ᵞ ᴬ ᴴ ᴵ ᴬ✪

"والله إن غياب أخوي ما كان سهل علينا أبد، ولا زال ثقله بقلوبنا إلى اليوم. واللي يعرف أخوي يعرف كثر طيبته ووقوفه معنا، كان يحب يشوفنا سعداء، وما يرضى علينا نشيل هم أو نتعب، حتى لو كان تعبه على حساب صحته وراحته، أهم شيء عنده إننا نكون بخير ومبسوطين. كان دايم يحاول يريحنا، ويسندنا، ويوقف معنا، وما يقصر علينا بشي. والله إني أنا وأهلي كلنا فاقدينه، وكل واحد فينا يحمل بقلبه كلام وشوق أكبر من إنه يقدر يعبّر عنه. لكن الحياة تمشي غصب، ونكمل أيامنا ونضحك ونسولف ونحاول نعيش، ونبين للناس إننا بخير، مع إن داخلنا مو مثل اللي يبان علينا. مو كل حزن لازم يظهر بالعيون، ومو كل شوق نقدر نحكي عنه، فيه وجع نسكت عنه، وحنين نخبّيه بقلوبنا، والله وحده يعلم بحاله. نفتقده في أبسط تفاصيل يومنا، في مواقف كثيرة تمر علينا ونتمنى لو كان معنا، وفي كل لحظة نحس فيها إن فيه أحد ناقص بيننا. غيابه ترك فراغ ما يملأه أحد، ومهما ضحكنا ومهما حاولنا نتأقلم، يبقى مكانه محفوظ واشتياقنا له ما يتغير.والله يصبر قلب امي وابوي عليه يا رب في يوم الجمعه تفرّج عنه، وتحفظه بعينك اللي ما تنام، وتردّه لنا سالم معافى، وتقر عيوننا بشوفته بيننا. والله ما نبي من هالدنيا إلا شوفتك بخير يا أخوي، وجودك بيننا فرحة ما تشبهها فرحة، وغيابك وجع ما يعرفه إلا اللي عاشه.. الله يفرّج عنك يا أخوي، عسى الأيام تجمعنا فيك على خير، فقدك كبير وشوقنا لك أكبر. 🥺❤️" #إسـبـرِسّـا𓆩☕𓆪 #اخوي