بوأحمد 🇰🇼 R-W-H

📌 حكمة اليوم ارفع مقامك يا عالي المقام فالترفع عن كل ساقط ولاقط… هيبة والابتعاد عن الكلمات الهابطة… مقام احفظ مكانتك وهيبتك… فالرفعة لا تليق الا بأهلها #مقامك_يكفيك

شرايكم أكتب مذكراتي بكتاب اوراقة بحجم صفحة من صفحات 📃 الصحيفة 👊🏼🤣

تجربة شخصية يمكن تفيدكم… بشهر 8… قبل لا أسافر… كان ضرس العقل يعورني حيل واللثة وارمة… كنت ناوي أشلع الضرس عقب ما يخف الورم… بس ما خف قبل السفر… سافرت وخذيت معاي مسكن فوار… استانست بسفرتي… بس المسكن ما فارقني… حتى إذا نزلت من السيارة… شريط الفوار بمخباتي 😅 رديت الكويت والوضع على ما هو عليه…وبشهر 9 سافرت مرة ثانية… ورديت وأنا على نفس الحال عقبها رحت الجمعية آخذ لي جم شغلة… ومن ضمنها معجون أسنان… كنت ناوي أغير معجوني… فطرى على بالي أصور رف المعاجين وأسأل ChatGPT… شرحت له حالتي… واقترح علي معجون وقال لي ليش اختاره من بين الباجي بصراحة… أول ما شفته ما اقتنعت… مو من الماركات اللي متعود عليها… وسعره أقل بوايد من معجوني اللي مرات آخذه من الصيدلية… بس قلت: خل أجرب عقب أسبوع تقريبا… انتبهت إني نسيت شريط الفوار اللي كان ما يفارق مخباتي… الألم راح والورم اختفى… والحين صار لي قرابة شهرين ونص وأموري طيبة… ولله الحمد اللي تعلمته إن السعر والشهرة مو دايما مقياس… وإليكم صورة المسكن… رفيق دربي في سفرتين 😄🚙

كل الشكر للأستاذ المحامي محمد المطيري… بالنسبة لي… من أفضل المحامين في تبسيط المعلومة القانونية… دايما يطرح مواضيع تفيد المواطنين… يوعي اللي ما يعرف ويذكر اللي يعرف… الله يعطيه العافية 🌹

سفايف سيارتي لما أرجع وأطق بريك اطلع صوت وتفضحني… اللي يسمع الصوت يقول خاطف وحده وقاعدة تصارخ 🤣 وعلى طاري السفايف… خل أقولكم سالفة صارت معاي… يمكن تفيدكم مع الوكالات سنة 2000 شريت جيب 🚙 ما راح أذكر النوع… بعض الوكالات صاروا بسرعة يزعلون ويسجلون قضايا 😁 يوم وصل ممشى الجيب 80 ألف كيلو… وديته الوكالة حق السيرفس اللي يسمونه الكبير قالوا: بنبدل السفايف ونخرط الديسكات قلت: ليش تخرطون الديسكات… أنا لما أطق بريك ما أحس لا برجفة ولا باهتزاز قالوا: هذا المتبع عندنا بسيرفس الـ 80 ألف قلت: بدلوا السفايف بس… وخلوا الديسكات على مصنعيتها قالوا: إذا صار شي بالبريك… تتحمل المسؤولية قلت: أتحمل… ركبوا السفايف ومالكم شغل بالديسكات واحد من الربع عنده نفس جيبي قال لي: السفايف عندي بالكثير سنة… إنت مثلي قلت له: لا والله… الحين صار لي ثلاث سنين ونص تقريباً على نفس السفايف قلت له: بالسيرفس خرطت الديسكات قال ايه… قلت له بس منهم روح اشتر جدد اذا تبي السفايف تدوم ومن يومها وأنا أقول للي يشتري سيارة: اذا الديسكات سليمة… خلها على مصنعيتها… ليش تخرطها ونصيحتي من واقع تجربتي: إذا اختربت الديسكات… أنا أفضل أبدلها ولا أخرطها… صج التبديل أغلى… بس عن نفسي أرتاح للجديد والبريك على نفس قوته… وعسى الله يحفظ الجميع… ودمتم سالمين

بثلاث شهور سيارتي مشت 10 آلاف كيلو… وأنا حدي الجمعية… يا العداد خربان… او الجمعية كل يوم تبعد شوي 🤣🤣

التاريخ يعيد نفسه؟

الحين بره برد ولا الجووو زين… داخل غرفة السعادة برررد… لا يكون أنا قاعد بثلاجة موتى وأنا ما أدري 🥶

في ألعاب يلعبونها سنين… وبآخر حركة تكتشف بالصدفة شلون كانت تنلعب

تراكم أذيتونا بهالسوالف… رياييل وحريم…من الآخر… في بنات يعجبهم الكذاب واللعوب… ومن جذي بعض الرياييل احترفوا الكذب… كل ما زادها… زاد الإعجاب فيه… وعقبها هااات يا دراما… قال جذي… وسوى جذي… وآخرتها طلع خاين… خاين مع منو… مع صخلة… مع شبيه لج وبعض البنات ما يحلى بعينها إلا الريال المتزوج… إذا كانت تدري من البداية… ليش تدخل معاه بعلاقة ( في حاجة بنفس يعقوب ) وإذا ما درت إلا عقب… ليش تستمر وهي تدري… نفس السيناريو… بس بوجوه مختلفة ما أحب أخوض بهالسوالف… بس غصب يطلعون الواحد عن طوره… طز في هالصنفين… اللي يتلاعب بالناس… واللي هوايته هاللعبة وعقب يمثل دور الضحية الخلاصة: كلووو بيلعب على كلووو

أشوه ما لبست شتوي… جان صرت حبة خال بين المعازيم… وفوقها اختنقت من الحر 😄 الجو معتدل وحلو وايد 👌🏼😍

الحين شلون البس صيفي ولا شتوي… معزوم 🤔

النت بردان ماله خلق يتحرك حتى صفحة المنشن لما ابي ارد ما يفتحها… لك شوووفيك ما هيييگ

هالجو يبيله شخص إيجابي… حتى لو كان كذاب 😄 تقعد معاه بالبر ويقزر لك الوقت بسوالفه عن الجن اللي ما تتصدق… لا تدقق طوف 🤣☕️

الجو مو جو دوامات… الجو مال قعدة بالبيت… بلا طلعة ولا زحمات 😄☕️🌧️

البرد باغتنا وخذانا على حين غرة… لا أحد يطلع… شووو هالبرد 🥶

الجو يستاهل الطلعة

يا زين مطر الليل والبرد يزينه الرذاذي ويا زين بشت الوالد اللي بدفاه ملاذي 🌧️ أمشي على هوني وطيفه يمشي محاذي وأضم بشته لا لفحني برد الليالي

عاد لا تصدقون إن الوالد شاري البشت بالأربعينيات ولا الخمسينيات… يمكن شاريه بالسبعينيات 😁 بس لاحظوا مشيتي… كأني راكب الناقة وضحى وهي تمشي فيني تحت رذاذ المطر عيشوا معاي هالخيال 🐪🌧️😄

من حلات الجووو ورذراذ المطر 🌧️ ودي أطلع بشت الوالد الله يرحمه… اللي من وبر الناقة وضحى… وألبسه وأتمشى فيه تحت المطر… يكفيني إني كل ما لبسته أحس بريحته الزكية فيه… 😔🤍