Xeeys Amour🩷

Bidiyo: Shugaba Tinubu ya karɓi gwamnonin jihohin Yobe, Kwara, Kaduna da Borno, tare da manyan jiga-jigan jam’iyyar APC, a wani liyafar cin abinci da aka gudanar a ƙasar Saudiyya. Shugaba Bola Ahmed Tinubu ya yi addu’ar Allah Ya albarkaci Najeriya, tare da bayyana fatansa na ganin ƙasar ta mayar da bambancin al’ummarta zuwa ci gaba, wadata da nasarorin da kowa zai amfana da su. #ArewaForAsiwaju #A4A

“Shiga cikin Ka’aba mai tsarki tare da Shugaba Tinubu wata ni’ima ce da ba za a iya misalta girmanta ba.” – Abdul Samad Rabiu” #ArewaForAsiwaju #A4A

2027: Gwamnan Kano ya yi hasashen Tinubu zai samu kuri'u sama da miliyan 1.5 a jihar Gwamnan Jihar Kano, Abba Kabir Yusuf, ya bayyana cewa Kano ta yanzu ta sha bamban da ta shekarar 2023, yana mai nuna yakinin cewa Shugaba Bola Ahmed Tinubu zai samu kuri'u sama da miliyan 1.5 a zaɓen 2027. Ya kuma bayyana cewa Kano za ta kasance jiha ta farko da za ta bai wa Tinubu gagarumin goyon baya tare da tabbatar da nasararsa a zaɓen shugaban ƙasa. "Na yi imanin cewa za mu samu kuri'u sama da miliyan 1.5 ga Shugaba Bola Ahmed Tinubu. Kano za ta kasance jiha ta farko da za ta kai ga tabbatar da nasarar Bola Ahmed Tinubu." — Abba Kabir Yusuf, Gwamnan Jihar Kano #ArewaForAsiwaju #A4A

Tinubu ya bayyana matakan da gwamnatinsa ke ɗauka wajen inganta wutar lantarki A ranar 1 ga Nuwamba, 2026, Dele Alake ya bayyana cewa Shugaba Bola Ahmed Tinubu na ci gaba da ƙoƙarin magance matsalolin wutar lantarki a Najeriya, tare da cika alƙawarin inganta samar da wuta da kawo ƙarshen cajin kuɗi bisa ƙiyasin amfani . Alake ya ce daga cikin matakan da gwamnatin Tinubu ta ɗauka tun bayan hawansa mulki akwai: 1. Dokar wutar lantarki ta 2023: Buɗe damar da jihohi za su iya samarwa da rarraba wutar lantarki da kansu. Kaduna, Legas, Oyo da Enugu na daga cikin jihohin da suka fara cin gajiyar dokar. 2. Samar da na'urorin awo: An samar wa kwastomomi sama da miliyan 1.5 da na'urorin awo domin rage matsalar ƙiyasin kuɗin wuta. 3. Biyan tsoffin basussuka: Ƙaddamar da shirin Naira tiriliyan 4 domin biyan basussukan kamfanonin wutar lantarki, inda aka tara sama da Naira tiriliyan 1.2 a matakai biyu na farko. 4. Inganta tashoshin wuta: Ana gyara tashoshin wutar lantarki guda biyar, tare da shirin gina sababbi guda takwas da gyara wasu guda huɗu. 5. Wutar hasken rana: Haɗa jami'o'i, asibitoci da al'ummomin karkara da wutar lantarki ta hasken rana. 6. Kare masu ƙaramin ƙarfi: Samar da tsarin Service Bands domin inganta kasuwar wutar lantarki tare da rage wa masu ƙaramin ƙarfi nauyin kuɗin wuta. A cikin sanarwarsa, Dele Alake ya ce: "Shugaba Tinubu bai kauce ko kaɗan daga alƙawarin da ya ɗauka ba. Yayin da yake neman wa'adi na biyu, zai gabatar wa 'yan Najeriya nasarorin da aka samu a ɓangaren wutar lantarki, tare da bayyana abubuwan da suka rage a kammalawa." Ya kuma jaddada cewa gyaran ɓangaren wutar lantarki aiki ne da ake ci gaba da gudanarwa. #ArewaForAsiwaju #A4A

Gwamnatin Tinubu: Birtaniya ta ware $335,000 domin tallafa wa kasuwancin mata a Najeriya Ƙarƙashin gwamnatin Shugaba Bola Ahmed Tinubu, ƙasar Birtaniya ta ware dala $335,000 domin kafa shirin RiTA Investment Network, wanda zai taimaka wa mata 'yan kasuwa a Najeriya samun jarin bunƙasa kasuwancinsu. Shirin na da burin tara dala $2.7m (₦3.75bn) cikin shekaru uku domin tallafa wa ƙananan kamfanoni 15 da mata ke jagoranta. Ya zuwa yanzu, an samu alƙawarin zuba jari na $1.5m, yayin da babban burin shirin shi ne tara dala $10m domin ƙara tallafa wa kasuwancin mata a Najeriya. #ArewaForAsiwaju #A4A

Gwamnatin Tinubu ta fara horas da matasa 150 a Enugu kan AI, solar da ɗinkin zamani Gwamnatin Tarayya ƙarƙashin jagorancin Shugaba Bola Ahmed Tinubu ta fara horas da matasa 150 a Jihar Enugu kan fasahar Artificial Intelligence (AI), kera na'urorin hasken rana (Solar) da ɗinkin zamani, a ƙarƙashin shirin rage talauci da bunƙasa tattalin arziki na ƙasa (NPRGS). Shirin, wanda ake gudanarwa a sassan Najeriya shida, na da manufar rage rashin aikin yi da talauci ta hanyar koyar da matasa sana'o'i da ƙwarewar zamani, tare da ba su kayan fara sana'a domin su dogara da kansu. An shirya gudanar da horon na tsawon makonni biyu, a matsayin wani ɓangare na shirin gwamnatin Tinubu na fitar da 'yan Najeriya miliyan 5 daga kangin talauci. Da take jawabi ga mahalarta horon, Babbar Mataimakiyar Shugaban Ƙasa kan Ilimin Sana'o'i da Kasuwanci (TVEE), Dakta Abiola Arogundade, ta ce: “Wannan shiri na nuna ƙudurin gwamnatin Shugaba Bola Ahmed Tinubu wajen tabbatar da manufofin Ajandar Sabuwar Fata (Renewed Hope Agenda), musamman ta fuskar ƙarfafa matasa da ba su damar samun ƙwarewa da dogaro da kansu a faɗin ƙasar nan.” #ArewaForAsiwaju #A4A

Shugaba Tinubu ya yi alƙawarin kare martabar masu ritaya, ya amince da ₦758bn domin biyan haƙƙoƙin fansho Shugaba Bola Ahmed Tinubu ya sake jaddada aniyar gwamnatinsa na tabbatar da cewa babu wani ɗan Najeriya da ya yi wa ƙasa hidima da za a manta da shi bayan ritaya. Ya bayyana hakan ne a taron farko na National Pension Week Leadership Summit da aka gudanar a Abuja, inda ya samu wakilcin Sakataren Gwamnatin Tarayya, Sanata George Akume. Gwamnatin ta amince da ₦758bn domin biyan haƙƙoƙin fansho na tsoffin ma’aikata, tare da ƙarfafa tsarin kula da masu ritaya da walwalarsu. Tinubu ya kuma yi alƙawarin aiwatar da tsarin Minimum Pension Guarantee da ke cikin dokar fansho ta 2014. #ArewaForAsiwaju #A4A

Babbar hanyar Sokoto-Badary: Bunƙasa sufuri da tattalin arziƙi Ana amfani da fasahohin zamani wajen gina babbar hanyar Sokoto–Badagry, tare da ingantaccen tsarin shimfiɗa kwalta da manyan gine-ginen da za su tabbatar da ɗorewarta. Idan aka kammala, hanyar za ta sauƙaƙa zirga-zirga, rage kuɗin sufuri, bunƙasa kasuwanci, samar da guraben ayyukan yi tare da haɗa Arewa da Kudu, wanda zai ƙara bunƙasa tattalin arzikin ƙasa. #ArewaforAsiwaju #A4A

Najeriya za ta tura ma’aikatan jinya 400 zuwa Jamaica daga Janairu 2027 Gwamnatin Tarayya ta kulla yarjejeniya da ƙasar Jamaica domin tura ma’aikatan jinya 400 ‘yan Najeriya zuwa ƙasar daga watan Janairun 2027, a wani mataki na buɗe ƙarin damammakin ayyukan yi ga ƙwararrun ‘yan ƙasar. Shugaban Hukumar Ba da Tallafin Fasaha ta Ƙasa (NTAC), Yusuf Buba Yakub, ya bayyana cewa yarjejeniyar za ta kuma buɗe damar ɗaukar likitoci, masu aikin gyaran jiki da sauran ƙwararru domin aiki a Jamaica. Wannan haɗin gwiwa na nuna yadda dangantakar ƙasashe za ta iya samar da sabbin damammakin ayyukan yi ga ‘yan Najeriya tare da bunƙasa ƙwarewar ma’aikata da ci gaban ƙasa. #ArewaforAsiwaju #A4A

MINISTAN NOMAN NAJERIYA NA SHIRYA HAƊA MILIYOYIN MANOMA A FAƊIN ƘASA DOMIN ZAƁEN 2027 Ministan Noma da Samar da Abinci, Sanata Abubakar Kyari, ya bayyana shirin tattara miliyoyin manoma a faɗin Najeriya domin nuna goyon baya ga Shugaba Bola Ahmed Tinubu da Mataimakinsa, Kashim Shettima, a zaɓen 2027. Kyari ya ce manufofin gwamnatin Tinubu sun taimaka wajen bunƙasa harkar noma, ƙara samar da abinci da inganta tsaron abinci a ƙasar. Ya kuma bayyana cewa ƙananan manoma sun samu tallafi da dama a ƙarƙashin wannan gwamnati. Ministan ya yi kira ga manoma a duk faɗin ƙasar da su shiga wannan yunƙuri, tare da bayyana cewa da kansa zai jagoranci tattaunawa da manoma domin wayar musu da kai kan shirye-shiryen gwamnati, nasarorin da aka samu a noman amfanin gona da kuma inganta ababen more rayuwa a yankunan karkara. #ArewaForAsiwaju #A4A

Gwamnatin Tarayya ta ƙaddamar da shirin horas da ƙananan 'yan kasuwa domin samun kwangilolin gwamnati Ƙarƙashin gwamnatin Shugaba Bola Ahmed Tinubu, Hukumar Kula da Sayen Kayayyaki ta Gwamnatin Tarayya (BPP), tare da tallafin Bankin Duniya, ta ƙaddamar da shirin horaswa ta yanar gizo kyauta domin taimaka wa ƙananan 'yan kasuwa su samu damar shiga gasar neman kwangilolin gwamnati. Shirin zai koya wa 'yan kasuwa yadda ake neman irin waɗannan kwangiloli, cike takardun neman aiki da bin ƙa'idojin da ake buƙata. Hakan zai taimaka musu su samu ilimin da zai ba su damar yin gogayya da sauran 'yan kasuwa wajen neman ayyukan gwamnati. Wannan mataki na da burin buɗe ƙarin damammaki ga ƙananan sana'o'i, bunƙasa kasuwanci da samar da ayyukan yi a ƙasar nan. #ArewaforAsiwaju #A4A

Najeriya ta samu alkawarin zuba jarin dala biliyan 3.5 a ayyukan iskar gas ƙarƙashin gwamnatin Tinubu Ƙarƙashin jagorancin Shugaba Bola Ahmed Tinubu, Gwamnatin Tarayya na ƙoƙarin bunƙasa ɓangaren iskar gas, inda aka samu alkawarin zuba jarin kusan dala biliyan 3.5 a manyan ayyuka guda huɗu da suka kai matakin amincewa da zuba jari. Ministan Ƙasa mai kula da Albarkatun Man Fetur (Gas), Ekperikpe Ekpo, ya bayyana cewa waɗannan ayyuka na daga cikin shirin gwamnati na ƙara samar da iskar gas domin inganta samar da wutar lantarki, taimaka wa masana'antu su bunƙasa da samar da ƙarin guraben ayyukan yi. Gwamnatin Tarayya na da burin jawo jarin dala biliyan 30 a ɓangaren iskar gas nan da shekarar 2030, tare da ƙara yawan iskar gas da ake samarwa domin biyan buƙatun ƙasar. #ArewaforAsiwaju #A4A

Leke Abejide ya bayyana shirin neman kuri'u miliyan ɗaya a Kano domin Tinubu Ɗan Majalisar Wakilai mai wakiltar wasu mazabu a Jihar Kogi, Leke Abejide, ya bayyana burinsa na ganin an samu kuri'u miliyan ɗaya daga Kano domin sake zaɓen Shugaba Bola Ahmed Tinubu a zaɓen shugaban ƙasa na ranar 16 ga Janairu, 2027. A yayin shirin, ya kuma bayyana tallafin tattalin arziƙi da aka ware wa ƙungiyoyin mata, ciki har da shirin bayar da rancen kuɗi marar ruwa na ₦500 miliyan. #ArewaForAsiwaju #A4A

Gwamnan Kaduna ya yaba wa Tinubu kan kafa Ma’aikatar Ci Gaban Kiwon Dabbobi Gwamnan Jihar Kaduna, Sanata Uba Sani, ya yaba wa Shugaba Bola Ahmed Tinubu bisa kafa Ma’aikatar Ci Gaban Kiwon Dabbobi, inda ya bayyana matakin a matsayin wani muhimmin mataki na bunƙasa tattalin arzikin Najeriya. Gwamnan, wanda Kwamishinan Aikin Gona da Gandun Daji, Murtala Mohammed Dabo, ya wakilta a wajen taron One-Day Grand National Thank You Rally a Kaduna, ya bayyana irin matakan da gwamnatin jihar ke ɗauka domin bunƙasa kiwon dabbobi, ciki har da samar da ababen more rayuwa da inganta ayyukan kiwon lafiya da samar da ingantattun nau'o'in dabbobi. #ArewaforAsiwaju #A4A

Gwamnan Kano ya yaba wa Leke Abejide da al'ummar Yarbawa kan shirin tallafa wa mata Gwamnan Jihar Kano, Abba Kabir Yusuf, ya yaba wa ɗan Majalisar Wakilai, Leke Abejide, da al'ummar Yarbawa bisa gudunmawarsu wajen tallafa wa mata a jihar ta hanyar shirin ƙarfafa tattalin arziƙinsu. Shirin, wanda ya haɗa al'ummomin Yarbawa, Ebira da Igala mazauna Kano, ya kuma samu tabbacin Gwamnan na ci gaba da ba wa waɗanda ba ’yan asalin jihar ba goyon baya, tare da jaddada cewa Kano gida ce ga kowa. #ArewaforAsiwaju #A4A