عبدالله السرحاني

الفقد يوجع مهما كانت اسبابه رحم الله من كنا ننتظر خبر شفائهم وكسرنا خبر رحيلهم رحم الله وجهاً جميلاً وابتسامه بريئه ،لا اعتراض على حكمك يارب الى جنات الخلد يالبندري ان شاء الله انا لله وانا اليه راجعون

اصدق مشاعر التهنئه والتبريك للأخت الغاليه ام عبدالله تخرج ابنها الغالي عبدالاله مفلح المجارمي الرويلي من جامعة بيرمنغهام /المملكة المتحده وحصولة على درجة الماجستير في علم المناعه والعلاج المناعي الف الف مبررروك خالي ومنها للاعلى ان شاء الله

من راحت الكواره والصاج والذفال ماضل بالبيوت بركه

سيدي دايم كلامك بالصميم بالأمور اللي تشيل همومها من جديد الوقت ولا من قديم واضحة بسلوبك ومفهومها الشجاعه مالها غيرك زعيم والمواقف انت طيب علومها #عيدالله_السرحاني

القريب لا يغيب هلا ومرحبا بالجميع ❤️

أنا رفيق اهل القلوب المعاطيب وأنا صديق الأمنيات الحزينه الوقت لوعني وانا اقول : ياعيب ما تستحي تاخذ سنيني رهينه #عبدالله_السرحاني

القريب يشرفنا بالحضور مليون مرحبا بالجميع

تمر الايام وتجّرح مدامعنا نعيش والخوف يبني للحزن طوبه ننام غصّب و تصحينا مواجعنا وآمالنا من ضروف الوقت مرعوبه حتى العروبه بدون احساس او معنى هو باقي احساس ولا باقي عروبه !!!!!! #عبدالله_السرحاني

يارفيقي ماعلى الدنيا ضمانه ماشيه لوهي بدوني او بدونك عيش فيها دام ايامك امانه العليم ادرى بعلمك وبشؤنك ولاتحاول تصنع لنفسك مكانه في قلوب اعداك واللي يكرهونك #عبدالله_السرحاني

يالله بصبحً لاغشانا خالط انفاسه ندا ليلك طويل البارحه وانا بعد ليلي طويل ياصاحبي متى يزين الوقت والفكر يهدا راح الكثير ولا بقى يا صاحبي الا القليل #عبدالله_السرحاني

عمر الجهل ما كان للناس دستور والعلم ل أخطينا نصحّح خطانا الفقر ما عيّب هل الطيب والشور كم من فقيرً بالكرامه غنانا والموت حق نفارق الدّور بالدور مير البلا موت الضمير بخفانا يعيش فينا الحر ويموت مستور لو مالقينا من غدانا عشانا #عبدالله_السرحاني

الشاعر اللي ما يحفظون شعره اهل القصيد اللي تفك المرابيط أن زاد سعره فوق او قل سعره لوقال وش ما قال كله خرابيط #عبدالله_السرحاني

ياصاحبي لا تلومني وانا أبو كل يوم صدري يضيق بالأربع جهات لي عام ما عرف الرفيق من العدو تخالطت عندي مفاهيم الحياة من كثرة الازعاج أدور لي هدو انا بنادم والبنادم أمنيات!!!!!! قلبي تعلق مثل تعليق السدو على بيوت اهل الكرم وأهل الصفات #عبدالله_السرحاني

(وَدِّع هُرَيرَةَ إِنَّ الرَكبَ مُرتَحِلُ) ما باقيً وقت أسرع لا تأخرنا للوقت يكفي ولا الأيامُ تحتملُ والصمت جلاد ينهانا ويامرنا #عبدالله_السرحاني

بين الأمل والخوف والفكر والطيش هم السنين عن السعاده سلتنا ما ضاقت الدنيا بعين الدراويشن نرضى من الأيام لو زعلتنا ونستقرض البسمه من الوقت ونعيش لو الأماني والضروف خذلتنا #عبدالله_السرحاني

للكويت وشعبها الطيب حروفي دار وافين المكارم والشهامه دار طيب ودار عزه دوم توفي والكويتي فعله يسابق كلامه شي عشته علم وعيوني تشوفي من يرافقهم ترافقه السلامه #عبدالله_السرحاني #الكويت_خط_أحمر #الكويت_الآن