Lost in Sol(itude)id

انا من وُلدت ماكان عندي أم، بس اختي الكبيرة اهتمت فيني، كانت غير متزوجة و موظفة، و تحب الأطفال. كانت تاخذ نص راتبها و تدخره لي بالبنك رغم اني الحمدلله ما علي قاصر، بس كانت تبي تحرص ان يكون عندي مبلغ احتياطي يدعمني لما أكبر، اختي توفت العام الماضي، يوم فتحنا جوالها لقينا مطالبات من الجمعية الخيرية كانت تتبرع ملابس و مستلزمات مدرسية للطلاب الأيتام بالسر، خيرها طال حتى الغرب، اختي قدوة صنعت و ربت شخص يستحيل ينساها لين ربي يتوفاني ..المعروف يثمر

اليوم بكيت بشكل مجنون بعد الدوام لأني رحت السوبرماركت اشتري خبز، وشفت جنبه قطة مسكينة كلما شافت احد يمشي تصرخ و تماوي من الجوع و العطش و الحر، تبيه يوكلها، تقطع قلبي مالها حول ولاقوة ماتقدر تطعم نفسها وتنتظر احد يساعدها..الله يرحم ضعفها، وقتها فكرت بكل عاطل في مثل وضعها، ماله مصدر دخل وعايش على ما تجود به أنفس اهله و جماعته، ولكنه مو قطة تماوي وتلقى وتبي بس اكل، لكن بني ادم نفسه عزيزة وله احلام و رغبات يارب ارحم ضعفهم و ارزقهم و اغنيهم