سعد بن وافي

على اللي مضى بالعمر لو ماهو ب محسوب نسوق الحسايف والمشاريه .. كالعاده وش اللي يضيّق صدر الانسان بالمكتوب مادام السما محراب .. والارض سجادة ؟

بالله قلي وش اللي صار لو تدري ! انا على باب وصلك وقفت سنيني ياكيف الايام تاقف وان مشى عمري " توي صغير الهوى والشيب ماليني ؟ " ما صرت اعرفك لو اني عارفك بدري ولو ان دمعك بقى في راحة ايديني ياللي على شان دمعة ضيقت صدري لا عاد اشوفك تهل الدمع من عيني وقل للصغير ان غشاه الليل لا يسري تو الليالي تبسّم لي .. وتدعيني وان شافني صوبكم يملا الهوى صدري مافيه داعي على بابك … يقديني

يا فاتنه لو ان فاليد .. حيله ماكان الاحلام الكبار استحالت انا ادري ان لكل غاية وسيلة لكن غاياتي على الصبر طالت تسامر وعودي .. بروق المخيله وابطت على كبد السما لين مالت ريح النسانيس وهوا كل ليله نسيمها في كفكم .. يوم نالت وهقواتي اللي فالبطى مستحيله عنها ظروف الوقت والبعد حالت ضلوعي اللي كل ودٍ تشيله ياما على بعض المخاليق شالت الوقت لا غير سماه ونثيله نجاذب اطرافه لو انها تعالت والوصل يعني عن كثيره قليله لو المسافة بالظروف استطالت واللي غلاها ما لقينا .. بديله سارت ورا غيم الوصل لين زالت احبها حب الوطن والقبيله وتحبها جروحي ولا قد تمالت يوم اني ابرى والليالي طويله اكرمتها حق الهوى لين قالت: اصغر سبب للعين مابي دليله انا عذرت دموعها يوم سالت واكبر خطا عن النفوس العليله انها ليا طال الملاقى .. تشالت

على اني سمعت اخبارهم غير ما جا شي ينسيني اللي صار منهم .. وانا سالي له الله قلبي لا تمثنى .. وكل شوي تزاحم به العبرة ولا هو ب متشالي لو ان القدر بيدي ماكان النتيجة ذي تعيشني اللي فات واسلا عن الحالي انا احيان اشوف ان الذي مات كنّه حي طواري تبسامه ، شعتني وانا لحالي " ليا بانت الذكرى .. وعيّا عليها العي " عسى الله لا يخلي وصاله من حبالي

يالله وش باقي من الصبر مني؟ ابك الفرج لا صرت فالصبر غلطان المرجلة دين الرجل لين يفني والمسكنة ماهي لذربين الايمان ما قد خدمنا الحظ والحظ معني في بعض الاشيا لا ظفر فيها الانسان ما ينتظر ذيب البرا كف حصني ياخذ نصيبه بالعزم قدر الامكان سبتمبر ٢٠٢٢

تنشدت الاحلام البعيدة ، من الغلطان؟ وقالت لي ان الوقت نصّه .. وانا نصّه على عدّنا الصافي ، شعوري قدر الامكان يمد الحبل والحظ .. يطويه ويقصّه على كل حال اقديت يالصاحب المنّان شعور التخلي منك قد ثقّل الغصّه لو ان الاماني تنطق بكل ما قد كان بتشهد لي اني بالوفى ماخذن حصّه احب اصل احلامي ولكن بعض الاحيان يموت البطل من قبل لا تولد القصّه .