بـوح القصّيد

الهوى معروف شيٍ لا إرادي والنتيجه مؤسفة محدٍ حمدها لو صبر راع الهوى صبر المهادي الجروح تبين لو أنه جحدها

وشلون لامرّت على البال ذكراك وطيفك سرق مني لذيذ الرقادي وشلون اعيش اللي بقالي بليّاك لا من غدينا كل واحدٍ بوادي علمني اكره ذكرياتك وطرياك وانسى من الليله صدوق الودادي

البارحة مابين ذكرى وتذكار عيا يطب النوم سود الجفوني ياغايبي والشوق مخلوق من نار ماهنت لو غيرك عليا يهوني وشلون تتركني على عتبة الدار وانت الوحيد اللي بكت له عيوني اسألك في وجه الولي رب الابرار رازق ضعيف الطير فوق الغصوني ان كان باقي لي معزة ومقدار عوود ترا شوفتك تشفي طعوني

حنا علـى عهد .. الوفا لك بقينا القلب يوم إنك وفي عنك ما مال علـى الهـوى نثبـت لمـن يهتوينا ومن راح ما حنّـا ب طـرّادة أزوال

جيتك من اللهفه على حب واعجاب ماهو على ما قيل صدفه لقيتك الناس واجد والمحبه لها ابواب مير الغلا وقف على باب بيتك.

تعبت انادي ياحياة الروح ياكل المراد ومليت اقول اليوم والا باكر بوصلك تجود صدك ذبحني والجفا قطع معاليق الفؤاد ياللي بتعذيبي تماديت وتجاوزت الحدود لالاتبرر موقفك واعلن على الحب الحداد وترى البكا ماينفع الميت ولا لطم الخدود

لو أطيع أشواق قلبي في هواك كان أطير مع الهبوب بدون ريش

إن جابها الله والمشـاعر سليمه يبغالها حمدٍ وشكــرٍ وتسبـيـح وإن ما كتبها الله فـلا به هزيـمه حنا بشر نحتـاج ونقوم ونطيـح ولنـا مع الأيام .. ذكـرى أليمه ولنا ليالي من سعدها مفاليح

ليت الليالي في هواك اجمعني بيني وبينك يالغزال السروحي خذني حبيبي في الهوى بالتأني والطف بحالي يالمحب الذبوحي شوف الليالي في ودادك قصني واسخيت قلب لك غريم نصوحي

في صدري الليله تناهيـد وآهـات درب ٍ طويل من الحسايف طرالي . راحت بي الذكرى" على فايتٍ فات خابت ظنـوني والزمن ماصـفالي

اشوف لك من وين مارحت ذكرى لا شفتها صديت عنها ودنقت ما كل جرحٍ لا خذا أيام يبرى ! بعض الجروح يزيد شرّه مع الوقت !

أحدٍ يغيب ، ونذكره كل ليلة واحدٍ نشوفه كل ليلة وننساه

تراك فالخاطر ولو مانشوفك وغلاك مايمحيه قل المواصيل .

بكرى تبي تكبر وتبعد خطاويك وتمضي سنينك ياصغيري عجوله تمرك الذكرى وتشفق لـ ماضيك وتحن لـ أيام الصبا والطفوله .

إلا أنت خلك معي ولا تجافيني غيرك يروح وجعله ما يجي ثاني لا صرت مني قريب وما تخليني ماهمني من هجر قلبي وخلاني

راحوا وباتوا في الصُور و المكاتيب وفي كل شبّر من الصور يوحشوني

غابوا ولكن فالضماير عايشين حتى لو إن اجسادهم تحت الثرىٰ .

والله إنك في الحشى مثل الوداعه لو يطول البعد ويقل . . الوصالي

جعل زولك عن عيوني ما يغيّب يا بعد شُوف العرب و أزوالها ".

رجعت بي الذكرى على ذيك الايام حلو السنين اللي مضت من حياتي ليت العمر ينعاد لو بضعة اعوام وارجع وارتب من جديد امنياتي