ناصر عبيد الخميلي retweeted
عن لذيذ العيش نركض ورى العيشه
و اشغلتنا "لقمة العيش" ما عشـنا
في رجـا عـيدٍ شريــنا دشـاديـشه
و انتظرنــاه .. و بقى العيد واحشــنا
كل ما حشـنا لنا خـوش تحويــشه
طشّت وجيه المواجيـب ما حشـنا
ناصر عبيد الخميلي retweeted
فارس الحشار :
ما لقيت اكذب من الشاعر و اخس من الصحافه
كلهم وجهين للعمله و عملتهم بسيطه
قربو سباحة الفكره لعشاق الخرافه
هذي افلام الخيال وهذي السنةً سليطه
كان مالك شي تقدر تخسره ولا تخافه
ما يهمك جرح غيرك تفتقه ولا تخيطه
المديح ارخص من الممدوح و الإعلام آفه
غير صروح الجبال اللي على حدود الخريطه
العرب من شبهو شرد القصايد بصرافه
راحت الدنيا تعبط في السنيات العبيطه
نعرف الصديق عبدالله بن ابي قحافه
خير من وقع قدم رجله على وجه البسيطه
من عقب وقت الرسول ومن بدت وقت الخلافه
فوق قدر المدح و الشعار و الشعر و محيطه
حتى انا لو كان ما فيني من الخالق مخافه
البحر مجيت في جاله وغثربت في محيطه
يا وجود اللي خلافه مع ضميره واختلافه
ولا بعد جاته من حمول السحاب الا خطيطه
لنجاح اقطع مسافة كافية و اترك مسافة
شي شيمه عن رخيص و شي حلم و شي حيطه
ما نقد السلم الامحق لو يقدونه اعرافه
و القيطه ما نحملها وزر انها لقيطه
صدّة الفارس نهار المعركه ذل .. و ضعافه
يوم مدعوج العيون يهل دمعه في غبيطه
ودي ارقبتي تصير اطول من رقبة الزرافه
لا تنطحت الظروف اللي هبايبها نشيطه
الرجل مبدا ودين وغيرها لطيب اضافه
لو يضيع المجتمع ويغير المبدا خليطه
بارد الماء لو تصدق به على عامل نظافه
اخير من مالً تتقابه من السنةً سليطه
ناصر عبيد الخميلي retweeted
المبدع عبدالله السراهيد :
ما لانت عزومنا من لين جانبنا
يا كثر ما نقدر ويا كثر ما اعفينا
الفضل بعد الله يعود لـ تجاربنا
من طيب نيّاتنا طابت مساعينا
لو ان خساراتنا اكثر من مكاسبنا
كل الخساير ( تهون ) الا مبادينا
ما نترك الحقد ؛ ياكل من ترايبنا
ولّا انعرف .. انتقاضى لا تقاضينا
لو ننشغل فالضعوف اللي تحاربنا
ضاعت شيمنا قبل ضيعة هقاوينا
ما دون حد الكرامة .. ما يناسبنا
طبيعةٍ من خلقنا الله وهي فينا
اللي ما نرضابه صحيبٍ يصاحبنا
ما نعترف به عدو مهما يعادينا
واللي ما يطلق لسانه غير لا غبنا
توه لهالحين ما هذرا بـ أسامينا
ما للحسايف علينا درب لا طبنا
لو في خشاش الثرا جادت يمانينا
حتى لو تغثرب الدنيا مشاربنا
اذا قدرنا نسوي طيب .. سوينا
قالوا ما يستاهلون وقلت واجبنا
ان كانهم .. ما تربّوا ! قد تربينا
الله لا يجعل مصايبهم ؛ مصايبنا
لو التعامل سوى يمدي تساوينا
طبنا ولا طابوا وخابوا ولا خبنا
على كثر ( ما تردوا ) ما تردينا
فارس الحشار /
ابداع ابداع غير مستغرب عليه لله دره
اليكم الابداع يا متذوقين الشعر وشعار
-
منسن في الراس دوي ومنسن في الصدر تكه
عالمن ماهيب معي وعالمن ماني،،،،، بمعها
من ظهر من ثوبه يدور على الكاس ويلكه
دام نفسه طاغين فجوره على ،،،،،،ورعها
كاستن في قاصرين وكاستن في بعل ،،،،بكه
يحسب انه عمر بن كلثوم لامنه،،،،،،، نشعها
ولا انا والله ماتلقالي مع ذا الدرب ،،،،،سكه
امتثالن للشريعه والعزيز الي،،،،،،،، شرعها
والله ان خير البيوت الي بناه الله ،،،،،،بمكه
ومن من لقابه ركعتن يدخل بها الجنه ركعها
الزمان ابواب هذا نفتحه هذا،،،،، نصكه
نلتغف ونرقع الدنيا برقعه من،،، رقعها
لا تجسب الوقت فيدك قفله وفيدك مفكه
الليال تستدير وكان ماطلعتك،،،،،،،، طعها
لا تقول البحر خوضه ولا تقول الضلع دكه
ولاتدور الارض فيك ولا تضيق،،،، بمتسعها
ماهي بدايم سنام حوار ولا سمن،،،،، عكه
السنين التاليه دبور واقفايه،،،،،،، ومعها
في يديني عشرتين وباش واكه وابرق ،،،،اكه
والعرب عيت تسانعلي وانا امشي في ...سنعها
البس الدرع الثقيل وتفري الدنيا،،،،، مشكه
علمو غرات الانفس لا تخليني ،،،،،،،،نصعها
في يدين الحرد عيب وفي وجنوب الجرب حكه
والنهوم تروم لا حط المطيرق في ،،،،،،،مغثعها
في السعه كلن بطل وان عود العلم لمحكه
من تزرط بالعوافي لا نس الذله،،،،،، طقعها
طيعني خل العصل لا دك يبرك ،،،،مدكه
شغلته مثل الركاب الي تزاول في ،،،،شيعها
عملة الطواش لول وعملة التناك ،،، سكه
وام غارب من عقلها جود الزو ،،،،،،،،ومرعها
احدن يفدغم شحم واحدن يلقم له بلكه
الرخامه بررررك بناسٍ تجازيك ،،،،،،بوجعها
رفقتن مثل القراش الي مغير ارعه،،،، وزكه
لا يامال القوم لا قفو برزعه من ،،،،،،،رزعها
ياقف الطيب مروه لو يضكه ،،،،مايضكه
والردي لا جاته الوجعه بلع موس وبلعها
لقمة ياتي وراها منه وطراف ،،،،،،،،شكه
ادخل ايدك في ثمك لين تغثي دمها،،،، وزعها
كان باعتك الرخوم وبابها قامت ،،،،تصكه
لا تردى سوقها بعها ياولد ابوي،،،،،،، بعها
دوستوفيسكي يقول:
« لا يبقى في الذاكرة سوى ما نريد نسيانه »
وسعد الحريّص في النبط :
« على كثر ما شريط الذاكرة يطوي
مافيه وجهٍ ثبت فالذاكرة كثرك »
111
ناصر عبيد الخميلي retweeted
فارس الحشار :
عطني ابرة بنج ولا ابرة مخدر
خلني يوم انتحى الوقت اتعايش
والله ان قدلي وانا راسي مسدر
مابقى علمً يشوش ليه شايش
ضايقً صدري وسامح ومتكدر
من زماني راحت جنوبي نهايش
الحرار مبرقعه والزمل فدر
والامور زمامها بيد الهوايش
مالقيت امحق من الخبل المقدر
والكلام الزور والفعل المرايش
كان منت بنادر وتبغى تندّر
الندر حتى بـ زاهية الغوايش
الوكاد ان الرجل لامن تصدّر
يذبح العدوان لو بـ طلق طايش
العرب مايجهلون الدر والدّر
مابقى شيً على العالم خشايش
من تعادل كلوه من الماء يصدر
لين يشبع فالمكعب و الحشايش
ما اغتنو ما كلة جروح المجدر
الغني عايش و ابو قرشين عايش
لا يابعد كل الكلام .. الي على بالك يدور
يفداك غروٍ يوم وليته .. على قلبي خلع
ما أنت الوحيد الي يعاتبني على قل الطهور
غيرك .. رفيقٍ ما يحسب حساب نوبات الهلع
كثر ما كنت امشي الايام .. يلحقني قصور
يمكن خطاي اني مانيب الي حبى والي ظلع
والله ما يسبق غلطتينك غير .. فدوه ومعذور
أغلط فداك الي مايبلع غلطتك .. والي بلع
وشلون أبقسى وأنت عودك هش وأحساسك ذعور
تبكي ليا ضيعت في كلمتك .. من زود الدلع
أنت الثمين الي على عنقك .. على عنقك غيور
يوم الرخيص من الاوادم .. لرخيص من السلع
لا صار يجذبك الكلام الي على أطراف الشعور
ليتك تعرف الي بغيت اطلعه ... ولا طلع
شفني ما قلت لطيفك الي ممتحني صف دور
وانا اعرف انه كل ماهيف خذا البال وشلع
وشفني وأنا وياك يـوم الارض وأهلها تبور
على كثر ما ماتت الاحلام الارض ما مات الولع
ناصر عبيد الخميلي retweeted
عبدالله الحمّادي رحمه الله :
يامل قلبٍ فايراتٍ عروقه
وعينٍ من الفرقا تزايد غرقها
قلبٍ دواليب المحبه تسوقه
وعينٍ فراق اللي تحبه صفقها
لي صاحبٍ عيّا البخت لا يسوقه
والكبد بسهوم المحبه زرقها
وجدي عليها وجد من زاد شوقه
نفسه من الفرقا على اخر رمقها
وجود عودٍ كاثراتٍ طقوقه
كبده على تالي عيال حرقها
وجود منهو حارب النوم موقه
مطلوب دم اعداه يسمع تفقها
طاحت ذلوله عقب ماهي سبوقه
وعوّد على البندق وكذّب فشقها
وعداه مافيهم قلوبٍ شفوقه
ونفسه قضت كان الولي ما فهقها
يا سعود طاريها لقلبي يشوقه
وهي نور عيني يوم خيّم غسقها
يا هنيّ منهو لو يشوفه بسوقه
ويا جنة اللي من عربها سرقها
ويا حظ منهو بين الايدي يطوقه
في ليلةٍ يبطي علينا شفقها
ريقه ريوقٍ لي وريقي ريوقه
كاسة عسل صافي بحلقي دلقها
ناصر عبيد الخميلي retweeted
ودنا بالطيب بس الدّهر جحّاد طيب
كل ما تخلص مع الناس كنك تغشها
يدك لا مدّت وفاء لاتحرى وش تجيب
كان جاتك سالمة حب يدك وخشها.
#سعد_بن_جدلان
ناصر عبيد الخميلي retweeted
عسى الحيا يسقي زمان الطيّبين
راح وسكينه خاطري راحت معه
ياليت لي قدره بدورات السنين
وافزع ورا وقت ٍ مضى واسترجعه
يا الله يا ربّي .. وربّ العالمين
استودعك قلبي ونبضه تسمعه
يدق في صدري ومشقيه الحنين
والذكريات اللي تمره توجعه
لازال عالق في حياة الأولين
أزرت مناديب التطوّر تقنعه
هادي بطبعه يكره المتكلّفين
ولا يحبّ اللي يثير الزوبعة
ادور أشباهي و وين الأربعين
الأربعين بواقع الحال أربعه !
قام العجب فينا يلدّ بنص عين
واليا رفضنا نظرته طقّ إصبعه
يا مستحين الله يعين المستحين
مات الحيا والعيب فلّ الاشرعه
المجتمع كنّه بحفلة هالووين
ناس ٍ تقابل بعضها بالأقنعة
والشّعر صار بضاعة المستشعرين
يا اللي شريته باوّل السومه بعه
راع الكلام الهزل غثّ المسلمين
يا ما اطول لسانه وحلقه ما أوسعه
لو يعرف المنقود ما جاله رطين
خلّوه يرطن لين ربّي يقلعه
وجهه عريض وداهنه بالفازلين
ما تثبت الشرهه على وجه امّعه
ناصر عبيد الخميلي retweeted
يقول د. عبدالرحمن السميط رحمه الله :
حدد لي الديوان الأميري ١٥دقيقة أقابل فيها الأمير الراحل جابر الأحمد رحمه الله
وأشرح له فيها أعمال جمعية العون المباشر في افريقيا
فحصلت المقابلة وامتدت إلى ساعة ونصف
ثم قال الأمير لي :
متى ستسافر إلى إفريقيا؟
قلت: الأسبوع المقبل
وقبل موعد سفري بيومين
أخذ موظفو الديوان الأميري مني تذكرتي ذات الدرجة السياحية
وقالوا لي:
تعال إلى المطار غداً في الساعة العاشرة صباحاً
وسنرتب أمور سفرك كله.
وصلت في الموعد المحدد وإذ بطائرة أميرية في انتظاري
وبداخلها ستة أشخاص
وعندما هممت أن أجلس معهم
قالوا: مكانك في الأمام .
فلما ذهبت حيث أشاروا
وجدت الأمير رحمه الله
وقد لبس ثوباً كويتياً عادياً
وليس عليه بشت
ولم تصحبه صحافة ولا كاميرات.
فلما وصلنا إلى وجهتنا..
دخل الأمير إلى البلد الإفريقي بجواز عادي باسم مستعار ،
فلم يعرفه أحد في المطار.
ولم يدخل إلى قاعة تشريفات.
كانت جولة سريعة استمرت ليوم واحد،
اطلع فيها رحمه الله بنفسه على بعض مشاريعنا الخيرية في تلك الدولة الإفريقية،
ثم غادرها مساءً إلى الكويت.
فلما وصلت إلى الكويت بعده بأيام
علمت من مدير حسابات جمعيتنا
أن الأمير رحمه الله
قد أودع في حسابنا ٢٣مليون دينار كويتي
تبرعاً منه لجمعيتنا
- يقول د. السميط
سألني صاحب السمو الشيخ جابر فقال :
"سمعت يا إبني أنه انقلبت فيكم السيارة كم مرة
والأسود حولكم
واللصوص المسلحين
وألغام انفجرت فيكم
لماذا تعرض نفسك لكل هذه المخاطر؟
فقلت له : يا طويل العمر اسمحلي أن أكون إلى حد ما غير مؤدب معاك
فقال لي: تفضل
فقلت : اقسم لك بالله
لو تحس باللذة التي احنا نحس فيها في شغلنا هذا
ما قعدت على كرسيك يوم واحد
ولكنت الآن في أفريقيا ويدك بالطين معنا
لا أستطيع أن أن أصف لك
اللذة عندما
تجد أحد الايتام
كيف كانت حالته
ملابسه ممزفة حافي القدمين وضعه سيئ
وقد تحول الى متعلم وضابط ودكتور ومسؤول كبير.
- إن عشرات الأطباء
وأساتذة الجامعات
والسفراء والوزراء
حتى أن وزير الدفاع ونائب رئيس جمهورية ملاوي
كان ممن أوتهم جمعية العون المباشر
التي أسسها د . السميط
لقد كان بمقدوره كأحد أوائل الأطباء الكويتين،
أن يعيش حياة رغدة
يمتلك فيها الملايين
كما هو الحال مع زملائه وطلبته،
لكنه كان يقول:
" والله أعطف عليهم إذ يظنون أن السعادة فيما تحمله من مال .،
السعادة ليست كم هو حسابك في هذا البنك أو ذاك،
لكن السعادة كم هو رصيدك عند رب العزة والجلال..
لقد تعلمتُ أن السعادة الحقيقية هي أن أُدخل السعادة إلى قلوب الآخرين"
ناصر عبيد الخميلي retweeted
البارحه من جمرةٍ تكشف الزيف
ماهوب من يوم الخلايق نياما
عيّت نسانيس البراد آخر الصيف
عن الخطايا يوم جيت اتعاما
قمت اتسامى عن كلام الملاقيف
لين احسبوها ضعف وانا اتسامى
كلامكم يا مقولبين السواليف
على عيال الطيب برد وسلاما
غشّوا بعضكم يكرمون العواريف
اللي على خطّر بعضها تحامى
الله ليا حط الضعافا مواليف
حط النشاما في طريق النشاما
الطايله لنا عليها مشاريف
غصب على غلّ النفوس السقامى
لنا معاريف وعلينا معاريف
حنا مع الثنتين ياما وياما
ياما نطحنا كايدات المواقيف
اللي عليها المعتذر ما يلاما
بوجيهنا تصغر كبار التكاليف
وبصيتنا حتى القليل يتنامى
صيتٍ مخلينا مثل شذرة السيف
اليا وطينا اللاش راح يتواما
حنا عيال اللي يبشّر على الضيف
ملجا لتجّار البلد واليتامى
وسّع مخابي ثوبه من المضاريف
اللي عليه بكل صبح اترامى
يمثّل الدوله من السيف للسيف
متواضعٍ تجرا عليه الاناما
وادٍ غصونه راويات ومواريف
ماهوب وادٍ لا منابت ولا ما
قلبه كثر ما اجلى هموم المخاويف
وقّف وعمره حول خمسين عاما
— ناصر مناحي
ناصر عبيد الخميلي retweeted
محمد خلف الخس :
الله من قلبٍ عوى عويت الذيب
ذيب عوى لجت ضلوعه ولجي
عليك ياراعي العيون المهاديب
سودٍ مضاليلٍ وساع ٍ وبجي
سودٍ تشذب بشرة القلب تشذيب
طحت بخطرهن يالله انك تنجي
سهومهن تسطي على القلب وتصيب
تخج صندوق المعاليق خجي
ياصاحبي حبك لقلبي عواقيب
ارفق علي شوي قبل استلجي
يا اللي عليك عيون الامه مراقيب
تقول بين شفاك درٍ يمجي
والخد براق المزون المهاضيب
اللي رعوده رجت القاع رجي
يامنوتي مافيه شك ولاريب
منساك كود انسى صيامي وحجي
يابو نهودٍ شلعن مقدم الجيب
كمشمشٍ عرقه من الماء ينجي
من فوقهن شقرٍ تغذى على الطيب
ريح الشمطري في طرفهن يعجي
ذيل اشقرٍ ينسف خلاف العراقيب
تطلب عياله بالمهر والترجي
هزه وزرفات السبايا جناديب
لوما شليل السبر والمال هجي
ذبحتني ياسيد كل الرعابيب
فجيت قلبي يأريش العين فجي
فجن مثل مضراب شلفاء تراحيب
شلفاءاً تخل الدم الاحمر يكجي
لا وردة من كف مرو المغاليب
والخيل كاسيها ضبابٍ وعجي
ياعاذل المشتاق مابالهوى عيب
ماذقت لذاته عسى امك تدجي
لو ذقت من حلوه ومره تجاريب
مالمت طراد البني الغنجي
نجل العيون مزعلات الخطاطيب
شعوٍ عذاب مقطعين الفرجي
يم الحبيب اللي هروجه تعاجيب
ياعين لديله ويارجل سجي
ناصر عبيد الخميلي retweeted
سعد بن قبلان الشعيلي :
ياراكب اللي ركوبه يبرد الغلي
ايقرب البعد والنصاب ينصبه
لكن أنا بس شاريه بلزومن لي
ماني بناصب عليه ولا اتكسبه
ماله حلي بالوصايف يوم ابحلي
يعجبك وصفه وتحتار وتعجبه
يأخذ من الصقر فوق الوكر ويخلي
وإلا الفحل من هديره كل ماقبه
مافيه مسمار متراخي ومنحلي
ولا نيش بدية بشاكوش ومرزبه
آليا تمعنت بخطوطه ايخلي
صفة سنابل شعير فاخرن حبة
صناعة اللي ماعمره قال ابصلي
مازار مكة ولا عمرة طلب ربه
آليا مسكت الفرامل ما درج ملي
يجمد على القار قبل يولع اصطبه
واليا تكفف ظلام الليل متجلي
البدر كنه سنا نار ن وراء تبه
صليت لي ركعتينن مخلصن للي
ينجي غريق البحر من حومة الغبه
دقيت سلفه لاعل الله يسهل لي
ومريت راع الوقود وقلت له عبه
رح لطرمبه وشغلها وحط اللي
ألين يرجع عليك الزود ويكبه
من الرياض العفيف عيار عصملي
ماني مطفي اسويكه قبل ماطبه
قعدت أغني وشكمانه ايمولي
على مرادي تلحن صوته الدبة
لاقام يطوي الخرايم طويت الزلي
ودك ادنق على الطبلون واتحبه
أبي رفيقن على الشدات صافنلي
أكره معاديه وأعلن حب من حبه
له منزلن في ظلام الليل يندلي
ناره على العز والنوماس مشتبه
ايناطح الضيف بالترحيب ويهلي
من يوم يقبل على بيته ايرحبه
قرمن برأيه ايعقد الحبل ويحلي
يحسب حسابه ويحسب له ويحسبه
لاعل يمناه ما تنعاق وتشلي
مع طول الأيام ماتكواء على الصبة
يا منيف عن وضعي اللي قلت لك قلي
ابطيت يامنيف وأنت تقول ابتعبه
واليوم هذا شهرنا العام قد هلي
وأنا احسبنه يجئ ساعة اتطالبه
لا كن كأنك عن الموضوع متخلي
الله يعافيك علمني وش السبة
ناصر عبيد الخميلي retweeted
طلعت لـ نجوم السما مطـلع مكوك
و معي خيالٍ وسعه - وساع الثرا
صرفت من جزل الشعر صرف البنوك
و عبّرت كل شيٍّ عـلى بالي طرا
الارض صارت من زهـور لـ روس شـوك
و ممشاي ؟- كنّي طالعٍ طـلعة كـرا !
و الشوق يزرع فيني انـواع - الشكوك
و الذكريات تصفّ قبل ارقد سـرا !
يا غايبه مـالك سوا قـاف محـبوك
قافٍ تصفّق لـه مشايخ و وامرا
يردّد اللي يسمعه ( لا فضّ فوك )
و يروح و يعلّم به اللي ما .. درا
فقدتك و فقدك مثل فقـد الملوك
و مشاعري شعبٍ فقد معنى الذرا
صدري ملكتيه بـ مواثيق و صكوك
مير البـلا بعتيه فـ اوّل مشـترا
عند الوداع همـومي فـ قلبي بروك
و صديت حتى ما قدرت انظر ورا !
جيتي غريبه ما اعرف الا اسمك و ابوك
و رحتي و صرت انشد من انا يا تُـرى ؟
جلال العطياني
ناصر عبيد الخميلي retweeted
على المرفه تطلع الشمس وتغيب
ماورته بقعا نجوم القوايل
والشيب في دقنه على موضة الشيب
والشيب في التالين غير الاوايل
ماهيب موضة الاريل وموضة الجيب
ياهل الجيوب اللي عليها الارايل
تغيرت حتى اللحى والاشانيب
ماعاد ندري كيف ذا الوقت قايل
مدري نقول الموت والله ولا العيب
ولا نقول الموت ولا العذايل
عسى لنا في عروة اللّٰه مقاضيب
اللي يعدل الحمل والحمل مايل
اليوم ضيفان وبكره معازيب
دام الاشده في ظهور الرحايل
والظن يخطي بعض الاحيان ويصيب
والشك مابين الرجاجيل زايل
والذيب ماياكل خويه وهو ذيب
والطبع نفسه في عيال الحمايل
لاطاب فيني واحد من هل الطيب
بذلت في رده جميع الوسايل
اعد مردود الجمايل مواجيب
مااعد مردود الجمايل جمايل
ما يبرّد واهج الشوق و شعور الهيام
غير سرداً تطوي البعد بـ السرعة طوي
بديها من خلف ماهوب مثله من أمام
مستوي في حال و بـ حال ماهو مستوي
خشمها عبرود طلقة و موخرها بهام
رافعه راعيه بـ اشـارة ٍ ما تنغوي
لا بدو دعاء السفر و أعلنو ربط الحزام
و ارشادات الامن لو ترتطم والا تهوي
و استلمها واحدٍ خبرته عشرين عام
كبتن ٍ بالله و بـ كتابه إيمانه قوي
مسلم ٍ عنده خبر بـ الحلال و بـ الحرام
جابله ربي على الدين .. و سلوكه سوي
و صعدت مثل أشقرٍ فوق جول الصيد حام
لـ مراوحها مع الجو لجة و حدوي
مثل ما يدوي صدى صوت رعاد الغمام
صوتها صداه عبر الفضا يدوي دوي
بـ النهار اليا تعلّت كبر فرخ الحمام
دونها الاف المسـافات تزويها زوي
و ان تغطلس بينك و بين رؤيتها الظلام
كن في روس أجنحتها مشاهيب بدوي
دوبهم دكو عن دلاله الربع الحشام
تحتها من وقدة السمر جمر ٍ مجثوي
دايم و ربعه على جلسةٍ عنده حيام
أبلج ٍ ليّن جنابه لـ ربـعه .. و حموي
ما لي الا هي .. ليا جاء للاشواق احتدام
و قامت الذكرى على القلب تكويني كوي
لي شهر و شوي عيني محاربها المنام
ودي أحضّر جوازي و أدور لي خوي
بيني و بينه مسافات و حدود و نظام
واحد ٍ فرقاه شاويةٍ فوادي شوي
بس أبا أزوره مثل ما يزارون الكرام
لين عيني من قباله و شوفه .. ترتوي
لو بغيت أصبر و أكابر و أقول إني تمام
ذيب حبه بين جرد المحاديب يعوي
كان ما لي في دروب الهوى شف و مرام
لين شفته و أشهد انه هواة المهتوي
يا سلام الله على السلهمة و الابتسام
و يا سلام الله على اللي مابي له مطروي
كن ما الله حط في منطقة خصره عظام
وكن غيره ما احتوى مثل ماهو محتوي
لا قعد مـا وده يقوم .. و اليا قام قام
تلوي أعناق البشر قومته يمه لوي
تقل بين أعلى الجسم و أسفل الجسم انقسام
شي من جسمه مرتب و شي ٍ فوضوي
استلمني في جبروته أشرّ استلام !
لين طيّح معنويات راس المعنوي
- لافي حمود الغيداني
الله من قلب رمع فيه رماع
واخلف يمومه عن طريق التسانيع
هجس رمع ماله عن القلب فراع
عليه غاراته تشن المفازيع
يشري بقلبي كل ليلاً ويبتاع
وله الجوارح خضعات مطاويع
مركز غرامه بين محني الاضلاع
لاناموا العربان سواء مشاريع
أسباب ورقٍ بالتغاريد سجاع
ورقٍ على هاك الغصون المهانيع
ياورق كف اغناك مال الطرب داع
ياشين مالك في عذابي منافيع
ان شفت من قلبه جزوع ومولاع
على النياحه لاتوريه تشجيع
هوليه يوم تروجع الصوت ورجاع
قصدك تزيد مولع القلب توليع
اسهرت عيني والمخاليق هجاع
وذكرتني خل بعيد المرابيع
راعي جديلاً فوق متنه الى انداع
كأنه شليل اللي تتل المصاريع
لا جاء نهاراً فيه صائح وفزاع
والخيل باطراف الجهامه شواريع
يوم مثل يوم الرحاء عجه امزاع
نهار اخو نوضاء يفك المجاميع
مخلي سروج الخيل من كل صعصاع
عقايره سرد الرمك والمداريع
يدلي بهندي للارقاب قضاع
في روس ضده غادي له لعاليع
كم شيخ قوم دقبه روبة القاع
خلي عشى لذياب نجد المجاويع
سيف شقير يامره قلب وذراع
ضربه يطوع مخطي الدرب تطويع
يوم على ضده مخائيله اتباع
نهار يفرق شملهم عقب تجميع
غيمه عجاج الخيل غاره ومرجاع
وشمسه بواريق السيوف اللواميع
يشيب منه اللي على الديد رضاع
بيني وبينه يهرف الذئب ويريع
عنه اتحراء العلم مع كل ذعذاع
انشد ولا عينت للعلم تسنيع
اتلاء العهد به يوم مظهورهم زاع
جلع ضعنهم طلعت الشمس تجليع
بدواً يبون بشرقي النفد مرباع
ولهم على أطراف الصداوي مراميع
راحو بعد حوا على الكبد مرقاع
وعسالهم من عقب الاقفاء مراجيع
لاحف زملوق الطواليع وانصاع
واقفاء خضار النبت حتى الطواليع
والأرض صفرأ عودها والثراء ضاع
واستبدلت عقب الخضار البلاقيع
وجونا تباريهم زعازيع الاقطاع
كأنه يقلطهم عقيد الطماميع
اقفاء الربيع وعودوا للشفاء رياع
لعلو نجد اللي هبوبه ذعاذيع
لامن نبت الصيف جاله تمرياع
وضفاء على هاك العبال المصاليع
اللي طويل أعدودها عشرة أبواع
وقذالها مثل الطيور المواقيع
يزميبها طافح سرابه إلى ماع
كانه من القصيدير ياخذ تلاميع
دار بها تركي ومحسن وهزاع
من بها مال الثلاثة مناجيع
ما كفت البره وجزعا وجزاع
واجنب جنوب إلى القهب والمجاضيع
ولهم على منثورة العرق مرماع
هاك النفود اللي عضاها مهانيع
اضني أضرب للغضى درب الاسناع
واشوف زوله عقب صد وتمانيع
ومن غير شوف العين ما نيب طماع
إذا حصل لو هو سلام وتوديع
- عبد الله بن عون حفظه الله
ناصر عبيد الخميلي retweeted
البارحه واليوم عينين في راس
ماغاب من ذكراك مثقال ذره
كني من أودعه الزمن خلف حراس
مبطي ماسمع الكلمه الي تسره
يومً يمره يلتقط فيه الأنفاس
ويومً يمره مادرى انه يمره
متوقعً بعد البطى ذرة احساس
يوم انتظر من غيبة الشمس ذره
تقسى وانا في عينك اشوف لا باس
واحياًنا تكون القساوة مبرّه
أنا أعرف رمشك وهو ميت نعاس
درب الجروح الداميه مايغره
انت ابتسم وتصير خدينك أقواس
والابتسامه بين قوسين درّه
مثل انعكاس النور في عقد الالماس
عقدً سلب زينة نجوم المجره
كنك تصب الليل من كاس في كاس
وليا تهادا بان للبدر غره
متحركً خلقه مايحتاج نسناس
لو تلتفت خذا على العنق فره
وعودك طغى من كثر ماهو بمياس
يستقبل انسام الهوى ويتدره
هو مرتوي والي حواليه يبأس
وإلا الرياح العاتيه مستمره
الناس ماتدري وش الي ورى الناس
ياليتها ماتنقد ولا تشرّه
لاشفت مخلوقً ملى صدره اليأس
انكان مانت بنافعه لا تضره














