‏سهم شاعر 🤍💙

والله لو اني فاهم بعلم الارصاد لا اجيك لو سجل عليه قضيه . ماعاد باقي عقب غيبتك مقعاد غير الهموم اللي بصدري لضيه . كم ليلةٍ جاني من الهم مهجاد وسهرت لين الشمس طلعت عليه . مالوم لا عبله ومعها بن شداد ماتوا ودفنوا في ديارٍ خليه . #سهم_شاعر✍🏻

مرورك على حسابي يزيده شرف وشموخ برتويت والا كلمةٍ منك تكتبها لانك كما عطرٍ يفوح بيدين اشيوخ اذا مر في حلة عطوره يجاذبها ولانك سحابة 🌧️ في مطرها تنوخ نوخ على القاع لين العرق بالماء يساربها ونشوف النفل والعشب يثمر كانه خوخ بعد مالفيتي يالشموخ بترايبها #سهم_شاعر✍🏻

الليل لااسدل ظلمته جاب طاريه والعين من زود الغلا جف ماها . كم ليلةٍ جيبي لعينه مسريه مع عبلةٍ صعبة على من رقاها . جاريت حرفك يمكن الحرف يغريه وتسطع نجومك نور باعلى سماها . #سهم_شاعر✍🏻

انا شفتك بحلمي مهرةٍ تصعب على الخيّال رسنها صعب لو لوُحت به زوّد بي اطعوني : احاول بس بُعدك هد بي حيلي وانا رجال ولو حاولت اخفي بان دمعي داخل اجفوني : وعسى الله ينهي الفرقى وترجع بالغلا بالحال وترجع يالغلا واصير لك بالحيل ممنوني : #سهم_شاعر✍🏻

الوفاء والصدق مع كثر التغاضي تتسم باللي ضمايرهم نظيفه من جمع كل الثلاثة صار راضي وعن عذاريب البشر عينه كفيفه #سهم_شاعر✍🏻

يالشامخة حرفك على ما تمنيت خيرٍ نشوفه قدم دهم السحايب اقرى وانا للوصف كني تحليت طايب وحرفك بالفخامات طايب همس الغلا واضح لو انك له اخفيت يبين في عينك لعين الصلايب وكثر الخيال وكثر شيٍ تمنيت هو مصدر الالهام عند الحبايب #سهم_شاعر✍🏻

عجزت اساير زمانٍ دوم يبكيني دنيا سوات الرحى يالريم منفره لكن لي رب عالي دوم يرضيني مادام طعته حشى ماعاود الكره ياكثر ماباالبشر ناسٍ مجانيني وقلوبهم قاسية تشبه حصى الحره وياكثر ما بالبشر ناسٍ عطوفيني وقلوبهم بالوفاء والطيب مستره #سهم_شاعر✍🏻

يهب ياوجه ولا هو بمسموح الغايب اللي في غيابه قتلني من سبته كني على الارض مطروح نكُد عليّ وللأسف ما فهمني ماغير اجر الصوت واكتب من البوح وبنات فكري يالشموخ اتعبني #سهم_شاعر✍🏻

والله ان الصبر صعبة يباع ويشترى لاغدى ليلي طويلٍ وغايب به حبيب اتحرى طلته بعد جرحي ما برى يمكن ان الشوق يقدر عليه ويستجيب القصايد فيه تكتب ولا عنها درى كل ما اكتب له جديدي مايكتب لي نصيب #سهم_شاعر✍🏻

تراني عايش بذكراك يالغالي واذا حنيت اهيم بكل وادي يالغلا وافكها سيره افكر في غلاك اللي عطيتك فيه ما تهنيت غياب وحزن وآلامٍ وأمرٍ صعب تفسيره انا مادري وش اللي صابني من يوم ماحبيت تعاسة حظ او علمٍ عجزت افهم تعابيره #سهم_شاعر✍🏻