
ALT Patuloy na ipinakikita ng mga Pilipino ang kanilang tiwala sa mga programa at serbisyong hatid ng Department of Agrarian Reform (DAR). Sa pinakahuling nationwide "Boses ng Bayan" survey, nakakuha si DAR Secretary Conrado M. Estrella III ng 81.7% Index of Governance (IOG), na naglagay sa kanya sa hanay ng mga nangunguna at pinakapinagkakatiwalaang miyembro ng Gabinete sa bansa.

ALT Kaugnay ng pagdaraos ng ika-49 na ASEAN Summit at mga kaugnay na pagpupulong, idineklarang special non-working days sa National Capital Region (NCR) ang Nobyembre 16–18, 2026. Samantala, magpapatupad ng work-from-home (WFH) arrangement ang Department of Agrarian Reform (DAR) Central Office sa Nobyembre 19, 2026. Dahil dito, pansamantalang hindi tatanggap ng publiko ang DAR Central Office mula Nobyembre 16 hanggang 19, 2026. Maraming salamat sa inyong pang-unawa.

ALT Buong pagmamalaking binabati ng Department of Agrarian Reform (DAR) si Undersecretary Niña Taduran sa pagkilala sa kanya bilang Top Performing Most Trusted Women Empowerment Advocate in the Philippines ng Media People's Choice Awards. Ang parangal na ito ay pagkilala sa kanyang patuloy na paglilingkod sa publiko at pagsusulong ng karapatan at kakayahan ng kababaihan. Bilang Undersecretary ng DAR, patuloy ding nagiging bahagi si Usec. Taduran ng mga pagsisikap ng kagawaran na palakasin ang kakayahan at kabuhayan ng mga magsasaka, lalo na ng mga agrarian reform beneficiaries (ARBs). Ang pagkilalang ito ay hindi lamang tagumpay para kay Usec. Taduran kundi inspirasyon din sa patuloy na pagsusulong ng isang lipunang nagbibigay-halaga, pagkakataon, at kapangyarihan sa bawat babae. Congratulations, Usec. Niña Taduran! Patuloy na maging inspirasyon sa paglilingkod at pagbibigay-lakas sa kababaihan at mga magsasakang Pilipino!

ALT Buong-pusong ipinagmamalaki at binabati ng Department of Agrarian Reform (DAR) si Undersecretary Amijilda J. Sangcopan sa pagkakamit ng Career Executive Service (CES) Eligibility! Isang karangalang sumasalamin sa kanyang kakayahan, dedikasyon, at husay bilang isang lingkod-bayan. Isang karangalan para sa DAR na magkaroon ng pinunong tulad po ninyo—mahusay, dedikado, at patuloy na naglilingkod nang may integridad at paninindigan para sa ating minamahal na mga agrarian reform beneficiaries. Mabuhay po kayo. Usec. Amijilda J. Sangcopan! We are so proud of you!

ALT Tinig ng Lupang Malaya: Kuwento at Aral-Agraryo, Butil na Pamana sa Kabataan Tunghayan ang ikalawang taon ng PelikulAgraryo: The Department of Agrarian Reform Central Film Festival 2026! Tuklasin ang mga kuwentong umuugat sa lupang malaya, pahalagahan ang mga aral ng repormang pansakahan, at itanim ang mga binhi ng kaalamang aanihin ng susunod na henerasyon. Muling saksihan ang husay, pagkamalikhain, at talento ng mga estudyanteng Pilipinong filmmaker mula sa iba't ibang unibersidad sa paglikha ng mga de-kalidad na pelikulang sumasalamin sa buhay at mga karanasan ng ating mga Agrarian Reform Beneficiaries (ARBs) at Agrarian Reform Beneficiary Organizations (ARBOs). Pakinggan, tuklasin, at pagyamanin — PelikulAgraryo 2026, narito na!

ALT Quezon City – Hindi lamang husay sa paglilingkod sa publiko ang ipinamalas ng mga kawani ng Department of Agrarian Reform (DAR), kundi pati ang kanilang talento, sigla, at kakayahang magkaisa bilang isang koponan sa pagbubukas ng 2026 Estrella Cup, na pinangunahan ni DAR Secretary Conrado M. Estrella III.

ALT Noong Oktubre 26, 2026, pinangunahan ni DAR Secretary Conrado M. Estrella III ang pamamahagi ng 1,777 titulo ng lupa sa 1,693 agrarian reform beneficiary sa Central Visayas. Kasabay nito, naghatid din ang DAR ng tulong pangkabuhayan, kagamitang pansaka at libreng serbisyong legal upang mapalakas ang kabuhayan at mapabuti ang buhay ng mga magsasaka.





