🪶

لـ المتواجدين : بيت شعر على ذوقك

الحياة أفراح وأحزان ودروس وعبر والتجـارب صفحة أيّامنا ، وكتابها - تركي الميزاني

ليت في راسي من الأفكار مخرج طواري لجل تجتاح الهداوه فيه وتعمّ السكينه .

أنا سقيت الورد لكنه جحُود أرتوى ساقه وتناسى من سقاه

البارحة هبت شمال وكان ما عندي خلاف لين استدارت للجنوب و نطحتني نودهـا

العقل ماهوب دايم صحيح الأتجاه الدروب أحيان ودّك تخالف سيرها - مزيد الوسمي

ما يموت الود لو يموت الكلام لك مكان وذكريات ولك شعور منت عابر في حياتي والسلام انت حتى في غيابك لك حضور

- قالوا الأولين / ماراح منك مهو صوبك واللي مقدّر لك يجيك لو تباطيته وقال عكاش الذيابي / " لا تحزن على الماضي ولا تقلق من الجاي يجيك المقدّر غصب لو كان ما جيته "

حاول تخلي جلستك عند العرب ركعة وتر " خفيفةٍ تقضي لزومك . . كل ما صليتها " - سعد علوش

« مشاريه الغلا مثل الحفاوه في لقى الغالين و عتاب اللي يحب أقسّى من الفرقا و طاريها »

"أنتي لو مريتي بعمر آدمي حظه شحوح ما عاد يبغى من عطايا الحظ حاجه تقنعه"

عهدن حـفظته ياهوى البـال ويـاك ما انسى غرامك .. لـو تطول الليالي

على دربك لو ان العمر يوقف تمشي الأقدام الين أموت “أبيك” وغيرك من الناس ما أبيها يا مرساي الأخير، وذكرياتي في مدى الأعوام يا ضحكة وجهي اللي تذبح أحزاني وتحيّيها

راس مالي فالحياه الطيبين اللي على وضح النقا دستورها النهج واضح لا يسار ولا يمين والوجه واحد لو تشين امورها .

لاغبت عن عيني رح أنشد غرامك تلقاك في قلبي مقلّط ومـحشوم !

خلك مع اللي بكل الأحوال شاريك وابعد عن الي لا قسى الوقت باعك ..

والله إنك أجمل من اللي تلفت و إستدار و أجمل من اللّي عقول العرب متخيّله - جابر النشيرا

ان ضاق بك وقتك انا كل الاصحاب وان جيتني بالهم والله لاشيله ..