معك ماهمّني اللي راح من عمري ولا اللي جاي
أحبّك كثر ما العذال قالو بك .. وقالو بي
طلبت من الحياة أشياء كثير وصرت كل أشياي
وش أبغى من الحياة أكثر من إنك صرت محبوبي
جمالك يرجعني على الحبر والقرطاس
ويقلل إجاباتي .. لو تكثر أسئلتي
تهادي مع القمرا و ميلي مع النسناس
على كل ميله بيت بيتين ، وش قلتي ؟
من الياس اعلق حلمي بعودك المياس
على شان احس بـ قيمته .. لا تمايلتي
ماعمر الدلال بعمرك المفترض ينقاس
كبرتي ! وإلى منك كبرتي تدللتي
زودً على الزين دلوعه ومطنوخه
عاد الطناخه ورثتيها من جدودك
انتي سليلة دواهي نجد وشيوخه
كل العرب ما عليها زود عن زودك !
الظاهر ارماح جدك راعي الجوخه
قد صفّها كل ابوها صف في سودك
غلاك أكبر من الواقع من الشرح ومن التعبير
ليا شفت المشاعر ما توصف قدرك أعذرها
على طاري غلاك الله يمسي طلتّك بالخير
ياحلو الليلة اللي في ملامح وجهك أسهرها
أحبك والمحبة ما لها غير الوصل تبرير
تمعن كلمة أحبك على أذنك يوم أكررها .
الناس واجد والمحبه لها ابواب
مير الغلا واقف عند باب بيتك
ما كل من مر القلب يسكن الإهداب
إلا انت لك بالقلب داري ببيته
لو يزحمون الكون ويكثرون الأحباب
يبقى هواك أغلى شعور لقيته