᷂حمد

المعذره يالرفيق اللي مدونك رفيق ألا انقطع صوت خلان الرخا والسعه  لا ضاق صدر الفسيحه يالحجاج الطليق لا ضاق وجه الصحيح وطاحت الأقنعه لكن لثقلت أقدامك وطال الطريق  اللي يبيعك ألا عضك زمانك بعه

تبّت يدين الدرب مقطوع المصير أشياء واجد ساعد بـ تنبشها حاشد قليل الصبر زفره للأخير مثل ما تحشد ذكرياتي جيشها اذا انتهى الشر وبدا فالكون خير يطغى على نفوس الأوادم طيشها عشت الحياه وما هقيت إني بصير ناسي أنا وشلون كنت أعيشها

ما حرك الإنسان منزوع الضمير كل ما بْسطت بيض الليالي ريشها لو يختلف وجه الشبه بين الكثير نقطة تلاقي الناس لقمة عيشها نور البصيره في عيون المستنير تستوجب أسباب السخط تهميشها الـ ليش؟ ما تختار فـ لسان الصغير رهينة لسان الطفوله ليشها

اللي ماهو بـ ينقال ماهو بـ ينقال لو قيل بـ الصوت الشجّي المرنّم حديث ، آيه ، شعر ، معلومه ، امثال الله عطاك اشيا تعوضك عن ( النّم ) لسانك اخطر من متاهات الادغال ممكن تأذى منه .. وممكن تغنّم الصدق يبني دار في ( دار الاجلال ) والكذب يحجز لك مكان فـ جهنم لـ المبدع @J3losh

في كل مايحصل عسى قاسمة خير مومن ولي شيمه ومذهب ومله اخوان يوسف يوم حطوه فـ البير مايعلمون بقادم الغيب كله بعض العرب ماله على الارض تأثير يمكن تبين الشمس ما بان ظله يسعى مثل سعي الرياضي على السير يسعى ، لكنه ماتعدا محله لـ الشاعر @atfy_a

الميديا شابكه والوضع متشابك وكلٍ تجينا علومه من تليفونه لا صرت مشهور فـ تويترك وسنابك وحسابك اغلب عباد الله يشوفونه فـ احرص على كل حاجه واحسب حسابك الناس ماشافت اعينهم يقولونه وإذا اعجبك شي حاول تبدي اعجابك تراه هو هو بـ اعجابك ومن دونه

طآبت أوقاتكم .. ☕️

عَصَيتُكَ سَيِدي وَيلي بِجَهلي وعَيب الذَنبِ لَم يخطُر بِبالي إِلى من يَشتكي المملوكُ إِلّا إِلى مَولاهُ يا مَولى المَوالي لَعمري لَيتَ أُمّي لَم تَلِدني وَلَم أُغضبكَ في ظُلمِ اللَيالي فَها أَنا عَبدُكَ العاصي فَقيرٌ إِلى رُحماكَ فَاِقبل لي سُؤالي

تورث الغلطه نضوج وتصنع العثرات صامل وتنجب النكبات صبر وتخلق الاحداث حكمه تعطي الوقفات عز ويكسب الناموس كامل ويرفع الهامات علمٍ يحكم القاضي وحكمه

ياللي ليا جيت شي تكمل أوصافه واللي بلياك ماتهواه الأخلاقي ترى صوابي لجا وأبطيت بسعافه يا منجح الكي لا تلحق على الباقي عامين والحال من فرقاك منلافه لف أشهب اللال عشب نبته أدقاقي كم ليلة من سببك العين ذرافه من غيبة الشمس لين الصبح ينساقي #جدلانيات

تبهت الدنيا بـ عين القانع المتعامي كل ما غرر طمعها بـ النفوس الخجّل كم على مترامية الأطراف من مترامي يا هدب سود الليال الناعسات النجّل تصغر أسامي وتكبر فـ العيون أسامي وكل ميقافٍ بصفحات الزمان مسجّل ما يدوم إلا مقامك .. يالمقام السامي لارخص من كان قدره فـ الضلوع مبجّل

لايفرح اللي يقص الخف والحافر وده يشوف المواصل منقطع حبله ㅤ فالدين تمحى الخطايا لأسّلم الكافر والعذر لا جاء النشاما جبّ ما قبله ِ جعل الظروف الصعيبه خيرها وافر منها تعلمت لو تلعب بي السبله ِ كن طرقتي فالتجارب طرقة مسافر قد كبده مْن الخطوط السود مندبله

لا اونست في صدري من الحزن ونه خليتها تنهيدة مالها صوت البارحه قلبي من الوجد كنه قلب العواجي كل ماطريّت نوت اطلقت لخيول الهجوس الآعنه كنها طلايع معركة عين جالوت حتى خيالك مايعرف المحنه كنّه يذكر غافل القلب بالموت من ضاق صدره والعرب مستكنه خلوه لو يبكي على فايت الفوت

جيت المدينه لوّ مانيب معزوم في خاطري ونه وضيقه ومسرى لاجيتها من نازح البعد مهموم اقيّد همومي مثل قيد الاسرى هاذي مدينة من عن الذنب معصوم اللي عرج به للسماء ليل الاسراء منها انطلق جيشٍ خلع قيصر الروم ومنها انطلق جيشٍ خلع مُلك كسرى لـ المبدع @atfy_a

وسط ديجور الليالي والملذات الوحيفه غارقٍ ومعلق امالي ف علام السراير مومنٍ باللي جعل ناره على عبده خفيفه ينقذ اللي مبحرٍ بين الصغاير والكباير

لا سوّلت للنفس خطوات الطريق تنتابني وجهه حراويها أرق على شفا المجهول يالصدر الطليق وعلى امل غيمه وبارق مابرق جاني من ابواب المسافه باب ضيق محتوم مابيني وبينه مفترق كل الكلام الي اقوله مايليق دام السكوت الي اشيله مافرق من البحر دايم ينجون الغريق المشكله باللي على الارض وغرق

لا تضايق يوم قلت الفكرة المعقولة ما الله مكلفك تصبح للأوادم قاضي من جلسنا وأنت تضرب عرض هرج بطوله ويش فعل فْلان فالحاضر وفعله ماضي لا تعلمني علوم العالم المجهولة وأنت في نفسك بعَض الاحيان ما أنت براضي الحديث اللي بلا صِحّة مااحن بنقوله والكلام اللي بدون أهداف شغل الفاضي

يامحمد قفّل الموضوع مرّة لااا تلحّقني ملام ولاا تواسي أدري إني مندفع وإن فيّ غرّة وإن خطاي محطم الرقم القياسي وأنت كثّرت المواسى والتشرّه بس ما تدري عن الوضع الأساسي والكلام يضر قلبي .. ما يسره والهوا يثّر علي ويصك رااسي خل مثلي ينطوي ويموت سرّه خلّني ساكت تراي ابخص بناسي

عسى السحاب اللي مع الصبح نصّب ودلّى هماليله وركّز نصوبه يسقي وطن "راعي العقال المقصّب" نجد العزيز وغرب نجد وجنوبه يا ديرةٍ ما تقبل الشتم والسب يا منبع الإسلام دار العروبة

قال أنت وش فيك لا حاضر ولا غايب ؟ قلت المقادير لا منها ولا عنها لا تمتحني وأنا من الفضفضة تايب وغاسل يدي من كفوف الناس وألسنها من قلبي الورع حتى عقلي الشايب عفت الأحاسيس ظاهرها وباطنها اللي رحل وش خذا ؟ والجاي وش جايب ! والله مددررري لكن الله يزيّنها