الرزق مكتوب .. والأقدار مكتوبة
لا تشغل البال .. بالدنيا وما فيهـآ
احرص على طاعة المعبود والتوبة
و كل أمورك .. ترى ربك يسويهـآ
فزعة الله تكفي من ظروف الزمان وكل علّه
كل ما صح قلبك فالعبادات صح الله زمانك
لا تراكض ورا الدنيا ودوّر على ما يرضي الله
الله ليا رضى بيسخّر الوقت والدنيا عشانك
بكره تشع إن قالها اللّٰه أمانيك
مهما خفت في ليل الأقدار شمسك
لا يشغلك عن فرحة الجاي ماضيك
ولا يسرقك من واقعك صوت هجسك
ولا تيأس إن يبست منابت مساعيك
بكره يسيل الغيم ويطول غرسك
كل ماحدتني الدنيا على الجو المعكر
وإمتلى صدري من انواع التوتر والكآبه
وصد عني من صد وتنكر من تنكر
شمت للي كل ما اذنبت اتروع من عذابه
واتأمل في عجايب قدرة الله واتفكر
واحقر بيبان كل الناس واقف عند بابه
ماسمعت الفيلسوف ولا تنصيت المفكر
ولا قريت الا الكلام المنزل في كتابه
عزيزٍ في الحياة أليّا صمد ما كنّ فيه احساس
ذليلٍ في الصلاة أليّا سجد ما قام من خوفه
كريمٍ .. والله إنّه يستحي من ردّة الأنفاس
إلى منّه عطاها للهبوب وردّت لـ جوفه
على الله والانسان يتعافى من الازمات
لو النفس تفنى .. قبل تقضي عوايزها
تعيش الاوادم .. كلها في عنا ، واثبات
وتسعى .. ورى غاياتها لين تنجزها
والاهداف كل اللي بعدها من اللذات
ما يشبه متع لذاتها .. قبل تحرزها
عسى نفسي اللي بين الاحلام والغايات
ما تفقد شعور الكلمة .. اللي تحفّزها
اليوم جمعه والناس تطلب الخير
والعبد ماله غير ربه ودينه
يارب ارزقني بجنتك ولا غير
انت الكريم الي ما تبخل يدينه
55
1,279
والله لو تكفخ كما يكفخ الطير
نصيبك يصيبك ولا لك بديله
لو يوقفون الناس دونه طوابير
يجي لك المكتوب ولا تجي له
رب العطف والرحمة يارب الصفح والغفران
يا خالقني على دينك وأنا مسلم على الفطرة
يضيق العبد وان ضاقت عليه الأرض يا رحمن
يجيك بروح مغلوبة من الضيقة ومنفطره
وأنا ملجاي لـ أبوابك لا صكوا خلقك البيبان
ولا بيتٍ سوى بيتك أولي وجهي لشطره
محـري بالخيـر يامـزن النـشـا
ياحلو عقب الوسم رجع السحاب
هل رذراذك على روض الحشـا
ربع بقلـب دوام لـك شبـاب
25
868
دام الغصن ما هو بيختار طيره
خفف على نفسك عتابك ولومك
الوقت يبي ياصلك شره وخيره
وخذ حقك من أكلك وشربك ونومك
الرزق محدٍ ماخذ رزق غيره
والموت منت بميت قبل يومك
46
1,323
يارب لا ضاقت عليّ الاماكن من كل اتجاه
و اصبحت تايه لا طريق و لا اتجاه ولا سبل
أنت الرجاء و أنت الأمل و أنت النجاة
من كل همٍ ينعقد له في معاليقي حبل
بكره تشعّ إن قالها اللّٰه أمانيك
مهما خفت في ليل الأقدار شمسك
لا يشغلك عن فرحة الجاي ماضيك
ولا يسرقك من واقعك صوت هجسك
ولا تيأس إن يبّست منابت مساعيك
بكره يسيل الغيم ويطول غرسك
يالله يالمبصر وياعالم الغيب
يا من صغار الذر تسمع دبيبه
ياللي تحقق كايدات المطاليب
وفزعتك للمحتاج دايم قريبه
يالله عسى لي في حبالك مقاضيب
وملجاً ليا ضاق المجال التجي به
خلّ في صدرك على الدنيا قبول
واعرف أن الشمس تشرق لو تغيبَ
وعوّد لسانك .. ليا ضاقت .. يقول
الأماني في رجا اللّٰه ما تخيب
كل ضيقٍ بعدها فرجة وتزول
وكل جرحٍ في حنايا الروح بيطيب
لا تحسف لعنبو جد الحسايف
الزمان بخير والدنيا مديه
دامك معافى وجو اليوم كايف
لا تضيع بغبة النفس الشقيه
لو منت بكفو ماجتك الكلايف
القوي دايم صواديفه قويه

