just-me

خشمي احمر

شريك الحياه اللي اتمناه هيبه عند العرب وخبل عندي

لاتبحثون عن الحب تراه حزمه مشاكل ابحث عن علاقه روحانيه فيها امان الحديث فيها مليان عفويه تحس ان وجهك مبتسم وانت تسولف ، ترى الحب ظاهره طاهر وداخله عاهر

على هالاجواء مفروض اني في وسط شاص واحوم حول نياقي ومطلعه طرف يدي يعنني مهوجسه فيك يا عطايا ربي ومشغله شيله دنيا بلياك عندي مالها قيمه ويمر علي احمر عين يعاين فيني ويقول ويل امها اشهد انها ساطيه وهو مايدري اني ذروق لو قال تعالي يابنت بركت في محلي

ابي اتزوج واحد يقول ارسلي صورة جوازك وش رايك نروح موسكو ؟ ياعرب ورب النعمه اني مليت من طريق المزاحميه و من القديه ومن جبل كميت اللي في مرات ومن الرين وطاريها ومن القميص الروز الي تغسلينه فجاه يصير قصير من قدام وطويل من ورى متى نلبس اللبس الفاحش متى نستطعم الحياه متى انا اكلمك متى ؟؟

هل السكران في ذمه الصاحي؟

ابي انحف اقل شي ١٥ كيلو من وين اجيب عزيمه

حلقي ياحلقي تعرفون بدايه اللوز ابد هو بالضبط

هناك طرب يضرب اعصاب المخ اسمه طرب الكلمه

ابي معامله خاصه تنعش جنون العظمة الي في داخلي

الرضيع تكلم و العجوز حملت والنائمون استيقضو بعد سنين طوال فما هي امنيتك ياصعلوك حتى تيأس !وهو رب المعجزات

رايقه وحزينه بنفس الوقت

اخييييه ياقلبي ما ارهفك اثرك طلعت اخف من نسمه هواء بارده

صباح الخير لوجهي السمح الفذ الجميل اللطيف اللهم زوجا يقبل وجنتي صبح ومساء زوج مقطوع من شجره لانك ياربي عارف ان معي قولون ومالي خلق ام زوج او اخت زوج فيها لعانه عشان انا ياربي ماعندي شي اخسره حتى ولدهم يضفونه على كبودهم ماعاد ابيه هونت

أحس بريحة خير مقبل ..

ياجبار .. جبراً يُعيد للقلب حياته و روحه.

ودي إني في المجرة وأسولف للنجوم لا أتكلم مع اهل الأرض ولا اسمع كلام

اقسم بالله العلي العظيم انك تحتاج اجازه من كل الدنيا من الاختلاط بالناس من الشغل من البيت من كل شي

يبدو أن حنى بنشحذ الاهتمام الى قيام الساعه مو معقوله التصحر العاطفي هذا وحنا نمشي بين الناس بالحسنى اجل كيف لو كنا ماكلين مال حرام

اذا فيه انسان قادر انه يخليك تضحك من قلبك هذا مايقل اهميه عن الاكل والماء والكهرباء