بدر السهلان

قصيده بـ عنوان (( الفراق )) بدى ليل الفراق اللي . . تغشّى في سماه الياس معاه أحجار أبابيلً . . على العشّاق ممطوره نديم الروح و الفرقى على وصل الحبايب فاس هدفه يْحدّد عروق الوصال و يقطع جذوره تبي ترحل و أنا اللي كنت في درب الوفى نبراس ورغم جور الليال السود خلك .. ماشكى جوره و أنا إحساس الوفى صوبك بعثته مير منت بْـ حاس تصدّ مْن الحبيب اللي جبر لك كلّ مكسوره لقطتك فكرة ٍ ماهي تمرّ الّا " كثيف إحساس " لـ منّه حسّ بـ شعور المودّه هاضت بحوره على عينٍ ليا بيّن هدبها تهت بـ الهوجاس مـ بين أبيات ابو شيبه و بين ألحان " أبو نوره " تجيني و الهوى الهادي يهبّ بْـ صدري النسناس و أقوم آدرّج الخطوه على دربً شعا نوره تمرّ البال يا خلٍ . . فرق عن باقي الأجناس إلين الدرب يوضح لي ، بـ ليلٍ زاد ديجوره و أسجّ مْن المكان اللي تمرّه خطوة العسّاس ولا توقف خُطى الأقدام الين أبعد ورى سوره ديارٍ ما بها جرّة خطاك و عمّرت بـ الناس بـ تبقى في نظر خلّك .. يـ خلّي ، دار مهجوره شجاع القوم لا سلهم نظر عينك هلك و أحتاس دليل إنّ القلوب الخضْر ، منهيّه و ماموره لـ ضاقت بـ الشجاع اللي .. لقاله في زمانه باس يشور إلـ نفسه الخلوه و يمشي طايعٍ شوره يـ زين الخلوه إن ضاقت على صدرك من الوسواس و يـ زين الليل لا نسنس هواه و فاحت عطـوره لـ مرّ الوابل الصيّب .. بروقه مثْل " عقد ألماس " على كبد السماء يرسم .. بروقه " صوتٍ و صوره " كلام الناس يتشابه بعض الأحيان بـ الأمواس عسى الله لا يحدّ الطيّب مْن أقصاه و شعوره لو تْسرّيني الفرقى بليّا قدّك الميّاس مـ يشبهني سوى اللي يقتل الإنسان و يْزوره بدر السهلان

تفرق فعـول الرياجيل ،، لا بان الصحيح لين يوضح من وقف لك ويوضح من جزع واحدٍ لامن فزع لك ؛ يعديك المطيح وواحدٍ لا من فزع لك ؛ ياليته ما فـزع — بدر السهلان

@sa2hli ياسعود بن ناصر سلام الله سلام على الجناب الدمث والعزم القوي خوتك حطت في تلابيبي وسام وخلتني ادوي في سما الطاله دوي فاخذ الكلام الي ماجا بعده ، كـلام ؟ كلامٍ موكد ومن ( عقلٍ سوي ) اذا تبي خوة ،، ( عزيزين الـمـقـام ) خاو سهليٍ راسه اصوك ، وحمـوي بدر السهلان