ۆيَـنگ 🇰🇼

يا نفسي اللي تساميتي عن الغرّه عشتي على العز راسك معتلي شانه خلي حسودك يغيض ويمتلي حرّه اللي على الطيب رب البيت ما عانه من جامل اللاش ناقص عقل بالمرّه وشهو له نجامل اللي مالهم خانه " ما همنا من يعط الصوت ويجرّه " " في حضرتي كل مرّه يبلع لسانه " حنا كعام الخصيم ان ما كفى شرّه اليا اعتداء نلطمه من بين حجانه ما ننحني للظروف العوج لو مرّه طبع الولد ما يخلي طبع جدانه والصاحب الطيب نقدم له الدرّه بيني وبين البطل سفطان وميانه في سلمنا ما نحسد الكفو ونضرّه نحفظ مقامه ومنزلته وعنوانه (:

خلي لي الضيق وانتي لا تخليني وإن دار وجه الزمان اندسي خلافي لا يدخل الخوف قلبك لا تحاتيني مدامني بخير وفي صحه ومتعافي انتي في وجهي من الأيام صدقيني لك الله إني لوقف وقفة سنافي " انا علي الحرام ..! وانتي تعرفيني " " لو ما تشيلك عيوني تشيلك اكتافي " ♥️

أنا ما شعّاني غير حرٍ عريب أنساب على سنام المراجل .. ثبّت شداده وسمني غلاه .. كما ياسم المشعاب على خد صفرا ماتهّيت لـ حساده عذلت قلبي عن غرامه .. ولا تاب له القلب منساق وله الروح منقاده لو إن ما أدرى هرج عاذل ومغتاب ؟ " تقلدت مسباحه هلى عنقي قلاده " 📿♥️ #هي_تقول ♥️

السلق اللي داشين الحساب اذلفن لا اقطع العقال على ظهوركن ..

صباح الاجواء الحلوه والوجيه اللي تفتح النفس ❤️‍🔥🌦️

جيراني المطران بيتي وراهم ضيوفهم واجد وانا دايتي ذنب جتني مع الشباك ريحة عشاهم يمكن يجيني من عشاهم يد وجنب #هي_تقول 😄♥️

أبستمي ولا يلحقك ششك وأذى حتى لو الدنيا .. تدور طيحتي " ظروفي إن صارت كذا وإلا كذا " " أنتي كذا وإلا كذا … حبيبّتي " (: ♥️

دامه قدر يملي عيون الرياجيل .. وشلون ما تبغون يملي عيوني ..؟ #هي_تقول♥️

الله يحفظك من صواديف الأيام ♥️

ياروتيني اللي جمل فـ عيني " الروتين " ما كنت ادري التكرار مع حضرتك مغري لاصرتي عليّ مثل النسانيس في تشرين تطول السنين الغبر .. ما ضيقت صدري صباح الخير ♥️😄

أنتي من اللي ما توخذ غير بالأحمرين من دونك الموت الحمر والذياب تعوي صفرا نسبها مع التالين والأولين فرسانها من ذوي وهي بعد من ذوي مدري على وسع عينك كيف ماجاك عين والناس بعيونها .. تزوي بعضها زوي ♥️

ذنب اللقاء خله على عاتق الليل الذنب معك بحد ذاته فضيله أخذ يدينك من يدين المقابيل وتاخذ يديني من يدين القبيله ونشب بالظلماء نجوم وقناديل ونشب برّاق العيون .. ونخيله وتذوب بأطراف الحديث التفاصيل وردة ، وكأس ، وشمعتين ، وجديله ♥️

انا ترى لا شفت وجهك تحطمت اضيع وما اعرف اجمع كلامي نظامي اسرح فيك لامن تكلمت واضيع بعيونك ومدري علامي واللي اعرفه لا لقيتك تبسمت واني احبك واعشقك يا هيامي واللي اعرفه لا رقدت وتحلمت انك حبيبي وغارقٍ في غرامي ♥️😴

والله انك راحتي من كل هم وكل خوف والظنون المذنبه من يوم جيتي تايبه ياهنوف ما ينافسها على القمه هنوف الهقاوي ماتصيب ومعك صارت صايبه والله اني ما اتخاذل لو تباعدت الشفوف ماحسبت حساب وقتي لو حظوظه عايبه دام أنا وياك مانبدي على الدنيا حسوف اذخري قلب ما هاب مع القلوب الهايبه القلوب محمله وانتي بصيرة من يشوف والقمر لو غاب نوره .. حظ نورك نايبه (: ♥️

خلني أرتب داخلي شوي وأجيك ودي أجيك بـ شي ماهو بـ عادي عندي قصيدة حب متعلقه فيك لو تبتسم جت لك على بحر هادي أنا أدري إن الشعر ماهو مخليك الشعر هايم بك وفي كل وادي " يا وجهتي من وين ما رحت ألاقيك " " أنا أشهد إني قبل أواجهك غاااادي " ♥️

لیه تبقى مین علشان تزورني تقوم تبات جوة في سواد العین وأخبیك بالسنین هو انت مين 🎼♥️ صبااح الخير 😄♥️

تطلْين .. و تعم " السكينه " من تطلْين على قلبي العيّ و على احساسي الثوري يهب النسيم العذب .. ويزيد لينك لين ونغني ، أنا ، والليل ، والغصن ، والقمري قبل عودك المبري ما أعرف المبره زين وعرفت المبره زين من عودك المبري امسيّ على الحلوين .. وأسامر الحلوين هم اللي بعد ربي يزيدون .. من عمري ♥️

يا حبيبي .. قلبك أبيض من بياض سنوني وألطف من النسمه اللي كل يوم تمره صورتك ما فارقت قلبي ولا آيفوني كل حاجه غاليه منّك لو إنها جرره جيت من بعد الغياب وزيّن الله لوني ألمحك قلبي وصارت ساحته مغتره شف جديلي من وراي ومنتثر من دوني كن سواده مجهمٍ عندي وعند ال مره " اتثيقل يوم شفتك تقرب من جفوني " " ولا انا من يوم شفتك خدتّي محمره " ♥️😘 المهم اسمع كلامي زييييين يا مضنوني والله إني معك لو تسكن جبال الحرره " كان قصدك هم والا غم هاك متوني " " كيف ما اوقف معك وانا هـ .. الحره " 💔🔥 في مثل هذي المواقف لا تزيد جنوني اسمع البيت الاخير وكرره كم مرررررره " خل عنك خصري الضامر وكبر عيوني " " اعتبرني شيخ قومٍ لحيته لـ سرررره " ♥️ #هي_تقول ♥️

مواعدتك اني معك كل ما احتجت بجيك .. حتى لو ما ترسل كرووكي " من طيب راسي يوم شفتك تزوجت " " جيتك بـ عانيّه ….. وعودٍ مروووكي ♥️" #هي_تقول ♥️😄

لا تنزلين دموع عينك وتبكين تبكي عيوني قبل تبكي عيونك خوذي وعد من صاحبك والوعد دين إني ما اخونك .. لعنبو من يخونك " والله لا أعيشك الفرح لين ترضين " " وإني لا أضمد في يميني طعونك " ♥️