرا.

حرق ريزدنت إيفل ريكويم. تقييمي للعبة ما زال 8/10، واستمتعت فيها. بس عندي أسئلة عن كتابتها، وأتحدى اللي يقول إن كل شيء مفسّر يجاوبني بمشهد أو ملف من اللعبة. «يمكن» و«الإضافة بتشرح» مو دليل على الموجود الآن. سبنسر يقول إن سعادته ما يصح تكون على حساب غيره. وعندنا في الخامس استمرار هوس الخلود وتجارب البشر. أتقبل أنه يندم ويظل متناقضًا، بس وين انبنى هذا الصراع؟ وش اللي يربط كلامه بأفعاله، غير أننا نحن نكتب له التفسير؟ إلبيس موجود ضمن مشروع سبنسر القديم. إذا صار لاحقًا وسيلة للتكفير، وين وضحت القصة تغيّر غايته؟ وجود العلاج يثبت وش يسوي، لكن كيف يثبت ليه صنعه أو ليه احتفظ فيه؟ غريس تقرأ إلبيس بوصفه تكفيرًا، وتقريرها يترك نوايا سبنسر مجهولة. طيب وش الأدلة اللي ترجّح قراءتها؟ وإذا المقصود أنها اختارت تؤمن فيه، ليش يُقدَّم إيمانها في النقاش كأنه تفسير محسوم لشخصيته؟ أعرف أن فيكتور بنى استنتاجه عن غريس على أبحاث وسجلات ناقصة. سؤالي: هل اللعبة بنت استمرار اقتناعه واقتناع المنظمة بما يكفي لحمل سنوات التجارب والمطاردة؟ وهل اعترافه الأخير بأن بحثه ناقص يعطي هذا اللغز نهاية توازي حجم بنائه؟ زينو ينتظر نتيجة بحث مكلف، ولما يمسك العينة يحقن نفسه فورًا. غير كلمة «مغرور»، وين التمهيد لثقته بأن المادة آمنة وبتعطيه اللي يبيه؟ هل اندفاعه نتيجة واضحة لشخصيته، أو قرار احتاجته القصة عشان تتخلص من قوته؟ فيكتور مهووس بالتطور البشري. ولما يكتشف حقيقة إلبيس، يقدر يشوف فيه عبقرية سبنسر وطريقًا للفوضى. وين الربط بين الهدفين؟ وإذا المقصود أنه تابع يبرر أي شيء لمعلّمه، كيف بنت اللعبة هذا الجانب قبل لحظة الكشف؟ إضافة منظمة أقدم وأكبر خلف أحداث راكون توسّع المؤامرة، حلو. بس وش الفهم الجديد اللي كسبناه من التغيير؟ وش أضافته القصة لعلاقة الشخصيات بالماضي، غير نقل خيوط أكثر إلى جهة ما زلنا ما نعرف عنها بما يكفي؟ وش المعيار اللي نفرّق فيه بين غموض مقصود ومعلومة ناقصة؟ إذا كل تفسير ممكن نركّبه يُحسب جوابًا، كيف نختبر جودة الكتابة أصلًا؟ أبي قرائن ترجّح تفسيرًا، مو مجرد احتمال ما نقدر ننفيه. أنا ما أطلب إلغاء الغموض، ولا أقول إن الشرير ممنوع يندم. أطلب من القصة تبني التحول بما يوازي حجمه. واللي عنده جواب من النص يجيبه، لأن اختلافنا على لعبة ما يحتاج يتحول إلى تقليل من بعض. #REBHFun

مو طبيعي والله 🤣 تقدر تلعب كود 7 زومبيز على المتصفح الي قاعدين نشهده هل الايام عجيب والله 🤣👌 vel.gg/bo1z

في بار، ناس يحاولون ينجون. وفي مركز شرطة، أول يوم دوام صار كابوس. وفي الشوارع، شيء يطاردك… ,وعارفك بالظبط مين انت. كلهم ينتظرون الإنقاذ، ووقت مدينتهم قاعد ينتهي. حكاية كارثة راكون نزلت 🚪 جهّز مكانك… سهرتنا طويلة. «خلف آخر باب» youtu.be/WKmDelRoXrU #خلف_آخر_باب #ResidentEvil #قصص_ألعاب #REBHFun

Congrats xpickr Winners - built by @xpickr - الف مبروك الفائزين @makewishforgame @YousifC @Irnzol @g6wha22 xpickr.com/draw/179084937994… #xpickr

🎁 سحب أكواد Dead by Daylight وصلتني 4 أكواد لشخصية Shane Wiigwaas في Dead by Daylight، وراح أوزعها على متابعيني ❤️ كل كود يفتح لك شخصية Shane Wiigwaas 🔥 طريقة المشاركة: ✅ تابع حسابي ✅ حط لايك ✅ سو رتويت راح أختار 4 فائزين عشوائياً من الرتويت، وكل فائز يستلم الكود في الخاص. ⏰ ينتهي السحب بعد 24 ساعة. بالتوفيق للجميع ❤️🔥 #DeadbyDaylight #dbdcreator

في بار… خويّك ما عاد يقدر يمشي. تشيل ذراعه على كتفك وتقول ما أخليه… وأنت ما تدري إذا الجوع اللي فيه بيسبق وفاءك له. في شقة… يرن تلفونك: «اطلعي الحين». وقبل ما تسأل ليش، ينكسر الجدار… ويدخل شيء يعرف مين يبي، وما عنده نية يطلع بدونك. وفي مركز شرطة… مكتب جديد، ورسالة ترحيب، وأسماء زملاء المفروض تتعرف عليهم. بتتعرف عليهم فعلًا… بس من بطاقاتهم، بعد ما تضطر تطلق عليهم. كل واحد فيهم يحسب إنه عايش أسوأ ليلة بحياته… وما يدري وش قاعد يصير بالشارع اللي وراه. هالمرة بنجمع الحكايات. بنمر على الأماكن قبل ما تصير مهجورة، وبنعرف الناس قبل ما نصير نخاف منهم. والمدينة اللي بندخلها… أهلها ينتظرون الإنقاذ، وفي الخارج فيه ناس يحسبون الوقت المتبقي لمحوها. جهّزوا لسهرة طويلة. يمكن تنام قبل نهاية الحكاية… بس راكون ما راح تلحق الصباح. «#خلف_آخر_باب» 🚪 #REBHFun

🚨🚨كثير يسألوني: التعريب اللي عندك من ChatGPT؟ الجواب: لا. أنا اخترت مسار مختلف شوي، وحملت نموذج AI مفتوح المصدر على جهازي، وقعدت فترة طويلة أدربه وأجرب عليه إلى أن صار يعطيني نتائج أفضل في تعريب الألعاب وتقليل الأخطاء قدر الإمكان. لكن أهم نقطة لازم أوضحها: الذكاء الاصطناعي لحاله ما يعطيك تعريب مثالي. هو بالنسبة لي مجرد أداة تساعدني وتعطيني قاعدة أبدأ منها، وبعدها يبدأ الشغل الحقيقي. الطريقة اللي أمشي عليها غالبًا: أعرب اللعبة - ألعبها كاملة - وأثناء التختيم أراجع الحوارات والنصوص داخل سياقها وأعدل الأخطاء والمصطلحات وأي مشاكل تظهر لي. يعني النسخة اللي أنشرها بالنهاية ما تكون مجرد نصوص أخذتها من AI وحطيتها داخل اللعبة، بل تمر على مراجعة وتعديل يدوي أثناء اللعب. أنا جربت أكثر من طريقة وأكثر من نموذج، وحاليًا أستخدم TG 27B كنقطة أساسية في تجاربي، وما زلت أطور طريقتي وأجرب حلول مختلفة. ومن الأشياء اللي تعلمتها خلال التجربة: لا تعتمد على AI عشان يصنع كل شيء بنفسه. الذكاء الاصطناعي ممتاز في مساعدتك باستخراج النصوص وتنظيمها وتسريع بعض المراحل، لكن بالنسبة لي الإشراف والتصحيح البشري هو أهم جزء إذا كنت تبي نتيجة محترمة. الطريقة أبطأ طبعًا، لكنها أعطتني نتائج أفضل بكثير. واللي جرب بعض التعريبات اللي اشتغلت عليها سابقًا غالبًا يعرف الفرق اللي أقصده. اليوم تعريب الألعاب صار أسهل بكثير من قبل، وعندك أكثر من مسار: • تستخدم نموذج AI محلي على جهازك، وهذا يحتاج جهاز قوي نسبيًا لكن يعطيك حرية أكبر بالتجربة. • أو تستخدم خدمات مثل ChatGPT أو Gemini أو الـAPI، وهي أسهل في البداية لكنها تعتمد على اشتراكات وتكاليف استخدام مستمرة. كل شخص يختار الطريقة اللي تناسبه. أنا شاركت تجربتي لأن المجال ممتع جدًا بالنسبة لي، ويمكن يطلع شخص مهتم أكثر مني ويطور الفكرة أو يبتكر طريقة أفضل تخدم مجتمع اللاعبين العرب مستقبلًا. وأي لعبة أقرر أشتغل على تعريبها وأراجعها بنفسي، غالبًا راح أشارك النسخة النهائية مجانًا في الديسكورد: discord.gg/2ZhpV2qVqY ومسموح مشاركة التعريبات اللي أنشرها في المواقع والمجتمعات الأخرى، فقط أتمنى ذكر المصدر. 🚨🗒️وبنفس الوقت أحب أوضح نقطة مهمة: هذا بالنسبة لي مشروع شخصي وهواية وتجربة تقنية فقط، وليس مشروعًا تجاريًا ولا محاولة لاستبدال التعريب الرسمي. بالعكس، بالنسبة لي دعم اللغة العربية بشكل رسمي من المطور أو الناشر يظل دائمًا الخيار الأفضل، وأتمنى نشوف شركات وألعاب أكثر تدعم العربية مستقبلًا. جميع الألعاب وأسمائها ومحتوياتها وحقوقها تعود لأصحابها من المطورين والناشرين، وأنا أحترم حقوقهم بالكامل. ولا عندي نية لبيع هذه التعريبات أو طلب مبالغ مقابلها. الفكرة كلها أني أحب الألعاب، وأحب أجرب وأتعلم، وإذا طلعت من التجربة بشيء مفيد للمجتمع العربي ليش ما أشاركه؟ وشكرًا ❤️

أقدّم لكم تعريب Silent Hill: Townfall 🔥 التعريب مدقق يدوي بالكامل وايضاً موحد الكلمات والمعاني والالغاز = لاني اريدي ختمت اللعبة وكل شوي اعدل 😅 المميزات • تعريب الحوارات والقوائم والرسائل والوثائق. • صياغة واضحة تحافظ على المعنى وأجواء اللعبة. • تدقيق لغوي يراعي سياق الحوار وصيغ التذكير والتأنيث للمتحدث والمخاطَب. • خط عربي واضح، مع تحسين محاذاة النصوص والأرقام. • توحيد رسائل الالغاز مع اللغز نفسه 📥 التحميل في الدسكورد : [discord.gg/2ZhpV2qVqY] التعريب ماهو GPT وبشرح في التغريدة القادمة وش قعد اسوي من شهرين واكثر 👌 أترككم مع الصور، ✅مسموح نشر التعريب لكن مع الحفاظ على حقوق المعرب وايضاً حقوق الشركة والناشر , التعريب مجاني ولن اطلب مبالغ لا استحقها وليست من جهدي الخاص انا فقط عربت لعبة ختمتها وهذا ساعدني اني ادقق على كل شيئ واقدر اراهن عليه لانه مدقق يدوي بالكامل

يخرب بيت اللغز الاخير اقسم بالله تقول حاطين كل ثقلهم فيه ياساتر قسم بالله من صعوبته يبيله الواحد يكافئ نفسه بمفطح على الانجاز 🤣🤣🤣 Silent Hill Townfall