يالله ياللي تعلم الحال بالذات
أغفر لمن يذنب وهو ما يكابر
من زينة الدنيا ومن فقد الأموات
فيني كسر و الحمد لله — جابر
عدو عينك ، من حياته ملذّات
وعجب عينك ، من يكافح وصابر
الله يحفظك يا زبون المهمات
وترجع على رفيقك اللي أنت خابر
مغير اهوجس واسوي بيت بيتين
والبس القاف دسمال الحقايق
يعجبني الناقد الي ينتقد زين
ولا العلايق على اسماهم علايق
والساحة تضج صاحين و مجانين
في شي لايق وشيء ماهوب لايق
وش عاد لو راح منها واحد أثنين
قد راح منها معدي وابن شايق
_ راكان عايض
حتى عيال الحرار الي تعشق الصعود
ماعاد تلقى على روس المبادي وكر
لو وازع الدين فالانسان ينقص يزود
الشيمة ترد راعيها ويحكر حكر
احدٍ ليا ضاقت الدنيا بكى فالسجود
واحدٍ ليا صكّت الدنيا بوجهه سكر
فارس الحشار .
الله عزيز ولا يذل العزيزين
اللي عن دروب الشرف ماتناحو
حنا اقويا حتى لو إنّا مساكين
ماريحونا منهم ولا استراحو
يدورون الضعف والطاري الشين
مهبلٍ لا صاح مجنون صاحو
راحو هل الشيمه وراحو هل الدين
وحتى السرابيت الرياجيل راحو .