أنتي المرباع
والقايده و الإتجاه
وآخر الآمال ، و أكبر هدف و أول طموح
قبل أعرفك
ماعرفت الوِضيحي و المهاه
ولا أعرف ورقاً تغني و ورقاً تنوح
بايعٍ لـ أجلك حياتي
و أنا أحب الحياه
الحياه بدونك // أشرّ من روحٍ تروح
قم أطلب الي تطلبه و يصير يا الطرف الخجول
أنت النسم !
لا تزعل و تقطع علي مجرى النسم
و شلون تخفي دمعتك و تقول لي ماني زعول
و أنا أعرف أحساسك رقيق أرق من ريش الرسم
حتى القمر في طلتك يرضى من أنصاف الحلول
هذي حقيقه و الحقيقه ما تبي فصل وحسم
/ طمّاح
ما دريت اني وصلت آعز غاية !
لين رحّب حاجبك والرمش هلاّ
من يشوفون الهوى مثل الهواية
ما بعد ذاقو سعيرة لا تصلّا
الشجاع
يحب الى ماله ،، نهاية
والجبان
الي يعشّم ،، ويتخلّا
أنت حبّك ما لقيته على جال الطريق
ما تجيبه غير دعوّة حجيجٍ في منى
يا عفيفٍ تجمع الزين والساس العريق
جدك اللي يروي السيف الاملح والقنا
جيت من بطن السحايب كما الغيث الدفيق
تنجي اللي طول عمره حياته في ،، عنا