💫السلطانة💫

اللهُّم أنت ربي، أنت معيني، أرني دربي ، ويسر لي أمري، وأنر قلبي، وخذ بيدي وأختر لي خيراً وامحي ذنبي و كن معي يا الله. #اللهم_آمين

#فضفضة_مشاعر شعوري الليلة شعور البدايه بين القديم من السكك والمنازل شعور من يبغى الرضا و الهدايه ويواجه أنواع الحيل والمهازل غريب ماله من ورى الناس غايه وبينه وبين الواقعيه عوازل راحت حياته ينتظر والنهايه يوم أقترب من كل حاجه .. تنازل

ما كل من يضحك ترى قلبه بخير ولا كل من يسكت عن الهمّ مرتاح بعض البشر تخفي وجيه المعاذير وبعض البشر صمت الكرامة لها جناح أمشي عزيز النفس لو دربي عسير ما هزّني وقتٍ ولا طيحة أرواح وأصون قلبي عن رخيص المشاعير اللي يبي قدري يجي بالوفا طاح

دامك نويت تروح درب السلامه عز الله إن البعد ما جاء بخسران كثر التغلي يفقد الشخص قامه ويهد في عين المحبين بنيان حنا قلوبنا رأس ماله كرامه صرح مشيد ما تهاوت به اركان واللي سرى ليله وعتم ظلامه يقفي وياتي بالعوض غيره إنسان

يا شمعة الروح تو الروح ما ذابت أشعلتني لين بان الشوق في عيني العمر يفنى ويبقى حبنا ثابت وإن غبت عن ناظري صوتك يناديني

صار الهوى والحب كله صار حتى لو ان قلبي ثقيل وذرب ماعاد فدروب الهوى معذار اللي مثل وجهه غصب ينحب والحمدلله شائت الاقدار كتبت فيه من القصيد العذب حره وهو مثلي سليل احرار صعبه ومحبوبي عظيم وصعب واللي يقول ان المحبة عار؟ ماجرب احساس الهوى من قلب .. - وبس والله …

#الكرامة عزة النفس لو ماهي بتغنيك ترفع مستواك عند رب البشر خيرٍ عظيم وغناه ومكرمه #الخذلان مايذبحني الا واحد قد تجمل فيّ وقام يتردى ويتردى وأنا ساكت منقوول

والله انك بصدري فوق حدّ الهيام ما لغيرك ب قلبي يا حبيبي وجود لو ابوصف غلاك ، ما كفاه الكلام واصلٍ بالحشا فوق الابعد حدود وحدك اللي احبَّه وغير حبك حرام يا مُناي ودعائي عند لحظة سجود

أحيا على قربك وصوتك وطاريك ودي بشوفك كل لحظة قبالي ودي أحطك في عيوني وأغطيك وودي أنا اللي أشوفك لحالي حتى الهوى لا مر من بين أياديك أقول هذا وش يبي في حلالي أنا بمنامي يا هوى القلب أناديك صورتك دايم ما تفارق خيالي ان غبت عن عيني بقلبي ألاقيك وان رحت عن قلبي ألقاك في بالي

سيبقَى الود مَحفوظًا لِمن عبرُوا حياتنا و ڪان ... لعبُورهم معنَى فڪانوا لنا .... الونس والرفقة وتَرڪوا بالروحِ أثرا جميلًا ، سَيبقى ما حَيينَا مهما مرت الأيام وتباعدنا ... و قلت الڪلمات بيننا ❤️

أبيات شعري طاهرة مابها عيب ياللي تدوّر في قصيدي معيبة أرقى بشعري عن دروب العذاريب الحشمة بشعري ولا هي غريبة أمشي دروبٍ بالنقا ما بها ريب أبيات شعري بالمعاني عذيبة وإن كان عيبي بالمجارة ياالذيب الشعر للشعّار ما فيه ريبة

يا وحشة الدنيا إذا صرت مشتاق كن البشر ما هي على الكون حيّه مشتاق لك والشوق غارق ودفّاق شوق السواحل للبحور العتيّه شوق الشعور اللي معك دام خفّاق داخل حشاياي ذكرياته وفيّه شوقي معك يا زين وافي وصداق ودقات قلبي لك قويه قويه نبضات قلبي حاملة كل الأشواق وأنفاس روحي في غرامك غنيّه

عزيزةنفس وشيمتي ترفض القاع واللي نوى يرحل عسى الجو يصفي من لا شرى ودي فلا نيب ملتاع اقفل ملفه والمفارق يكفي والرفقة اللي ما بها صدق واقناع اطوي شراع الود عنها واوفي اعطي رفيقي حقه بمدٍ وصاع وعن زلته لا اخطى اصد واعفي وما همني من طاح من عيني وضاع بعض الخسارة ربح وهذا يكفي .

ودي أشوفك واسكن بقلبك شوي وأعلمك،وشلون قلبي يناديك واعلمك علمٍ،يفيدك بشي إني أعزك موت.وبالحيل أغليك

يقول عبدالله عون أنتي من أي القبايل يا السنافيّه يظهر عليك اتسام العز والهيبه مانيب غلطان لو قلت قحطانيّه بين القحاطين والسبعان وعتيبه قالت سعودية فأرض السعوديّه وباقي السؤال انت ما لك به ولا لي به

جمال العقل بالفكر وجمال اللسان بالصمت وجمال الوجه بالعبادة وجمال الفؤاد بترك الحسد وجمال الحال بالاستقامة وجمال الكلام بالصدق.

#ياربّ وإن اغُلّقت كل الأبوابِ يبقى بابُك الأوسع، وإن خابت كل الظنون فالثقةُ بك تجاوزت حدَّ اليقينِ والاطمئنان، اللهُمَّ تدبيرًا يعقبه تيسيرًا وبُشرى🤍

#فضفضة_مشاعر أحبك واستحي منك ولا أدري ايش اسويبك أخاف اصارحك تزعل واخاف اسكت تعذبني أحبك واحترم طبعك وتعجبني عذاريــــبك أحبك وانت ماتدري احبك حيل واداريبــك أحبك والدليل اني احبك شف مضاريبـك شوف احوالي شف حالي نحل وش مذوبني💔

على حسب مامرني ومن تجارب الأولين وجهة نظر ويجوز فيها الاتفاق والانقسام اترك مسافة كافية بينك وبين الآخرين بعض البشر ودك حدود المعرفة معهم سلام اصمت ولاتحرص على كثر الكلام الصمت زين اللي سكوته ساتره يمكن يعريه الكلام #السعودية_العظمى

#فضفضة يكفيني أني تركتك بليا غلط بدر مني ويكفيني اني رحلت وانا شايل الاسباب كنت أحسبك شي ..وماصرت على ظني أغليك ؟ولكن ماننفع …نصبح اقراب! من اول ماشفتك لمست شيً في خاطري بس الحين؟صكيت عنك الف باب. لاني كم مره شلت هم فوق.. همي من كثر ماعاتبك وانا مليت العتاب.

لاصار تاريخك من المجد مليان ما كل فرصه تشعفك لا تهيّت الحاجة اللي دونها كل منان عرضت على النفس العزيزه وعيّت منتب على مدح اكثر الناس شفقان ولا على مساحة الجوخ ميّت كم مرةٍ جاتك معزه وسفطان تركتها مثل الطعام المبيّت