Ahmed Fathy

أخ سألني السؤال ده بعد ما أعلنّا عن دورة الـ Backend Systems Engineering: هل فعلًا لسه فيه فايدة نتعلم الحاجات دي لو الـ AI بقى يعمل كل حاجة؟ وفي الحقيقة، لو حد بيقولك على كورسات عشان الغرض النهائي منك إنك تكتب كود بإيدك، فهو مش عايش معانا. وبخلاف أي حاجة، المدرسة بقت مش بتعلمك عشان تكتب كود بإيدك كمحصلة نهائية، وإن كنت هتكتبه خلال مرحلة التعلم أو وانت بتتعلم المفاهيم البرمجية، سواء الأساسية أو المتقدمة. طب ليه؟ ١- لأن السوق اتغير تمامًا، فاللي بيكتب الكود واللي بيصممه واللي كمان بيعمل الـ architecture هي الـ agents مش انت، ولكن تحت إشرافك. ودايمًا افتكر المثال ده: واحد عارف الموتور شغال إزاي، والتاني برضه عارف هو شغال إزاي وشاطر في تصليحه، ولكنه مش بيشتغل غير بتوجيهاتك. فلو انت مش بتوجّه صح، يا هيعمل حاجة شكلها حلو وجواها غلط، يا شكلها حلو وجواها حلو بس مبتقدمش اللي انت عايزه، يا شكلها حلو وجواها حلو وبتقدم اللي انت عايزه ولكن مش هتعيش للتغييرات المستقبلية، وهلمّ جرًّا. ٢- الـ AI لا يُغنيك عن تعلم إزاي الحاجات دي بتشتغل، لأنك لو بتتكلم عربي مع واحد مبيفهمش غير إنجليزي، ممكن توصّله بعض اللي انت عايزه بلغة الإشارة، ولكن يقينًا مش هتقدر تاخد منه كامل المنفعة زي واحد تاني بيتكلم لغته. فلو هو بيقولك إنه هيعمل queuing system واختار technology معينة وانت معندكش فكرة عنها، فاستفادتك منه هتكون أقل بكتير جدًا من واحد يقدر يوجّهه لحاجة هو عايزها وتناسب الحل اللي بيبنيه. ٣- بما إن الـ agents بقت بتعمل كل حاجة، فالـ screening والـ interviews بقت بتهتم بحاجتين: أولها إنك بتعرف تشتغل بالـ AI tools عن فهم، وعارف إزاي تستخدم الـ tokens بتاعتك بكفاءة، وتانيها إنك فاهم المفاهيم اللي بيتبني عليها أي system، عشان تعرف تطلّع أفضل حاجة من الـ tools دي، واللي تناسب المستخدمين بتوعك. وكتير من الإنترفيوهات مبقتش بتهتم بكونك بتعرف تكتب كود ولا لأ، ولكن إزاي بتقدر توصل لنتيجة نهائية فيها كل اللي مطلوب منك، وتكون قادر تفصّلها وتشرحها، سواء إزاي وصلتلها أو إزاي هتتعامل مع تغييراتها. مفيش وقت أهم من دلوقتي إنك تفهم الحاجات شغالة إزاي، عشان كمهندس تعرف توجّه الصنايعية بتوعك بكفاءة من غير هدر وقت أو فلوس أو مجهود. وعشان تفهم اللي أنا بقولهولك، فأنا بفضل الله وحوله وقوته بصرف ما يُعادل أكتر من ٤٠ ألف دولار شهريًا tokens، عشان أقدر أدير كل الشركات اللي تحت مسؤوليتي بكفاءة، وبسببها عامل كمية منتجات داخلية عشان توصّلني للكفاءة اللي شغال بيها بفضل الله. العالم اتغير، والسوق اتغير، والواقع اللي إحنا عايشين فيه اتغير، وعشان كده إحنا كمان طريقة تعليمنا والمادة اللي بنقدمها اتغيرت، وبنغير كل حاجة عشان تناسب الواقع ده. ربنا ينفع بنا وبكم، ويوفقنا وإياكم لما يُحب ويرضى.

اوحش حاجة تعملها لاولادك انك تديهم موبايل وتسيبهم فريسة لكل حاجة عليه، اصحاب السوء، شياطين الانس والجن، السوشال ميديا، المواقع الاباحية، الكلام مع الولاد، واللستة معروفة ومتسمعش كلام اللي يقولك "ثق في عيالك هما مش صغيرين" وده لا ينفي الثقة ولكن ربنا ولاك عليهم لسبب وهتُسأل عنهم لسبب ومتجاريش الناس عشان يبقى شكلك حلو وخلاص، مفيش حاجة اسمها: - موبايل ليه باسورد في البيت، اي حد يقدر يشوف موبايل التاني في اي وقت حتى موبايلك وموبايل زوجتك - لو في لابتوبات انت مفروض تسجلهم كلهم على ال Family link - لو في كمبيوترات ثابتة فكل الشاشات مفروض تبقى متوجهه لمنتصف البيت والموضوع ملوش علاقة خالص بالخصوصية او ان يكون ليهم اصحاب او غيره ولكن حفاظًا عليهم وعلى براءتهم وعلى طفولتهم وعلى حياتهم وانهم يطلعوا في بيئة سوية يقدروا يكبروا فيها ومتخليش حد يعايرك وحط صباعك في عين اي حد بيقولك دول كبروا، او اديهم مساحتهم، او، او دول عيالك، وفي رقبتكم، وامانة عندك، وهتُسأل عليهم فكن امين عليهم واتقِ الله فيهم.

مجتهد وأميرة الأن تدعم ال iPhone Due ولله الحمد. التطبيق الوحيد اللي محتاجه لطفلك وتبقى مطمن عليه طول ما هو ماسكه ♥️ نزل التطبيق الأن links.almdrasa.com/mujtahid-…

في الادارة عندنا كلمة كده بتوصف حال الانسان People are squishy بمعنى؟ تخيل عندك حتة صلصال، تقريبا مفيش مرة هتدوس عليها بايدك وهتطلع كل مرة بنفس الشكل وهكذا الانسان: - طبيعي انك تقوم يوم مش طايق دبان وشك - طبيعي انك تحس في يوم ان معندكش طاقة - طبيعي انك تحس انك في يوم عايز تقعد لوحدك - طبيعي انك تُحبط، تمل، تعيط، او انك تحس ان الدنيا قافله في وشك طبيعي انك متبقاش نفس الشخص كل يوم، المهم ميتحولش العرض لمرض وتداوم على شعور ممكن طوله يخليك تعبان على المدى البعيد فديما نصيحتي ليك: - حاوط نفسك بناس نفسها طويل وطاقتها ايجابية وليها حظ من العلم الشرعي - التزم بصلاتك ودعاءك واستعانتك بالله ولما تقفل معاك روح المسجد - اعرف ان الارزاق مُقسمة فكل اما الشيطان يشغلك بيها افتكر انها جايه من فوق مش من تحت - حافظ على اذكارك واكثر من قول اللهم إني عبدك وابن عبدك وابن أمتك، ناصيتي بيدك، ماض في حكمك، عدل في قضاؤك، أسألك ... الى اخر الدعاء يُذهب الله عنك همك وحزنك الحياة قصيرة يا صديقي فاستمتع بسعيك واعرف انك مبتخدش اللي انت عايزه، انما بتاخد الله ينفعك في الوقت اللي ينفعك نسأل الله لنا ولك الخير والتوفيق والبركة.

من اكتر الحاجات اللي كانت الشباب ديما بتسألهاني هو اختار مجالي ازاي وديما كنت بقعد اشرحلهم ان الموضوع ليس تفاصيل وشرحها في كتير من الاوقات بيطول وكتير بكرر نفس الكلام وعشان كده عملنا دورة "اختيارك المهني بالدليل" عشان يجاوب على السؤال ده ويعلمك ازاي تاخد قرار اختيار مجالك. حاجة كمان اننا بنكون قصدين اننا نعمل الدورات ديه شبه مجانية او مُخفضة جدا عشان تكون في متناول اي حد سواء دورة تعلم كيف تتعلم التعديل السلوكي عقلك والمال أو الدورة الحالية اختيارك المهني بالدليل links.almdrasa.com/career-ch… موفقين ♥️