عايض الرشيدي

#كن_همي_سيل كن همي سيل متحدر وصدري وادي آخذٍ لّي مع متاهه كامل الحريّه !! كل ماقدمت رجلي في مسيري بادي واستقرت ثابته والثانيه مثنيّه !! اتخيل بالرسوم المرمسات جدادي واستعيد الذاكره بجذورها المرميّه ادري ان السّم ضد السّم ماني غادي والافاعي تختلف بالسّم داب وحيّه ما انحني لو طاح من ظهر البعير شدادي وانصدع راسي من الوقفه على رجليّه السؤال اللي جوابه كاتمه بفوادي لين اشوف الذيب الأشهب ترضِعه جنيّه ويش تعني شرهة البصره على بغدادي يوم صار الراعي المخلص بدون رعيّه ياهبيل القلب وش يعني لك المقعادي وأنت طرقي بالطريق بساقت الطرقيّه ما اتفقنا ناخذ المقسوم من ماجادي وأنت توّك مبتدئ بأحلامك الورديّه كان مايربطك بأهل الخير ملح وزادي والله إنك تزرع الحسنه وتحصد سئيّه اعتبر ثوب الحياه اللي عليك حدادي واعتبر ماذكر في صفحاتها مرثيّه ماأنت لاقي لك صدى للصوت يوم تنادي موت لين إنك تحصل بالسنه قفريّه ! الكلام اللي تقوله ماعليه اسنادي ! مثل حلم إبليس بالجنّه يبي حوريّه ! ويش ترجي من نفع ماضيك اخير البادي انتهاء فصل الربيع وطارت القمريّه ! #عايض_الرشيدي

للمجاراه ليا شبيت ناري شرهة الدله على الفنجال مدام الهيل والقهوه من المنتج وانا الشاري لامنه دق ناقوس الطواري واخفق الارسال تخيرت الطريق اللي يوصلني لمشواري انا شاعر ويلهم طاغي افكاري بنات رجال على متن السحاب اللي بروقه تاخذ الساري #عايض_الرشيدي