Pinned Tweet
ياروتيني إللي جمل فـ عيني ( الروتين )
ماكنت ادري التكرار مع حضرتك مغري
لاصرتي عليّ مثل النسانيس في تشرين
تطول السنين الغبر .. ماضيقت صدري
فداك العمر .. والمال يفداك لو بتجين
احب المصاري صح بس ماني بـ مصري !
عطيني من الاحساس ( مايقدره قلبين )
انا وضعي العادي : مثل وضعي المزري
يهب الهوا منا .. وافكر تجين منين ؟
هذا اكثر سؤال البارحه شاغلٍ فكري
لو إنك ماهميتيني ( تجين و تروحين )
ماتاخذني اللهفه .. على شارعك بدري
تطلين .. و تعم ( السكينه ) من تطلين
على قلبي العيّ وعلى احساسي الثوري
يهب النسيم العذب .. ويزيد لينك لين
ونغني انا ، والليل ، والغصن ، والقمري
قبل عودك المبري ماعرف المبره زين
وعرفت المبره زين من عودك المبري !
امسيّ على الحلوين .. واسامر الحلوين
هم إللي بعد ربي يزيدون !.. من عمري
ماحب الضياع الا ضياعي معك تدرين
ليا ضعت بين ثنين .. عنابي و نمري !
تشوفين نفسك .. لامشيتي على الباقين
مثل عفريٍ مذعور واجمل من العفري
على خبرك اشوفك جميله مامنك ثنين
وجمالك طموح الاغلبيه .. على خبري !
دعت عينك وشفتي من عيوني الـ امين
تقولين وش دراك ؟ اقول المُحب يدري
انا فاهمك من طاحت العين وسط العين
لو تكلميني . . بـ الفرنسي وبـ العبري
اغني لك ( العصما ) واغني لك البيتين
بوادر محبه .. سقتها لـ وجهك البدري
تبعني بعد حبك شريحه من ( الغاوين )
من سلوبك الهادي طغى سلوبي الشعري
- عتيم
عتيم retweeted
مساء الخير واما بعد ما فـ الفجوج فجوج
تنسي !.. كثر ماهي تنسيني ( عيونك )
متى ادوج فـ رحاب المحاجر تعبت ادوج
رحابٍ مافيها من جمالك .. ومن لونك
حبيبي !.. ليا صادفتني بالدروب العوج
قل مْن الكلام اللي تبي غير ( وشلونك )
لارجتني الدنيا ؟.. ماقالو لي المرجوج
وانا فيني مْن الحزن ما ياسع بـ كونك !
ليا جادك الغيث ولفت طرفك المدعوج
تذكر كريمٍ ( جاد فـ العمر ) من دونك
سهجت الفواد اللي قبل ماهو بـ مسهوج
وغيرك ماهموني !.. اجل لا يهمونك
تمادا علي واسرف وباب العتب مزلوج
يخلونك تسوي كذا ؟ .. مايخلونك
فدا وجهك اللي بالدلع والخجل ممزوج
وجيهٍ لاشافو دمعتك ( ما يراضونك )
جديلك .. من اجمل ليلة تمرنا منسوج
ياحلو السهر فـ الليله اللي على متونك !
تروح السنين ايام " يالفارع العمهوج "
ليا من لقيتك .. قبل ما الناس يلقونك
- عتيم
عتيم retweeted
إن عذرت الغلا ماينعذر الاشتياق
ياحبيبي .. حبيبك راح قلبه هبا
من سمح ماترده غير .. لهفة عناق
في صباحٍ نسيمه مثل هدهد سبا
عذري إليا طردت اللي رحل من سياق
ما لعب فـ الذيابه .. غير طرد الظبا
انت ( صوتك ) يطمني وحكيك رقاق
كيف صارت حروفك مثل حد الشبا
امدحك .. لاحصل بيني وبينك وفاق
كان عالجت جرحي : قلت طيب نبا
لاتقول ( المحبه ) حاجةٍ لاتطاق
وانت بد الصبا .. رجع ليال الصبا
يوم خليتني بين الوصل .. والفراق
كنك البندق اللي " ثورت فالخبا "
- عتيم
عتيم retweeted
يارفيقي ما بلحقك مشروه وملام
ادري ان راسك حماوي وقلبك قلب ذيب
من كلامك يارفيقي تحلويت الكلام
كن مافي خاطري ضيقه وماني صويب
ان وفييت فما ذخرتك سوى لنك حزام
وان ترديت اعتبرت الردى كرمه وطيب
اعتذارك عن لزومي جميل وعذر تام
والله ان كني مقلط على الجال الرحيب
لا قضيته فانت قضاي حاجات الكرام
وان عجزته ماكتب لي على الحاجه نصيب
العرب في بعض الاحيان ماترد السلام
والهقواي فيه منها يخيب وما يخيب
وانت ماخذ جودك جبله وماخذ وسام
يوم غيرك شايف الجود في عينه صليب
ازبنك من كثرت الهم والقاء الاهتمام
مثل مايزبن مريض الجسد صوب الطبيب
الليالي يوم لاحضتها فيها انفصام
ممكن تغربك من وضعها لنه غريب
كل ما عينت طيب معذب فالانام
سالت دموعي تقول اني مفارق حبيب
الاهانه في عيون العزيز اكبر حرام
مستحيل يهين نفسه لو ان موته قريب
عتيم retweeted
تقول أنا من سلايل محتمين الدخيل
مسعدني إنها تحدّاني بـ ( جدّانها )
منطوقها ما يقول إلا الكلام الجميل
ولو خانها لسانها صح الله لسانها
جميلة الوجه سوّت فـ المحاني جميل
من يوم صارت تشوف القلب : بستانها
- عتيم
عتيم retweeted
سليلة متعبين العاديات ومبعدين الشوح
عليك الله أنا مقدر .. على تنهيضة أحزاني
لمحت بوجهك إستنكار وحكيٍ مايطيق البوح
وهذي جرحها ماهو بلا منسي ولا فاني
ماكنّا من قبل مده نغني مع حمام الدوح
ولا كني عشان ارضاااااااك أزّعل جملة أخواني
رغم سنك قدرتي تصبحين الطاغي المملوح
ورغم ذالك ماغبتي عن وطن قلبي ووجداني
لقيت فعينك النجلا طريقٍ لنجاه وروح
فلا تخلي سبيلي لين ما حصل على إياني
أحبك من قبل لانشد وقالوا هالعفر وضوح
وقبل لا تنطقين حْروف جدانك وجداني
أجل ليه التجاهل والكبر ياوصفة المجروح ؟
ولاينفع مع اللي قد حصل تكبر وتنساني
لاشفتيني أنادي لك وحزني بيّن ومفضوح
تعالي نعتبر جيّة جنابك موقف أنساني
عطيني عذرك المرغوب لونه عذر ملوح
وذا ودّك بلاش أعذار .. وخليني على ماني
/@ciiz67
عتيم retweeted
وقفت مذهول من كلمة ومن شوف عين
مستغرب اللي سلم من كثرت اللي هلك
ياصاحب الوجه الابيض والكلام الرزين
ماكل حاجه لغيرك .. لا زم تصير لك
يدور من حول .. نفسه مره ومرتين
اللي ورى الناس .. داير مثل دور الفلك
" إذا استقليت في رايك عن الآخرين
صدقني انك تعيش العمر عيشت ملك
عتيم retweeted
كلّش .. ولا ديني و مبداي و سلومي
و أمالي إللي .. بـ رجوى الله معلّقها
ماخنت نفسي على شان أشكي همومي
لي ( هامةٍ ) مستحيل .. إني آدنّقها
ظروف الآقدار تجتاح .. بـ شكل يومي
ومن ترخص عزومها ترخص بنادقها
وشلون الأيام تقدر .. تكسر عزومي ؟
و أنا .. من إللي محد يكسر بيارقها !
عتيم retweeted
عسى اللي يشوف ان كلمت الحق ما تنقال
فدى اللي لو انها تجلب الموت ينطقها
يسدك عن ضعوف الروابع ولد رجال
لا صكت عليك ضروف وقتك يفرقها
تبين الوجيه البيض لا شانت الاحوال
مثل ما تبين الشمس من صوب مشرقها
لا حط الزمن راس السنافي على التمثال
يحط ( الردي ) في قمة ما تصدقها .
عتيم retweeted
يامجمول .. فـ بحور الشعر ماني بـ كداد
انا من يحفظ الشعر مثل .. اسمه السامي
اشوف القصيد اسمى من إنه يكون مراد
اذا ماكتبته ؟ .. لجل اخلدك فـ ايامي
ليا جبت لك ! .. فرديةٍ من خيار الضاد
ماجبت الكلام اللي يوصف لك هيامي
دوافع محبتنا لازاد " الوله " تزداد
سببها اشوفك : وين مارحت قدامي
ماحصلت من يشبه وصوفك فـ كل بلاد
لو احصل ابهامٍ .. مثل بصمة بهامي
مزاياك ، ماتنعد . . لو نعدد الامجاد
فتاريخ ( ربعك ) يوم صيخ الوغا حامي
طبيعة جمالك .. دايمٍ يملك استعداد
يطور من ابداعي قبل .. ينعش إلهامي
تكبر على غيرك .. وذا غضتهم وش عاد ؟
يحامي " جمالك " منت محتاج لـ محامي
سواد ( الوساع ) يشتت الحزن لامن ساد
هو اللي يقديني .. ليا ضعت : بـ اوهامي
عسى الله يجمعنا !.. قريّب بلا ميعاد
مثل ماجمع في وجنتك " نجدي وشامي "
ترا العاشق اللي : ينتظر ساعة المعواد !
هو الضامي اللي " لاذ" فـ مورد الضامي
لاتجرح فوادي .. صار جرحك على المعتاد
تبي تجرح صيامي ؟ .. تعال اجرح صيامي
مع إن نظرتك لاجيت : لك نظرة استنجاد
اشوف إندفاعي .. يجعل وصالك إلزامي
لو نقول : تحقيقك .. مايسوا تعب وجهاد
اجل ليه ؟ خدك " وردي " اكثر من احلامي
- عتيم
عتيم retweeted
افا يا حفيدة من يعز القنا .. و الطاس
فـ قلبك بديت أشك .. في كبر منزلتي
لو إنك تشوفيني بحبك عديم إحساس
اشوفك على استنزاف .. قلبي تطاولتي
انا اليوم مشكلتي من مواصلك الإفلاس
اخاف الوفا في تالي الوقت .. مشكلتي
بعد مابديت احس ماني معك حساس
تخيلت صدك فوق مانتي تخيلتي
لاطال الزعل ولا قصر عادي ولا باس
من يقول طولتي ؟ لاوالله ماطولتي
متى طلتك تفصل مابين الأمل و الياس
وافصّل لك ابياتي .. على ماتفضلتي
جمالك يرجعني على الحبر و القرطاس
ويقلل إجاباتي .. لو يكثّر اسئلتي
تهادي مع القمرا و ميلي مع النسناس
على كل ميله بيت بيتين وش قلتي ؟
من الياس اعلق حلمي بعودك المياس
على شان احس بـ قيمته .. لا تمايلتي
لو إني اشوفك دون شامه و عقد الماس
اقول الله العالم من الغيم !.. حولتي
ماعمر الدلال بـ عمرك المفترض ينقاس
كبرتي !.. وإلى منك كبرتي تدلّلتي
تقولين قربي نشوته .. نشوة النوماس
على كثر ماقلتي !.. معي قلتي وطلتي
عليّ من كلامك وش عليّ من كلام الناس
ماكنتي " اهم الناس " كنتي ولا زلتي !
- عتيم
عتيم retweeted
رضاك بسعى له قدر الامكان
لكنّ خلي دمعتك بعدين
الضيق لو انه رجل ما كان
يقدر ينزل دمعة الحلوين
