راشد بن فاروع

من يرخص الدين لـ الدنيا سنينه حطام حتى لو الناس فيه تزيد تمجيدها الصدق ساس الشموخ اللي عليه الكلام ولا القراده تحصلها مقاريدها #راشد_فاروع

أنا سلايل متعب الخيل في البيد مالد بالنظره على كل ساقط..! احيان اتعب متعبين الاواليد واحيان من همي دموعي تساقط..! صدري عن دورب الردا نزه وبعيد وراسي مع رجال المواجيب قالط..! مِ احتاج في رايي مجامل وتاييد الطيب وعلوم الردا ماتخالط..! #راشد_فاروع

عرفت من جرحي أسلوب المجاريح وكسبت من حزني دعاء و استغاثه..! صدرالجريح وغصن الاشجار والريح مثل العرب . . . والعولمه والحداثه..! #راشد_فاروع

الهواجيس والايام ماهي حبايب بيني وبين عسرات المواقف مصامخ في عيوني صدوف الوقت مثل الهبايب والرياجيل مثل النايفات الشوامخ #راشد_فاروع

مدري اروح وين ولا ادري اجي منين المواجع عطيبه والطواريق عوب كل مازادت الشرهه يزيد الحنين وكل مازادت الضيقه تضيق الدروب غالي الود لاتشره تراني حزين مونسٍ قسوة ايام وقساوة قلوب لو شرحت الكلام اللي بصدري دفين ماتلين القلوب من القسى الا تذوب #راشد_فاروع

صدر العرب عنده الطعنات مسهوجه لو عادة احداثها خمسة عشر مره..! من قبل دمعة حماة وموت فلوجه ماحرّك الصدر دم محمد الدّره..! #راشد_فاروع

ترى الغلا والتعوّد صعب خلك حذر ملح وحلا ونسقوه الماء سواقيه ذاب بعدين واشلون تلقى للمشاعر عذر لا صار قربك محرّم وابتعادك عذاب بيّاعة الورد ماتعرف عهود ونذر والورد جذاب لو مايملك الانجذاب ياوردة العمر انا السّاقي من اول بذر ياعذبة الروح وش ذنب السنين العذآب #راشد_فاروع

لا تدقق في الدموع ... وفي الملامح لاتدقق الحياه بكبرها . ،.. طاحت من عيوني النداوي كل شيءٍ كنت ابيه ... اليوم مابيه يتحقق بعد ماصار الرحيل ... وباقي العمر متساوي #راشد_فاروع

ياما لاجل شيبك دمحنا العذاريب وقلنا الردا يفداك وانت المبدا ..! انته وراك ادمنت شذب العراقيب الناس تكسب طيب وانته تردا ..! #راشد_فاروع

ابوك..! همّه قيمتك واحترامك وامك..! تمنى همّها قبل همك..! وانا..! سرق عقلي غلاك وغرامك لين اجتمع عندي غلا ابوك وامك..! #راشد_فاروع

عسى المعزه ديارك والسعاده فضاك ياحلم باقي سنيني واجمل اللي مضى اضحك عسى فرحة الايام تعشق رضاك مثل ماعشّق ابتساماتك بـ لحظة رضى #راشد_فاروع

ابن عمك اللي مادرى خاطرك وش فيه لا تمدح له النايد وتهديه من ذمك ترى لو يحاول يكتم الغيض ويخفيه مايطري عليه الا خسارة حليب امك #راشد_فاروع

يمك حنيني وشوق القلب داعيني كل المشاعر على شوفتك منجنّه..! ما أغلا من عيونك الثنتين في عيني إلا رضا والديّ و روضة الجنّه..! #راشد_فاروع